17 აგვისტო
ლოებმა განაცხადა, რომ კიდვ ორი სეზონით რჩება და ორივეს ისევ ”სიტროენში” გაატარებს, ფრანგულ გუნდში, რომელთან ერთადაც, ყველა ტიტული აქვს მოპოვებული. სხვათა შორის, ბევრი ელოდა, რომ ფრანგი მრბოლი ”ფოლკსვაგენში” თავის გადასვლას გვამცნობდა. გერმანული კომპანია რალის მსოფლიო ჩემპიონატზე გამოსვლებისთვის ემზადება და მოსალოდნელი იყო, რომ სპორტიდან წასვლა ლოებს სწორედ მან გადააფიქრებინა.
მაგრამ ლოები სხვაგვარად ფიქრობს. მისი თქმით, მას მოწინავე პოზიციის შენარჩუნება სურს და ამისათვის, სწორედ ”სიტროენში” უნდა დარჩენილიყო: ”ჩემპიონატში ახალი კომპანიების მოსვლით, კონკურენცია არნახულად გამძაფრდება. მომავალი სეზონიდან წესები იცვლება და მოსალოდნელია, რომ გამარჯვების შანსები სხვებსაც გაუჩნდებათ. მათტან ბრძოლისთვის კი, ”სიტროენში” დარჩენზე უკეთესს ვერაფერს ვიზამდი. ამ გუნდს ძალიან კარგად ვიცნობ და მისმა მანქანამაც არაერთხელ დაამტკიცა, რომ კონკურენტუნარიანია. მის სრულყოფაში კი მონაწილეობას მეც ვღებულობდი”. რა თქმა უნდა, ლოების დარჩენით კმაყოფილია ”სიტროენი” და მისი ხელმძღვანელობა. ”ჩვენ ვამაყობთ მის მიერ ჩვენდამი გამოჩენილი ლოიალობით და ძალიან გვიხარია, რომ თავის კარიერას ისევ ჩვენთან გააგრძელებს, გუნდთან, რომლის მხარდაჭერაც, კარიერის დასაწყისიდან არ მოჰკლებია”, - ამბობს ”სიტროენის” გენერალური მენეჯერი ფრედერიკ ბანსეტი.
No comments:
Post a Comment