დეტროიტის ავტო შოუ
18 იანვარი
BYD
ჩინური კომპანია განსაკუთრებულ ყურადღებას იმსახურებს. მიუხედავად იმისა, რომ დაგეგმილი რაოდენობით ავტომობილების გაყიდვა ვერ შეძლო, მან უკვე დაიწყო ევროპული ქვეყნების ბაზრებზე ფეხის მოკიდება და ამერიკასაც მიაშურა. დეტროიტში BYD-ის მთავარი ექსპონატი მოდელ S6-ის ბაზაზე დამზადებული ჰიბრიდული ავტომობილი და ელექტრომობილი იყო.
ეს კომპანია, სანამ საავტომობილო ბიზნესს მოკიდებდა ხელს, მობილური ტელეფონების და ლეპტოპების ლითიუმ-იონური ელემენტების წარმოებაზე იყო სპეციალიზებული და ბუნებრივია, ამ გამოცდილების ავტობიზნესში გამოყენებასაც ცდილობს. და უნდა ითქვას, რომ თუ გამოფენაზე გავრცელებულ რელიზებს დავუჯერებთ, ადვილად გაუწევს კონკურენციას ელექტრომობილების მასობრივი ბაზრის ისეთ პიონერებს, როგორებიც ”შევროლე ვოლტი” და ”ნისან ლიფია”, რომლებმაც შესაბამისად, ამერიკის და ევროპის წლის საუკეთესო ავტომობილების წოდებები მოიპოვეს.
BYD E6-ის მთავარი ღირსება ისაა, რომ მას აკუმულატორების (რომელთა ტევადობაა 60 კიოვატსაათი) ერთჯერადი დამუხტვით 321 კილომეტრის გავლა შეუძლია.ეს თითქმის ორჯერ მეტია ”ნისან ლიფის” სვლის სიშორეზე და მართალია, ”შევროლე ვოლტისას” ვერ უახლოვდება, მაგრამ აქ ისიც უნდა გავითვალისწინოთ, რომ ამერიკული პლაგ-ინ ჰიბრიდს სვლის სიშორის გაზრდაში შიდაწვის ძრავი ეხმარება.
No comments:
Post a Comment