Wednesday, August 31, 2011

”ბეემვემ” ავტომობილს დამოუკიდებლად მოძრაობა ასწავლა

BMW Joins Skynet’s Army with Ultimate…Self-Driving Machine
31 აგვისტო
ეს უკვე რეალობაა - ავტომობილს მძღოლის გარეშე გადაადგილება შეუძლია და მართალია, ამ საქმეში ბავარიული კომპანია პიონერი არაა, ამ ტიპის ერთ-ერთი ყველაზე წარმატებული აპროექტი სწორედ მისმა ინჟინრებმა შექმნეს. და არამხოლოდ შექმნეს, არამედ წარმატებული ხაგრძლივი ტესტებიც ჩაუტარეს.

Tuesday, August 30, 2011

”ფიატ პანდა” მეორედ იცვლება


Fiat’s 2012 Nuova Panda to Fight for City-Car Supremacy
30 აგვისტო
უკვე 31 წელია, რაც ”ფიატი” პატარა ავტომობილს სახელად ”პანდას” უშვებს და ის იმდენად პოპულარულია, რომ ტურინელებმა სულ ერთხელ შეცვალეს. წელს კი მესამე თაობის ”პანდას” ჯერ დადგა. ”ფიატს” ეს ავტომობილი ფრანკფურტის მოტორ შოუზე საპრემიეროდ აქვს მომზადებული, თუმცა მანამდე მის შესახე ინფორმაცია და ფოტოები ინტერნეტით გაავრცელა.

”ტოიოტამ” ნურბურგრინგზე ელექტრომობილების რეკორდი მოხსნა

Toyota smashes electric vehicle record with 7.47:79 Nürburgring lap time
30 აგვისტო
ამ მანქანას არაფრის მთქმელის ახელი კი აქვს, მაგრამ ახლახანს მან ნურბურგრინგის ჩრდილოურ მარყჟზე (ნორდ შლაიფ), ელექტრომობილების კლასში, წრის გავლის რეკორდი მოხსნა. 20-კილომეტრიანი ტრასა მან 7 წუთსა და 47.79 წამში გაიარა. ეს კი წუთზე მეტით სჯობს წინა რეკორდს (9:01.33), რომელიც ამ სეზონშივე დამყარებული აქვს ”პეჟოს” კონცეპტუალურ EX1-ს. ახალი რეკორდი იმ დროებთან, რომლებიც ”ნისანის” GT-R-ით და ”პორშეს” 911 ტურბოთია ნაჩვენები.

Monday, August 29, 2011

კობაიაში: შეჯახება ჰამილტონის შეცდომამ გამოიწვია

Kobayashi says Lewis Hamilton was at fault in their Spa clash
29 აგვისტო


ბელგიის დიდი პრიზის შემდეგ, ”ზაუბერის” იაპონელმა მრბოლმა კამუი კობაიაშიმ განაცხადა, რომ რბოლის დროს, მასა და ლუის ჰამილტონს შორის მომხდარი შეჯახება, ბრიტანელის შეცდომამ გამოიწვია.

Sunday, August 28, 2011

ფეტელმა ბელგიაში მეშვიდე გამარჯვება მოიპოვა

Vettel wins Belgian Grand Prix
28 აგვისტო
სებასტიან ფეტელმა მიმდინარე სეზონში მეშვიდე გამარჯვება ბელგიაში იზეიმა და ამით, კიდევ ერთი ნაბიჯი გადადგა ზედიზედ მეორე ტიტულისკენ. ახლა ის უკვე 92 ქულას უგებს უახლოეს მდევარს, საკუთარ თანაგუნდელ მარკ უებერს და საეჭვოა, ავსტრალიელმა, რომელსაც ჯერ ამ სეზონში ერთი მოგებაც არ აქვს, ესოდენ სოლიდური ჰანდიკაპის აღმოფხვრა შეძლოს.

Saturday, August 27, 2011

მალდონადო დაჯარიმდა, ჰამილტონი გააფრთხილეს

Pastor Maldonado penalised
27 აგვისტო

ლუის ჰამილტონთან კვალიფიკაციის მეორე სექტორში მომხდარი ინციდენტის გამო, ხუთი პოზიციით დაჯარიმდა ”უილიამსის” ვენესუელელი პილოტი პასტორ მალდონადო (ფოტოზე).

”რედ ბულმა” უებერი დაიტოვა


Webber staying at Red Bull in 2012
27 აგვისტო

როგორც მოსალოდნელი იყო, ”რედ ბულ რეისინგმა” თავისი ავსტრალიელი მრბოლი მარკ უებერი მომავალი სეზონისთვისაც დაიტოვა. თან ეტყობა, გუნდმა ეს გადაწყვეტილება კარგა ხნის წინ მიიღო, მაგრამ მისი გამოცხადება, ოზი პილოტის დაბადების დღეს დაამთხვია. 27 აგვისტოს მას 35 წელი შეუსრულდა.

ბელგიის პოული ფეტელს

Vettel pips Hamilton for Spa pole
27 აგვისტო


მიმდინარე სეზონში ”რედ ბულ რეისინგის” საკვალიფიკაციო დომინაცია გრძელდება - ისევე როგორც წინა 11 ეტაპზე, ბელგიაშიც საუკეთესო სწორედ ავსტრიული გუნდი და ჩემპიონატის ლიდერი, მსოფლიოს მოქმედი ჩემპიონი სებასტიან ფეტელი არიან. ფეტელმა სესიის ბოლო წამებზე შეძლო ”მაკლარენის” ლუის ჰამილტონის ჯობნა და მიმდინარე სეზონში მეცხრე პოულს დაეუფლა.

Friday, August 26, 2011

”მერსედესმა” ახალი B-კლასი გაგვაცნო


Mercedes Officially Unveils the New B-Class MPV
25 აგვისტო
ასე თუ გაგრძელდა, ფრანკფურტის მოტორ შოუს გახსნამდე, მისი ყველა ექსპონატის შესახებ ინფორმაცია გვეცდონრბა და შოუს დროს ”გავლილი გაკვეთილების” გამეორება მოგვიწევს. ყოველ შემთხვევაში, შოუს მონაწილეები, თავიანთ კონცეპტუალურ და სერიულ მოდელებს ისეთი გულმოდგინებით გვაცნობენ, შეიძლება იფიქროთ, ამათ გაუგიათ, შოუ აღარ ჩატარდება და რაც იქ უნდა ეჩვენებინათ, ინტერნეტით გვაცნობენ.

წვიმიან პრაქტიკებზე ყველაზე სწრაფი უებერი იყო

Webber on top at rainy Spa
26 აგვისტო

ოცი წლის წინ, სწორედ ბელგიის დიდ პრიზზე შედგა მიხაელ შუმახერის დებიუტი ფორმულა ერთში. მაშინ მან ”ჯორდანით” იასპარეზა და ფ1-ში შემთხვევის წყალობით მოხვდა - ”ჯორდანის” ბელგიელი (ლუქსემბურგში დაბადებული და საფრანგეთში მცხოვრები) ბერტრან გაშო ლონდონის ტაქსისტთან მომხდარი ინციდენტის გამო, სამი თვით ციხეში მოხვდა და ბელგიურ ეტაპზე, სწორედ ის შეცვალა შუმახერმა.

Thursday, August 25, 2011

”სუპერსპორტი” - ტაილანდური სათამაშო სატრეკო დღეებისთვის

Thailand’s 999Motorsports Unveils Track-Day 300HP Lightweight Sportscar
25 აგვისტო
ეს მანქანა მოგეწონათ და სათაურს არ დაუჯერეთ? იმიტომ, რომ ფიქრობთ, სად ტაილანდი და სად სარბოლი ავტომობილი? მაგრამ სათაურში შეცდომა არაა - მანქანა, რომელსაც ფოტოზე ხედავთ, ტაილანდურ კომპანია ”999 მოტორსპორტსის” მიერაა შექმნილი. თურმე ნუ იტყვით და ეს ამ კომპანიისთვის მეორე ავტომობილია. პირველისთვის ”ჰაკერი” დაურქმევიათ. სახელის გამო ნუ იფიქრებთ, რომ ის რომელიმე ცნობილი სპორტული ავტომობილის ტაილანდური გადამღერება იყო. არა - საკმაოდ უცნაური, თუმცაღა ორიგინალური გარეგნობით გამოირჩეოდა.

Wednesday, August 24, 2011

ევრო NCAP-ის ხუთი ვარსკვლავი ”ჰიუნდაი i40-ს”


Hyundai i40 Takes Top Euro NCAP Rating
24 აგვისტო
ევრო NCAP-მა (ევროპის ახალი მანქანების შეფასების პროგრამა) ქრეშ ტესტების ახალი სერიის შედეგები გამოაქვეყნა. სიაში მოხვდა ”ჰიუნდაის” ახალი ჰეჩბეკი და უნივერსალი i40, რომელმაც უმაღლესი, ხუთვარსკვლავიანი შეფასება დაიმსახურა. ტესტები 1.7-ლიტრიანი GSD დიზელით აღჭურვილ i40-ს ჩაუტარდა.

ლოებს ”ფოლკსვაგენი” ეპატიჟებოდა


Sebastien Loeb says VW's attempts to lure him from Citroen were tempting
24 აგვისტო
სებასტიან ლოებმა აღიარა, რომ მის გადაბირებას ”ფოლკსვაგენი” ცდილობდა, რამაც ”სიტროენში” დარჩენის გადაწყვეტილება ძალიან გაურთულა. თუმცა, გერმანული კომპანიის შეთავაზებაში იყო მომენტი, რომელმაც ლოების გადაწყვეტილებაზე იმოქმედა.

რაიკონენმა ”პეჟოს” სარბოლი პროტოტიპი 908 გამოსცადა


Kimi Raikkonen completes Peugeot 908 test
24 აგვისტო
ფორმულა 1-ის მსოფლიოს 2007 წლის მსოფლიო ჩემპიონმა, ფინელმა კიმი რაიკონენმა ”პეჟოს” სპორტული პროტოტიპი 908 გამოსცადა, ავტომობილი, რომლითაც ფრანგული კომპანია ლე მანის 24-საათიან რბოლებში ასპარეზობს. ტესტები ესპანეთის ტრეკ მოტორლანდ არაგონზე ჩატარდა, სადაც რაიკონენის გარდა, ”პეჟოს” საქარხნო გუნდის პილოტებმა, ფრანგებმა ფრანკ მონტანიმ, სტეფან სარაზენმა და სიმონ პაჟენომ, ასევე ავსტრიელმა ალექს ვურცმა ივარჯიშეს.

სენა ჰაიდფელდს შეცვლის


Senna replaces Heidfeld at Renault
24 აგვისტო
მოსახდენი მოხდა - ჯერ კიდევ უნგრული ეტაპის შემდეგ, აშკარა იყო, რომ ნიკ ჰაიდფელდს ”რენოში” ადგილის დაკარგვა ემუქრებოდა. და აი, ბელგიური სარბოლი უქმეების წინ, ფრანგულმა გუნდმა გამოაცხადა, რომ გერმანელი პილოტის ნაცვლად, სპაზე ბრაზილიელი ბრუნო სენა იასპარეზებს.

Tuesday, August 23, 2011

”პორშემ” ახალ 911 ფრანკფურტამდე გაგვაცნო

Porsche Finally Unveils New 911
24 აგვისტო
თუ იცით, რომელი ავტომობილია, რომელიც მსოფლიო ბაზრიდან უკვე 48 წელია, ფეხს არ იცვლის და მაინც ძალიან პოპულარულია? რა თქმა უნდა, ლეგენდარული ”პორშე 911”. მალე ამ ავტომობილს ნახევარი საუკუნე შეუსრულდება და ამ იუბილეს მისი მეცხრე თაობის ავტომობილი იზეიმებს. ის ავტომობილი, რომლის მსოფლიო პრემიერაც მალე ფრანკფურტის მოტორ შოუზე გაიმართება. პრემიერამდე ცოტა ხნით ადრე კი გერმანულმა კომპანიამ მის შესახებ ინფორმაცია და ფოტოები გაავრცელა.

Monday, August 22, 2011

”ფოლკსვაგენის” მორიგი სიახლე - ”ერთლიტრიანი” ელექტრომობილი

VW to Unveil New Experimental One-Seat Electric Car in Frankfurt
22 აგვისტო
ფრანკფურტის მოტორ შოუს, ერთ-ერთი ყველაზე აქტიური მონაწილე ”ფოლკსვაგენი” იქნება, რომელიც სპეციალისტებს და დამთვალიერებლებს რამდენიმე სიახლეს უმზადებს. ამ სიახლეთაგან კი ერთ-ერთი ყველაზე საინტერესო, ექსპერიმენტული ერთადგილიანი ელექტრომობილი იქნება. თუმცა, ფრანკფურტულ მსოფლიო პრემიერამდე, ამ მანქანის პირველად ხილვა ბერლინში, სპეციალურ პრეზენტაციაზე იქნება შესაძლებელი.

ოჟიემ გერმანიაში ლოების გამარჯვებათა სერია დაასრულა


Ogier ends Loeb's winning run in Germany
22 აგვისტო
მსოფლიოს შვიდგზის ჩემპიონ სებასტიან ლოებს გერმანიის რალი ზედიზედ რვაჯერ აქვს მოგებული და გამარჯვებათა სერიის გაგრძელება ამ სეზონშიც სცადა, თუმცა ამჯერად ტრიუმფში ხელი თანაგუნდელმა და თანამემამულე სებასტიან ოჟიემ, უფრო სწორედ კი, საკუთარმა უიღბლობამ შეუშალა.

Sunday, August 21, 2011

”ფოლკსვაგენ Up” ფრანკფურტული პრემიერის წინ

Volkswagen Up Revealed Ahead of Frankfurt Debut
21 აგვისტო
მალე ”ფოლკსვაგენის” სამოდელო გამას ერთი სრულიად ახალი ავტომობილი შეემატება, რომლის წყალობითაც, გერმანული ავტოგიგანტი, გაყიდვების მნიშვნელოვან ზრდას გეგმავს. ამ ავტომობილის პირველი კონცეპტუალური ვერსიის დებიუტი ჯერ კიდევ ოთხი წლის წინ შედგა და მას შემდეგ, ბაზარი მის გამოჩენას მოუთმენლად ელოდა. და აი, პრემიერის დროც მოახლოვდა...

Saturday, August 20, 2011

”მორგანი” კონცეპტუალურ ელექტრომობილებს ამზადებს

Morgan Readying Pure Electric Aero Supersport Concepts
20 აგვისტო
სპორტული ავტომობილების მწარმოებელი ბრიტანული კომპანია ”მორგანი”, სხვა ორ კომპანიასთან ერთად, ორი კონცეპტუალური ელექტრომობილის შესაქმნელად მუშაობს, რომლებსაც მერმისს წარმოადგენს. პროექტის სახელწოდებაა ”მორგან +E” და მასზე მუშაობისას, ”მორგანის” პარტნიორები ბრიტანული კომპანიები - ”ციტეკი” და ”რედშეიპი” არიან.

მოტოციკლი ”ჰიუნდაისგან” - მხოლოდ დიზაინერის ხედვა

Designer imagines a motorcycle for Hyundai

20 აგვისტო
ცუდი იდეა არ უნდა იყოს, არა? - მოტოციკლი ”ჰიუნდაისგან”... რა თქმა უნდა, ამაზე კორეული გიგანტის მესვეურებს არც უფიქრიათ, რადგან მათ ავტობაზარზე ისედაც ძალიან ძნელი მიზნები აქვთ მისაღწევი. მაგრამ წარმოდგენებში აბსოლუტურად შეუზღუდავნი არიან თავისუფალი დიზაინერები, რომლებსაც ხელს არავინ და არაფერი უშლის იმაში, რომ უჩვეულო იდეები შემოგვთავაზონ.

Friday, August 19, 2011

”ტოიოტა” ნურბურგრინგზე ელექტრონული შეტევისთვის ემზადება

Toyota Details Upcoming Nurburgring Electric Record Attempt, Reveals Prototype
19 აგვისტო

”ტოიოტა მოტორსპორტმა” გამოაქვეყნა ინფორმაცია იმ გეგმის შესახებ, რომლითაც გერმანიის ნურბურგრინგის ავტოდრომის ჩრდილოეთის მარყუჟზე, ახალი სარბოლი ელექტრომობილით, ამ ტიპის ავტომობილების წრის რეკორდის დამყარებას აპირებს.

”კადილაკმა” თავის სტილს მიაგნო


New Cadillac Ciel 4-door Convertible Concept Wows Pebble Beach Crowd
19 აგვისტო

”კადილაკი” ძალიან გააქტიურდა. ჯერ იყო და, ”ჯენერალ მოტორსის” ლუქს ბრენდმა სამი ახალი ავტომობილის წარმოების შესახებ გვამცნო, ახლა კი, პებლ ბიჩის (მონტერეი, კალიფორნია) ელეგანტურობის კონკურსზე, საზოგადოებას თავისი მორიგი შედევრი - ოთხკარიანი მდიდრული კაბრიოლეტი ”სიელი” გააცნო.

Thursday, August 18, 2011

”ფერარის” შეფი ელექტრომობილებზე უარს ამბობს

Ferrari Boss Says No to Electric Models, Endorses Hybrid Tech
18 აგვისტო


ელექტრომობილები მსოფლიო ავტოინდუსტრიის ახალი, ძალიან ძლიერი ტრენდია. იმდენად ძლიერი, რომ კომპანიები თავიანთ მომავალს სწორედ ამ ტიპის ავტომობილებს უკავშირებენ. მაგრამ არიან ისეთი გამონაკლისებიც, რომლებსაც ეს ტრენდი სულაც არ აღელვებს. მათ შორის ყველაზე გამორჩეული კი ”ფერარია”, რომლის პრეზიდენტი ლუკა დი მონტეძემოლო, დაჟინებით იმეორებს, რომ ელექტრული ავტომობილები მისი მარკისთვის შეუფერებელია.

კუბიცას კიდევ ერთ ოპერაციას გაუკეთებენ


Robert Kubica's injury progress set to improve after final operation 
18 აგვისტო
როგორც რობერტ კუბიცას მკურნალი ექიმი ამბობს, პოლონელი მრბოლის გამოჯანმრთელების პროცესი მნიშვნელოვნად მას შემდეგ დაჩქარდება, რაც მარჯვენა იდაყვის ბოლო ოპერაციას გაუკეთებენ. ეს კი იმისთვისაა საჭირო, რომ სახსარი სრულად გაიხსნას.

შუმახერი წასვლას არ აპირებს

Schumacher Denies Retirement Rumors
18 აგვისტო

ბოლო ხანს, კულუარებში სულ უფრო ხშირად ლაპარაკობდნენ იმაზე, რომ დროა, მიხაელ შუმახერმა კიდევ ერთხელ დაასრულოს თავისი სახელოვანი კარიერა. თვით ნიკი ლაუდამაც, შუმის წასვლა ურჩია. მერე იტალიურ პრესაში დაიწყეს დარწმუნებით წერა, რომ მსოფლიოს შვიდგზის ჩემპიონს, უკვე გადაწყვეტილი აქვს წასვლა - სხვა თუ არაფერი, ის თანაგუნდელ ნიკო როსბერგსაც კი ვერ უგებს, ვისაც ჯერ ერთი რბოლას არ მოუგია...

”ჰიუნდაიმ” კალათბურთელებს გზა დაულოცა

18 აგვისტო

ორ დღეში საქართველოს კალათბურთელთა ნაკრები ლიტვას გაემგზავრება, სადაც ქალაქ კლაიპედაში, ევროპის ჩემპიონატის ჯგუფური ეტაპის შეხვედრებს ჩაატარებს. გამგზავრებამდე ორიოდ დღით ადრე კი, გუნდს სოლიდური მხარდამჭერი გამოუჩნდა საქართველოში ”ჰიუნდაის” ავტომობილების დისტრიბუტორის, ”ჰიუნდაი ავტო ჯორჯიას” სახით.

Wednesday, August 17, 2011

კონცეპტუალური ”კავასაკი ZX-770R” – იაპონური პასუხი KTM-ს

Kawasaki ZX-770R Concept: The Japanese Antidote to the KTM X-BOW
17 აგვისტო


რამდენიმე წელია, მოტოციკლების მწარმოებელი ავსტრიული კომპანია KTM სუპერ ავტომობილ X-ბოუს აწარმოებს, რომელიც საკმაოდ პოპულარულია არამარტო კერძო პირებს შორის, არამედ რბოლებშიც. და რით არიან ავსტრიელებზე ნაკლებნი იაპონელები, რომლებსაც სუპერბაიკების წარმოების უზარმაზარი გამოცდილება აქვთ და იმ ტექნოლოგიებსაც ფლობენ, რომ სუპერ ავტომობილები აწარმოონ? რა თქმა უნდა, არაფრით. თუმცა, სიტყვიერად ამის თქმა ძალიან ადვილია, შესრულება კი - ძალიან ძნელი.

ლოები ორი წლით დარჩა

Sebastien Loeb to remain in WRC with Citroen until at least 2013
17 აგვისტო

რამდენიმე დღის წინ, ბრიტანულმა გამოცემა ”ავტოსპორტმა” გაავრცელა ცნობა იმის შესახებ, რომ რალიში მსოფლიოს შვიდგზის ჩემპიონი სებასტიან ლოები მნიშვნელოვან განცხადებას ამზადებდა. მაშინვე საეჭვო არაფერი იყო იმაში, თუ რა იყო მოსალოდნელი - ასეთი მნიშვნელოვანი განცხადება მან შარშანც გააკეთა და მაშინ თქვა, რომ ამ სეზონის შემდეგ, კარიერას დაასრულებდა. ახლა კი ყველაფერი პირიქით მოხდა - ლოებმა, ვინც მერვე ტიტულთან ახლოსაა, მსოფლიო ჩემპიონატზე თავისი დარჩენის შესახებ გვამცნო.

”შლუკშპეხტ E” - რეკორდსმენი ელექტრომობილი

Schluckspecht EV travels a world record 1,000 miles+ on a single charge
17 აგვისტო

ამ უცნაური სახელის მქონე ავტომობილმა, რომელიც გერმანიის ქალაქ ოფენბერგის გამოყენებითი უნივერსიტეტის გუნდმა შეიმუშავა, ახლახანს ელექტრომობილების რეკორდი დაამყარა - ერთი დამუხტვით, არნახულად დიდი მანძილი დაფარა. სარეკორდო გარბენი ”ბოშის” სატესტო ტრეკზე, ბოქსბერგში ჩატარდა. ავტომობილმა 1631.5 კილომეტრი გაიარა და 628 კილომეტრით გააუმჯობესა წინა რეკორდი, რომელიც მანამდე ”იაპონურ ელექტრომობილების ჯგუფს” ეკუთვნოდა. ”შლუკშპეხტ E-ს” მიღწევა მით უფრო მნიშვნელოვანია, რომ ის თანამედროვე ტექნოლოგიებითაა აღჭურვილი. ანუ, სპეციალურად სიახლეების შემუშავება საჭირო არ გახდა.

Tuesday, August 16, 2011

ახალი ლუქს ბრენდი ფრანკფურტში გაგვეცნობა

New Luxury Car Brand Eterniti Motors to Launch in Frankfurt
16 აგვისტო

უამრავი კონცეპტუალური და სერიული ავტომობილის პრემიერის გარდა, ფრანკფურტში ერთი მეტად საინტერესო ღონისძიებაც იგეგმება - საზოგადოება საავტომობილო სამყაროს ლუქსის კლასის სრულიად ახალ ბრენდს, ბრიტანულ ”იტერნიტი მოტორზს” გაეცნობა.

აზიური ”შევროლე” ევროპის გაკვირვებას აპირებს

Asian Styling Set to Impress Europe

16 აგვისტო


რამდენიმე თვის წინ, სეულის ავტო შოუზე, ამ ავტომობილმა საყოველთაო მოწონება დაიმსახურა. პატარა, სწრაფი, სუფთა და ”მწვანე” - მოკლედ ასე შეიძლება მისი დახასიათება. ავტომობილს ”შევროლე მირეი” ჰქვია. ის როდსტერია და ამერიკული კომპანიის კორეული დივიზიონის სპეციალისტების მიერაა შემჲშავებული. და, თანამედროვე ბაზრის ტენდენციას ხომ არ გამოაკლდებოდა - ის სანახევროდ ელექტრომობილია.

Monday, August 15, 2011

უიტმარშს ტიტულის იმედი აქვს

Whitmarsh says title is still possible for McLaren
15 აგვისტო

”მაკლარენის” შეფი მარტინ უიტმარში ამბობს, რომ მისი გუნდის პილოტებს ჯერაც აქვთ ჩემპიონობისთვის ბრძოლის შანსი. მართალია, ჩემპიონატის ლიდერი სებასტიან ფეტელი ლუის ჰამილტონსა და ჯენსონ ბატონს შესაბამისად, 88 და 100 ქულით უსწრებს, მაგრამ ”მაკლარენის” პილოტებმა ბოლო ორი რბოლა მოიგეს. ეს კი იმაზე მეტყველებს, რომ ინგლისურმა გუნდმა თავისი მანქანა საკმარისად დახვეწა იმისათვის, რომ ”რედ ბულს” სერიოზული წინააღმდეგობა გაუწიოს.

Sunday, August 14, 2011

”პირელი” მყარ საბურავებზე უარს ამბობს

Pirelli is set to stop using its hardest compound
14 აგვისტო 


”პირელიმ” გადაწყვიტა, რომ ამ სეზონში, მყარი საბურავების გამოყენებაზე უარი თქვას. უფრო მეტიც, იტალიური კომპანიის ავტოსპორტული დეპარტამენტის შეფი პოლ ჰემბრი ვარაუდობს, რომ ასეთ საბურავებს არც მომავალ სეზონში გამოიყენებენ.

Saturday, August 13, 2011

პლაგ-ინ ჰიბრიდულ ”ტოიოტა პრიუსს” ფრანკფურტში ვნახავთ

Toyota to Debut 2012 Prius Plug-in Hybrid at the Frankfurt Motor Show
13 აგვისტო
დიდი ხანია, ”ტოიოტა” ჰიბრიდულ ”პრიუსს” უშვებს, რომელიც მთელს მსოფლიოში, უკვე თითქმის ორი მილიონია გაყიდული. მაგრამ ბაზარზე ელექტრომობილ ”ნისან ლიფის” და პლაგ-ინ ჰიბრიდული ”შევროლე ვოლტის” გამოსვლამ, ”პრიუსის” პლაგ-ინ ჰიბრიდული ვერსიის წარმოების აუცილებლობაც შექმნა. და იაპონურმა კომპანიამაც, ბაზრის მოთხოვნაზე რეაგირება არ დააგვიანა - ფრანკფურტის მოტორ შოუზე, სწორედ ასეთი ავტომობილის, (თანაც წარმოებისთვის მომზადებულის) პრემიერა გაიმართება.

”გუდიარი” თვითდაბერვად საბურავებს შეიმუშავებს

Goodyear developing self-inflating tires
13 აგვისტო

”გუდიარი” აცხადებს, რომ მისი ახალი სისტემა, გარე ჩარევის გარეშე შეძლებს საბურავში საჭირო წნევის შენარჩუნებას და მას დაშვების საშუალებას არ მისცემს. ეს კი დადებითად აისახება ავტომობილის ეკონომიურობასა და მის გამონაბოლქვში ნახშირორჟანგის შემცველობაზე. ასევე უსაფრთხოებაზე, მართვადობასა და საბურავების გამძლეობაზე. გამოკვლევები აჩვენებს, რომ ზედმეტად, ან ნაკლებად დაბერილი საბურავები, საწვავის ხარჯს დაახლოებით, 2.5-3.3 პროცენტით ზრდის.

Friday, August 12, 2011

ბერნი პიტლეინზე ელექტროძრავების წინააღმდეგია


Ecclestone Says No to Electric Engines in the Pit Lane
12 აგვისტო
ფორმულა ერთის მამებმა გადაწყვიტეს, რომ დიდი პრიზების ცირკს თანდათან მწვანე ტექნოლოგიები შეაპარონ და იქნებ, ჟან ტოდტის (FIA-ს პრეზიდენტი) ხელმძღვანელობით და ევროკავშირის გავლენით, სამომავლოდ ელექტროძრავებით აღჭურვილი ბოლიდებით რბოლებსაც გვიგეგმავენ. მაგრამ ეს პერსპექტივა, ბევრ თქვენგანზე მეტად, ფ1-ის პრომოუტერ ბერნი ეკლსტოუნს არ მოსწონს.

„როლს როისის“ გაყიდვები არნახულად იზრდება


New Ghost and China Boost Rolls-Royce Sales
12 აგვისტო
მსოფლიო ეკონმიკაში მოსალოდნლი მორიგი კრიზისის მიუხედავად, მიმდინარე წელი ალბათ „როლს როისის“ ისტორიაში ყველაზე წარმატებული გახდება. ასეთი პროგნოზის საბაბს იძლევა ინგლისური კომპანიის პირველი ექვსი ტვის გაყიდვების მაჩვენებლები.

„კადილაკ კონვერჯი“ თაროდან ჩამოიღეს


Cadillac Converj Receives Green Light for Production
12 აგვისტო
„კადილაკმა“ კონცეპტუალურ კუპე „კონვერჯის“ წარმოება გადაწყვიტა. ეს ინფორმაცია ამერიკული კომპანიის შიდა წყაროებისგან, ინტერნეტ გამოცემა „გრინ ქარ რეპორტსმა“ მოიპოვა. ორი წელია, ეს პროექტი შეჩერებულია, თუმცა კრიზისის დაძლევის შემდეგ, „ჯენერალ მოტორსმა“ მისი ამოქმედება გადაწყვიტა. სავარაუდოდ, ავტომობილის პრემიერა 2013 წელს გაიმართება.

Wednesday, August 10, 2011

„ჰიუნდაი“ ფრანკფურტში ახალ i30-ს გვიჩვენებს


All-New Hyundai i30 Heading to the 2011 Frankfurt Motor Show
10 აგვისტო
ფრანკფურტის საავტომობილო შოუსთვის, „ჰიუნდაის“ სიახლე აქვს მომზადებული. ესაა c- სეგმენტის მეორე თაობის i30, ავტომობილი, რომელიც კორეული კომპანიის ევროპულ დიზაინისა და საინჟინრო ცენტრშია შექმნილი, რომელიც გერმანიის ქალაქ რიუსელსჰაიმში მდებარეობს. ახალი ავტომობილი „ჰიუნდაის“ კორპორატიულ სტილშია (თხიერი სკულპტურა) შესრულებული და მისი შექმნისას, ინჟინრებმა ევროპელი საშუალო მყიდველის გემოვნება, სურვილები და ხასიათი გაითვალისწინეს. შესაბამისად, ავტომობილიც ევროპული ბაზრისთვისაა განკუთვნილი.

„ჯენერალ მოტორსს“ ევროპაში „შევროლეს“ წარმოება სურს


GM CEO wants to build Chevrolets in Europe
10 აგვისტო
„ჯენერალ მოტორსის“ მთავარი აღმასრულებელი დენ აკერსონი ამბობს, რომ მისი კომპანიის გრძელვადიანი გეგმები, ევროპაში „შევროლეს“ ავტომობილების წარმოების დაწყებას ითვალისწინებს, თუმცა, არ დაუკონკრეტებია, როდის. დღეისათვის „გენერლებს“ ევროპაში „შევროლე“ ამერიკიდან და კორეიდან შეაქვთ, რაც არაეფექტური სქემაა და შეცვლას საჭიროებს.

„აუდის“ ურბანული მინი - პირველი ინფორმაცია


Meet The Audi Urban Concept Car
10 აგვისტო
რამდენიმე დღის წინ, ინტერნეტით „აუდის“ კონცეპტუალური მინი ავტომობილის ფოტოები გავრცელდა. ის ბერლინის ქუჩებში ჰყავდათ გამოყვანილი და კარგად შენიღბულს, თუმცაღა ცხვირზე ოთხი საფირმო ნიშნით, ვიდეოთი იღებდნენ. მაშინვე ცნობილი გახდა, რომ ეს პატარა, უცნაური ფორმის მანქანა, ფრანკფურტის მოტორ შოუზე დებიუტისთვის ემზადება.

Tuesday, August 9, 2011

„ბეემვეს“ სუბ-ბრენდი i სოკოსავით მრავლდება


Rumors Go i-crazy: BMW Reportedly Considering i4, i5 Models
9 აგვისტო
„ბეემვეს“ ტრანსფორმაცია თვალსა და ხელს შუა ხდება. გერმანულმა კომპანიამ ახლახანს გვიჩვენა თავისი პირველი ორი ელექტრომობილი, რომლებსაც მალე სუბ-ბრენდ i-ს სახელით გამოუშვებს და აი, ინტერნეტში გაჩნდა ინფორმაცია კიდევ ორი ელექტრომობილის შესახებ, რომლებმაც, თუ მათი ნუმერაციით ვიმსჯელებთ, სწორედ გუშინდელ დებიუტანტებს - i3-სა და i8-ს შორის უნდა დაიკავონ ადგილები.

შუმახერი წასვლაზე ფიქრობს


Schumacher Admits Eyeing Return To Retirement
9 აგვისტო
მიხაელ შუმახერი აღიარებს, რომ ამჟამად ის კარიერის დასრულებაზე ფიქრობს. „კორიერე დელო სპორტის“ ინფორმაციით, მიუხედავად იმისა, რომ მსოფლიოს შვიდგზის ჩემპიონს „მერსედესის“ გუნდთან მომავალ სეზონზეც აქვს კონტრაქტი, არაა გამორიცხული, რომ ამ სეზონის დასრულების სემდეგ, თავისი შლემი ლურსმანზე დაკიდოს.

B7 - კონცეპტუალური სარბოლი ელექტრომობილი 500 კმ/სთ სიჩქარით

B7 Concept Electric Race Car to Reach 500 km/h
8 აგვისტო
თუ ელექტრომობილების ბაზრის განვითარებას მივადევნებთ თვალს, ადვილად დავასკვნით, რომ ამ ტიპის მანქანები გაცილებით სწრაფად შემოვა ყოველდღიურ ცხოვრებაში, ვიდრე ადრე გვეგონა. ეს პროცესი უკვე დაწყებულია და რამდენიმე სერიოზული წინააღმდეგობის მიუხედავად, სულ უფრო იკრებს ძალას და ტემპს.

Monday, August 8, 2011

მეორე თაობის „ამპერა“ უფრო კოხტა და იაფი იქნება


Second Generation Ampera Will be Cheaper, More Stylish
8 აგვისტო
„ოპელს“ ჯერ სვლის გაზრდილი სიშორის მქონე „ამპერას“ წარმოება არ დაუწყია, თუმცა უკვე მისი მომდევნო თაობის მოდელის შესახებ გეგმებს აწყობს. „შევროლე ვოლტის“ ანალოგის მიწოდებას „ჯენერალ მოტორსის“ ევროპული შტო მერმისს დაიწყებს, მეორე თაობის მოდელი კი ბაზარზე 2015 წელს გამოჩნდება.

„აუდი“ ელექტრონულ მინიავტომობილს ცდის

Audi ‘E1’ e-tron Concept
8 აგვისტო
„აუდის“ ფრანკფურტის საავტომობილო შოუსთვის სენსაციური სიახლე აქვს მომზადებული, რომელიც ამჟამად კამუფლირებული სახით, ბერლინის ქუჩებში გადის ტესტირებას. ინტერნეტ გამოცემა „მოტორაუტორიტის“ რეპორტიორმა სწორედ იქ გადაუღო ეს ფოტოები, როცა ორადგილიანი მინი ავტომობილი ვიდეოგადაღებებში მონაწილეობდა.

Sunday, August 7, 2011

ბატონი ტიტულისთვის ბრძოლას გააგრძელებს

Button determined to continue push for title
7 აგვისტო
ჯენსონ ბატონი ამბობს, რომ მიუხედავად იმისა, რომ ჩემპიონატის ლიდერ სებასტიან ფეტელთან ბევრი ქულა აშორებს, ტიტულისთვის ბრძოლას მაინც ბოლო შანსამდე აპირებს. ბრიტანელმა პილოტმა ამ სეზონში თავისი მეორე გამარჯვება ახლახანს, უნგრეთში მოიპოვა, მაგრამ ფეტელმა ფინიშის ხაზი მეორემ გადაკვეთა, რაც საკმარისი გამოდგა იმისათვის, რომ უახლოეს მდევართან უპირატესობა გაეზარდა.

„მერსედესი“ „ფერარის“ ყოფილი შეფის გადაბირებას ცდილობს

Mercedes Targets Ex-Ferrari Chief Costa
7 აგვისტო
„მერსედესის“ გუნდი „ფერარიდან“ ახლახანს წამოსული ალდო კოსტას გადაბირებას აპირებს, ადამიანისა, რომელიც ახლახანს იტალიური გუნდის ტექნიკური დირექტორი იყო, მაგრამ მანქანის კონსტრუირების კონსერვატიული მეთოდბი დაუწუნეს და ჩამოაქვეითეს. მერე კი, თავად ისურვა „სკუდერიას“ დატოვება.

„ლენდ როვერი“ ფრანკფურტისთვის ახალი „დეფენდერის“ კონცეპციას ამზადებს

Land Rover Rumored to Reveal New Defender Concept in Frankfurt
7 აგვისტო
ავტომობილებს სუფთა ფურცლიდან თითქმის აღარავინ აკეთებს, ახალი, პატარა კომპანიებიც კი, თავიანთი ავტომობილების საფუძვლად, სხვა კომპანიების პლატფორმებს იყენებენ. თუმცა, დიდი კომპანიებისთვის სრულიად ახალი ავტომობილის შექმნა ტექნიკურ პრობლემას არ წარმოადგენს, მთავარი ამ შემთხვევაში ფულია.