Thursday, June 30, 2011

„ჰიუნდაი“ წლის საუკეთესო ავტომწარმოებელია

WHICH? MAGAZINE NAMES HYUNDAI AS ‘BEST CAR MANUFACTURER’
30 ივნისი
პოპულარულმა ბრიტანულმა ჟურნალმა „ვიჩ?“, წლის საუკეთესო საავტომობილო კომპანიის წოდება „ჰიუნდაის“ მიანიჭა. კორეულმა კომპანიამ ისეთ ძლიერ მეტოქეებს აჯობა, როგორებიცაა „ბეემვე“, „მაზდა“, „შკოდა“ და „ტოიოტა“.
ჟურნალი „ვიჩ?“ ყველა ტიპის პროდუქციის მომხმარებელთა მრჩეველი გამოცემაა, რომელსაც 650 000 მუდმივი მკითხველი ჰყავს. ის აბსოლუტურად დამოუკიდებელი გამოცემაა და მომხმარებელთა ინტერესების სადარაჯოზე დგას. ამასთან, მყიდველს საჭირო რჩევებითაც ამარაგებს.

„პორშე“ ლე მანს უბრუნდება

Porsche to return to Le Mans 24 Hours with new LMP1 car in 2014
30 ივნისი
„პორშემ“ გამოაცხადა, რომ ლე მანის 24-საათიან რბოლას დაუბრუნდება. ეს 2014 წელს მოხდება, როცა შტუტგარტული კომპანია, საქარხნო მხარდაჭერით, სტარტზე LMP1 კლასის პროტოტიპებს გამოიყვანს.
„პორშე“ ლე მანის ისტორიაში ყველაზე წარმატებული გუნდია - ეს ურთულესი რბოლა 16-ჯერ აქვს მოგებული, მაგრამ სარტეს ტრასაზე 1998 წლის შემდეგ, საკუთარი გუნდით, პროტოტიპების კლასში არ უასპარეზია. შტუტგარტულმა კომპანიამ მე-16 გამარჯვება ლეგენდარული 911 GT1-ით მოიპოვა, რომლის საჭესაც მორიგეობით ბრიტანელი ალან მაკნიში, ფრანგი სტეფან ორტელი და ფრანგი ლორან აიელო მართავდნენ.

„ბეემვე i8“ ფილმში „მისია შეუსრულებელია 4 - აჩრდილის ოქმი“

BMW i8 Featured in Mission Impossible: Ghost Protocol
30 ივნისი
მომენტი ტრაილერიდან (მუმბაი)
ტომ კრუზი ისევ შეუსრულებელ მისიას ასრულებს, უკვე მეოთხედ. პრემიერამდე, რომელიც დეკემბერშია დაგეგმილი, ჩვენ ვერ გავიგებთ, რას ნიშნავს „აჩრდილის ოქმი“ (ფილმის სახელია), მაგრამ უკვე გავიგეთ ის, რაც ავტომოყვარულებს განსაკუთრებით დააინტერესებს - ფილმში ერთ-ერთ მთავარ როლს „ბეემვეს“ ახალი, ჰიბრიდული სუპერ ავტომობილი, i8 ასრულებს. და საერთოდ, ბავარიული კომპანიის მანქანებს ამ ფილმში ხშირად ნახავთ.

Wednesday, June 29, 2011

გაიცანით T.27 - გორდონ მარის ჯუჯა ელექტრომობილი

Gordon Murray Unveils Radical T.27 Electric City Car
29 ივნისი
ვინც არ იცნობთ, გაიცანით - გორდონ მარი, ფორმულა ერთის გენიალური ინჟინერი, დამოუკიდებელი კონსტრუქტორი და ახალი იდეების უშრეტი წყარო, ლეგენდარულ სუპერ ავტომობილ „მაკლარენ F1-ის“ შემოქმედი და ფორმულა ერთში არაერთი საინტერესო და თამამი იდეის განმხორციელებელი (თავისი დროის ედრიან ნიუი).

„ფერარის“ მყიდველებს წითელი ფერი აღარ ხიბლავთ

Fewer Ferrari buyers are seeing red these days
29 ივნისი
წითელი „ფერარის“ ფერია. ფორმულა ერთში იტალიური კომპანიის გუნდის მანქანები მხოლოდ წითლადაა შეღებილი (უიშვიათესი გამონაკლისების გარდა). ასე განსაჯეთ, მისი ხათრით, მსოფლიოს შვიდგზის ჩემპიონ მიხაელ შუმახერს მეტსახელად წითელი ბარონიც კი შეარქვეს. და ისე გააწითლეს, რომ „მერსედესში“ გადასულსაც წითელი ჩაფხუტი ახურავს.

Monday, June 27, 2011

„ნისანის“ გეგმა - ყოველ 6 კვირაში ერთი ახალი ავტომობილი

Nissan will Introduce a New Vehicle Every Six Weeks for Six Years
27 ივნისი
„ნისანმა“ თავისი ექვსწლიანი ბიზნეს გეგმა გამოაქვეყნა, რომელიც ახალ ბაზრებსა და სეგმენტებზე შეღწევას ითვალისწინებს, რისი წყალობითაც, გაყიდვების და მოგების გაზრდას შეძლებს. ამ მიზნის მისაღწევად კი, გვპირდება, რომ ყოველ 6 კვირაში, ბაზარზე თითო სრულიად ახალ ავტომობილს გამოუშვებს. გეგმა, სახელად „ნისან პაუა 88“, ხუთწლიანია და 2011 წლიდან, 2016 წლამდე მოქმედებს.

იაპონელმა მონსტრმა მთა დაიპყრო

Monster Tajima breaks 10-minute barrier, captures sixth consecutive victory
27 ივნისი
ალპინიზმი არაფერ შუაშია... მთას პაიკს პიკი ჰქვია, მონსტრი კი იაპონელი მრბოლის, ნობუჰირო ტაძიმას მეტსახელია. კაცისა, ვისაც ლეგენდარული და მსოფლიოში ერთ-ერთი უძველესი რბოლა - პაიკს პიკი უკვე ზედიზედ ექვსჯერ აქვს მოგებული. და რაც მთავარია, მან დიდი ხნის ოცნება აისრულა - თავისივე რეკორდი გააუმჯობესა და სამთო ტრასა, რომლის სიგრძეც 19.99 კილომეტრია, სტარტსა და ფინიშს შორის ამპლიტუდა კი 1 439 მეტრი, პირველმა გაიარა 10 წუთზე ნაკლებში.

„ჯენერალ მოტორსმა“ ჰიბრიდული ქროსოვერის პროექტი შეაჩერა

GM cancels Cadillac plug-in hybrid crossover
27 ივნისი
„ჯენერალ მოტორსმა“ გადაწყვიტა, დროებით შეაჩეროს პროექტი, რომელიც „კადილაკის“ მარკით, პლაგ-ინ ჰიბრიდული ტექნოლოგიით აღჭურვილი ქროსოვერის წარმოებას ითვალისწინებდა. სააგენტო როიტერსს ეს ინფორმაცია ამერიკული კომპანიის წარმომადგენლებმა გააცნეს, რომლებმაც ვინაობის გამხელა არ ისურვეს.

„ტოიოტა ქამრი“ - ყველაზე ამერიკული ავტომობილი

Study Reveals Toyota Camry as the Most American Car
27 ივნისი
ინტერნეტ გამოცემა „ქარზ-ის“ მიერ ჩატარებულმა ტრადიციულმა გამოკვლევამ, „ყველაზე ამერიკული“ ავტომობილის წოდება ისევ „ტოიოტა ქამრის“ მიანიჭა, რომელიც ამ წოდებას, უკვე მესამე წელია, სხვას არ უთმობს.

„მერსედეს ბენცმა“ უკვე 700 000 B-კლასი გაჰყიდა

Mercedes Announces More Than 700,000 B-Klasse Cars Delivered So Far
27 ივნისი
„მერსედეს ბენცი“ წარმოებისთვის B-კლასის ახალ ავტომობილს ამზადებს, რომელსაც პირველად ფრანკფურტის საავტომობილო შოუზე წარმოგვიდგენს. მის პრემიერამდე კი შტუტგარტელებმა გაავრცელეს ინფორმაცია, რომლის თანახმადაც, 2005 წლიდან მოყოლებული, რაც ბაზარზეა, პირველი თაობის B-კლასი უკვე 700 000 ცალია გაყიდული.

„ჰიუნდაი ველოსტერს“ შეიძლება კარი დაუმატონ

Hyundai Veloster Could Grow an Extra Door
27 ივნისი
„ჰიუნდაი“ თავის უახლეს სპორტულ მოდელ „ველოსტერს“ ჯერ მხოლოდ კორეაში ჰყიდის. მისი ერთი, საჩვენებელი ეგზემპლარის ხილვა თბილისში, „ჰიუნდაის“ ოფიციალური დისტრიბუტორის, „ჰიუნდაი ავტო ჯორჯიას“ დიღმის შოურუმშიც შეიძლება.

Sunday, June 26, 2011

„ბუგატიმ“ ბოლო „ვეირონი“ ევროპაში გაყიდა

Last Bugatti Veyron 16.4 Sold to European Customer
26 ივნისი
ახლახანს გავრცელდა ინფორმაცია „ბუგატის“ ახალი მოდელის შესახებ, რომელსაც ჯერჯერობით „გალიბიერის“ სახელთ ვიცნობთ, თუმცა ბაზარზე ის ალბათ „როიალის“ სახელთ წაესდგება. იმავდროულად, ყველამ იცოდა, რომ ძალიან მალე, ფრანგული კომპანია, რომელიც „ფოლკსვაგენის“ ჯგუფში შედის, „ვეირონის“ წარმოებას შეწყვეტდა, ავტომობილისა, რომლითაც „ბუგატიმ“ მეორე ცხოვრება დაიწყო.

Saturday, June 25, 2011

888 ცხენის ძალა „ფერარი FF-სთვის“

Ferrari FF Tuned by DMC to Produce 888 HP
25 ივნისი
ახლახანს „ფერარიმ“ თავის ისტორიაში პირველი სრულამძრავიანი სუპერ ავტომობილი - FF გამოუშვა, რომელსაც ჰეჩბეკივით მოჭრილი კუდი აქვს და ცხენების საკმაოდ დიდი რემა ემსახურება, მაგრამ როგორც ჩანს, ეს არ აკმაყოფილებდა გერმანულ სატუნინგო კომპანია „DMC ტუნინგს“, რომელმაც მისი კიდევ უფრო სრულყოფა და გაძლიერება გადაწყვიტა. შედგად იშვა 888-ცხენისძალიანი მონსტრი, რომელსაც ბევრი სარბოლი ავტომობილისთვის ფორის მიცემა შეუძლია.

„ნისან ლიფ ნისმო RC“ - ელექტრომობილი რბოლებისთვის

Nissan Leaf NISMO RC: Purpose Built Track Racer
24 ივნისი
9 ივნისი, სარტეს ავტოდრომი - ეს დღე საავტომობილო სამყაროს ისტორიაში აუცილებლად ჩაიწერება, რადგან სარბოლ ტრასაზე პირველად გამოვიდა რბოლებისთვის სპეციალურად მომზადებული ელექტრომობილი „ნისან ლიფ ნისმო RC“. მის საჭესთან კი, არც მეტი, არც ნაკლები, ფორმულა ერთის ყოფილი პილოტი და მიხაელ შუმახერის თანაგუნდელი, ჯონი ჰერბერტი იჯდა.

Friday, June 24, 2011

„ფორდი“ „ლინკოლნის“ გადარჩენას ცდილობს

Ford pumping $1 billion into Lincoln revival
24 ივნისი
დეტროიტული დიდი სამეულიდან, „ფორდ“ ეკონმიკურ კრიზისს ყველაზე იოლად და რაც მთავარია, დამოუკიდებლად დაუძვრა, თუმცა ეს მაინც საკმაოდ ძვირად უჯდება - მისი ლუქსის კლასის ბრენდი „ლინკოლნ“ ვერაფრით ახერხებს გაყიდვების გაუმჯობესებას.

„ვოლვო“ ელექტრული C30-ის წარმოებას იწყებს

Volvo C30 EV production kicks off
24 ივნისი
„ვოლვო“ მალე ელექტრომობილების წარმოებას დაიწყებს. შვედურ კომპანიას ამისათვის ბელგიის ქალაქ გენტის ქარხანა აქვს შერჩეული, თუმცა მანამდე, ავტომობილის ელექტრული აგრეგტების და მათთან ერთად, მათი მაკონტროლებელი ელექტრონული სისტემების (დრაივE) აწყობა შვედეთში, გოთენბურგის ქარხანაში მოხდება.

„ლოტუსი“ სუბკომპაქტურ “ეთოსს“ გამოუშვებს

otus to build Ethos mini with Proton
24 ივნისი
როგორც ბრიტანული გამოცემა „ქარ“ გვატყობინებს, სამ წელიწადში, სპორტული ავტომობილების მწარმოებელი ბრიტანული კომპანია „ლოტუსი“, საქალაქო სყბკომპაქტურ ავტომობილს გამოუშვებს. ავტომობილი, რომლის სახელადაც შერჩეულია „ეთოს“ (ტრადიცია არც ამჯერად დარღვეულა და ავტომობილის სახელი ე-ზე იწყება), „ლოტუსის“ მფლობელ მალაიზიურ „პროტონთან“ ერთადაა შემუშავებული. ამასთან, ახალი ავტომობილი ევროპაში „ლოტუსის“ მარკით გაიყიდება, აზიასა და ჩრდილოეთ ამერიკაში კი - „პროტონის“ სახელით.

Thursday, June 23, 2011

„შევროლე კოლორადო“ დაკარის დასაპყრობად ემზადება

Chevrolet Colorado Rally Concept looks ready to tackle Dakar
22 ივნისი
„ჯენერალ მოტორსს“ ჯერ ახალი „შევროლე კოლორადოს“ სერიული ვერსიის გაყიდვები არ დაუწყია, მაგრამ სამაგიეროდ, ამ პიკაპის ბაზაზე მომზადებული სპორტული მონსტრი, ბუენოს აირესის საავტომობილო შიუზე გამოფინა და გვამცნო, რომ ამ ავტომობილით, დაკარის რალი-მარათონზე მიიღებს მონაწილეობას.
„მინი კუპე“ რბოლებისთვისMINI JCW Coupe Racer to Debut at 24h of Nurburgring
22 ივნისი
სულ რაღაც, სამი დღე გავიდა მას შემდეგ, რაც „მინიმ“ თავის ისტორიაში პირველი ორადგილიანი ავტომობილი გაგვაცნო და ის უკვე რბოლებისთვისაც მოუმზადებია. ის პირველად ამ უქმეებზე, ნურბურგრინგის 24-საათიან რბოლაში გამოვა. რა თქმა უნდა, იქ ინგლისური კომპანია გამარჯვებას არ გეგმავს. სამაგიეროდ, ასე თავისი ახალი ავტომობილის პრომოუშნს იწყებს. და ამისათვის გერმანული ტრასის ლეგენდარული ჩრდილოური მარყუჟი (ნორდშლაიფ) შეირჩა, ადგილი, რომელსაც ფორმულა ერთის სამგზის ჩემპიონმა ჯეკი სტიუარტმა „მწვანე ჯოჯოხეთი“ უწოდა.

„მერსედეს ბენცი“ სპორტულ ქროსოვერს ამზადებს

Mercedes-Benz working on GLS crossover to challenge BMW X6
22 ივნისი
„ბეემვეს“ კუპე/ქროსოვერი X6 ეფექტური გარეგნობით გამოირჩევა, მაგრამ უგზოობის ავტომობილის თვისებები პრაქტიკულად არ აქვს. ამასთან, მის უკანა სავარძელზე, ზრდასრულ ადამიანს კომფორტულად დაჯდომა გაუჭირდება, თუმცა ამის მიუხედავად, ეს ავტომობილი მაინც ძალიან პოპულარულია. იმდენად პოპულარული, რომ ამ ტიპის ავტომობილების წარმოებას ახლა უკვე მისი უშუალო კონკურენტები - „მერსედეს ბენცი“ და „აუდიც“ ცდილობენ.

Wednesday, June 22, 2011

„ბუგატი გალიბიერის“ სერიულ ვერსიას „როიალი“ დაერქმევა

Bugatti 16C Galibier Production Car to Be Known as Royale
22 ივნისი
„ბუგატის“ კონცეპტუალური სუპერ სედანი „16C გალიბიერი“ პრეზენტაციამდეც პოპულარული იყო - „ფოლკსვაგენის“ ჯგუფში შემავალმა ფრანგულმა ბრენდმა მის შესახებ, პრემიერამდე უამრავი ფოტო-ტიზერი გამოაქვეყნა. პირველად კი ეს ავტომობილი ძალიან შეზღუდულ წრეს უჩვენა, იმათ, რომელთა შორისაც პოტენციური მყიდველი ეგულებოდა. ბოლოს კი ფართო საზოგადოებას არაერთ გამოგენაზე წარუდგინა.

„მაზერატის“ ქროსოვერი „გრანდ ჩეროკის“ მძლავრი ძრავით აღიჭურვება

Maserati SUV to GET HEMI V8 from Jeep Grand Cherokee SRT8
22 ივნისი


დიდი ხანია, საავტომობილო სამყარო „მაზერატისგან“ სრულამძრავიან ავტომობილს, უფრო ქროსოვერის ტიპისას ელის. ეს მოლოდინი 8 წლის წინ დაიწყო, მას შემდეგ, რაც იტალიურმა კომპანიამ კონცეპტუალური „კუბანგ GT ვაგონი“ (ფოტოზე) გვიჩვენა. და როგორც ჩანს, მალე ეს მოლოდინი ბაზარზე ახალი პროდუქტის გამოსვლით დაგვირგვინდება.

Tuesday, June 21, 2011

„ლენდ როვერი“ „გრანდ ევოკის“ გამოშვებას აპირებს

Land Rover Is Considering Grande Evoque Gap-filler
21 ივნისი
რაც ინდური „ტატას“ ხელში გადავიდა, „ლენდ როვერი“ თანდათან ზრდის თავის საწარმოო პროგრამას. მისი გააქტიურების პირველი მაუწყებელი, მოდელ „რეინჯ როვერ ევოკის“ წარმოების დაწყება იყო, ახლა კი, ამავე სახელწოდბით, კიდევ ერთი ახალი ავტომობილის გამოშვების ჯერი დგება, რომელმაც „ლენდ როვერის“ გამაში, „ევოკსა“ და „რეინჯ როვერ სპორტს“ შორის არსებული ნიშა უნდა შეავსოს.

„აუდის“ ყველაზე ეკოლოგიური A1

Audi A1 1.6 TDI
21 ივნისი
„აუდიმ“ თავისი ყველაზე პატარა ავტომობილის, ჰეჩბეკ A1-ის ყველაზე ეკოლოგიური ვერსიის გაყიდვა დაიწყო. ახალი ავტომობილი დიზელის 1.6-ლიტრიანი ძრავითაა აღჭურვილი, რომელიც 104 ცხენის ძალას გამოიმუშავებს და ყოველი კილომეტრის გავლისას, ატმოსფეროს 100 გრამზე ნაკლები ნახშირორჟანგით აბინძურებს.

Monday, June 20, 2011

„ბეემვე“ ახალ სპორტულ მოდელს ამზადებს

BMW Z2: the entry-level roadster
20 ივნისი
ბრიტანული გამოცემა „ქარ მეგზინ“ გვატყობინებს, რომ „ბეემვე“201400 წელს ბაზარზე ახალ ავტომოილს გამოუშვებს, სახელად Z2. ეს ღია სპორტული ავტომობილი სრულიად ახალ პლატფორმას (UKL1) დაეყრდნობა, რომელიც ამჟამად შემუშავების სტადიაშია. სხვადასხვა მოსახრებით, ავტომობილი სრულამძრავიანი, ან წინა წამყვანბორბლიანი იქნება. არადა, UKL1 პლატფორმას საბაზო შესრულებით, წამყვანი წინა ბორბლები უნდა ჰქონდეს.

„შევროლე“ წარმოებისთვის პლაგ-ინ ქროსოვერს ამზადებს

GM Rumored to Debut New Plug-in Hybrid Crossover
20 ივნისი
ელექტრომობილების სიმპოზიუმზე „ჯენერალ მოტორსის“ წარმომადგენელმა დეივ ბართმუსმა განაცხადა, რომ მისი კომპანია დეტროიტის საავტომობილო შოუზე ახალი ავტომობილით გაგვაოცებს და მიანიშნა, რომ ეს პლაგ-ინ ჰიბრიდული ქროსოვერი იქნება.

„ჰიუნდაი“ ევროპაში გაყიდვების 40 პროცენტით ზრდას გეგმავს

Hyundai wants to boost European new-car sales 40% by 2013
20 ივნისი
ჰიუნდაი i35
„ჰიუნდაის“ ევროპულ ბაზარზე ამბიციური გეგმები აქვს - კომპანიის ევროპული შტოს მთავარი აღმასრულებელი ალან რაშფორტი აცხადებს, რომ უახლოეს ორ წელიწადში მისი კომპანია ძველ კონტინენტზე გაყიდვებს 500 000-მდე აიყვანს, რაც შარშანდელ მაჩვენებლებზე (358 284 ცალი) დაახლოებით 40 პროცენტით მეტია.

სამწლიანი რიგები „მაკლარენ MP4-12C-ზე“

McLaren Says MP4-12C Is Sold Out for the Next 3 Years
20 ივნისი
ორი წლის წინ, როდესაც „მაკლარენმა“ თავისი უახლესი სუპერ ავტომობილი MP4-12C გაგვაცნო, მასზე სპეციალისტების და ავტომოყვარულებისგან საუკეთესო გამოხმაურებები მიიღო, თუმცა ასეთ წარმატებას ალბათ მაინც არ ელოდა: ინგლისურ კომპანიას ჯერ ამ ავტომობილის მიწოდება არ დაუწყია და უკვე იმდენი შეკვეთა მიიღო, რომ სამი წლი მოუნდება მათს დაკმაყოფილებას.

„ტოიოტა“ ლე მანზე დაბრუნებას აპირებს

Toyota to field all-new LMP1 at Le Mans next year?
19 ივნისი
ლე მანის 24-საათიანი რბოლები ყოველთვის საინტერესო საცქერია, თუმცა ბოლო წლებში, მის ყველაზე პრესტიჟულ, LMP1 კლასში სულ უფრო ცოტა ავტო მწარმოებელი მონაწილეობს. მათშ შორის კი ყველაზე გამორჩეულია „აუდი“, რომელიც უკვე რამდენიმე წელია, პირველობას არავის უთმობს. გერმანულ კომპანიას მეტნაკლებ წინააღმდეგობას „პეჟო“ უწევს, „ასტონ მარტინი“ კი მათ შორისაც არ ჩანს. არადა, მანამდე გრან ტურიზმოს (GT) კლასებში დომინირებდა.
22 ივნისს გამოდის „ავტო მოტორის“ მეორე ნომერი

Sunday, June 19, 2011

„პორშე პანამერა“ დიზელის ძრავით - 6.3 ლიტრი 100 კილომეტრზე

New Porsche Panamera Diesel Returns 6.3lt/100km or 37.3mpg
19 ივნისი
„პორშეს“ ისტორიაში პირველი სედანისძარიანი ავტომობილი, სახელად „პანამერა“, დიდი პოპულარობით სარგებლობს და მალე ის ალბათ კიდევ უფრო პოპულარული გახდება, რადგან გერმანული კომპანია თავის მყიდველს, ამ ავტომობილს დიზელის ეკონომიური ძრავითაც შესთავაზებს.

„მინის“ კუპე პრემიერისთვის ემზადება

MINI Previews New Coupe

19 ივნისი

დიდი საავტომობილო კომპანიები ახლა ფრანკფურტის გამოფენისთვის ემზადებიან, რომელიც სექტემბერში გაიმართება. მათ შორისაა „ბეემვე“ და მის ჯგუფში შემავალი „მინიც“, რომელსაც გამოფენისთვის თავისი სამოდელო გამის უახლესი წევრი - სპორტული კუპე აქვს მომზადებული.

Saturday, June 18, 2011

„ნისანი“ ტოპ აღმასრულებლებს უფრო მეტს უხდის, ვიდრე „ტოიოტა“ და „ჰონდა“


Nissan Pays Top Execs Twice as Much as Toyota and Honda
18 ივნისი
„ტოიოტას“ აღმასრულებლები და დირექტორები ალბათ შურით აღივსნენ, როდესაც გაიგეს, რომ „ნისანის“ შესაბამისი თანამდებობის პირები, მათზე ორჯერ მეტ გასამრჯელოს იღებენ. არადა, „ტოიოტა“ უდიდესი იაპონური საავტომობილო კომპანიაა, „ნისანი“ კი მეორეა. ამ ინფორმაციას, სააგენტო ბლუმბერგი ავრცელებს.

„ჰიუნდაი“ უფრო მძლავრ კუპე „ჯენეზისს“ გამოუშვებს

More Powerful Hyundai Genesis Coupe Coming to 2012 NAIAS
18 ივნისი
„ჰიუნდაის“ სამოდელო გამაში, კუპე „ჯენეზისი“ საიმიჯო ავტომობილია და მისი მოწოდება ისაა, რომ კორეული კომპანიის ავტომობილებზე მყიდველს წარმოდგენა უკეთესობისკენ შეუცვალოს. ის ამ დანიშნულებას ასრულებს - ელეგანტურია და ხელმისაწვდომი და თანაც, საკმაოდ ტემპერამენტიანიც. თუმცა, ბევრისთვის ეს საკმარისი არაა. სპორტული ავტომობილების მოყვარულები, მწარმოებლისგან მეტ ცხენის ძალას ელიან. და, როგორც ჩანს, ეს მოლოდინი მალე დაკმაყოფილდება.

„მერსედეს ბენც SLS AMG როდსტერი“

Mercedes SLS AMG Roadster Now Official
18 ივნისი

„მერსედეს ბენცი“ თავის სუპერ ავტომობილ SLS AMG-ს ღია ვერსიის პრემიერას ფრანკფურტის ავტო შოუზე აპირებს, თუმცა მანამდე სამი თვით ადრე, ამ ავტომობილის შესახებ, ოფიციალური ინფორმაცია და ფოტოები გაავრცელა. ავტო შოუს შემდეგ კი მასზე შეკვეთების მიღებას დაიწყებს.

Friday, June 17, 2011

„შევროლე კობალტი“ ჯერ მხოლოდ ლათინური ამერიკისტვის

New Chevrolet Cobalt Sedan Concept Unveiled in Buenos Aires
17 ივნისი
„გოლფის“ კლასში „შევროლეს“ გლობალური მოდელი „კრუზია“, რომელსაც „ჯენერალ მოტორსი“ სედანის და ჰეჩბეკის ძარებით აწარმოებს. მაგრამ ამის მიუხედავად, ამერიკული კომპანია, ამავე კლასში სადებიუტოდ, კიდევ ერთ ავტომობილს ამზადებს, რომლის წინასერიული კონცეპტუალური ვერსიაც, ახლახანს სედანის ძარით, ბუენოს აირესის ავტო შოუზე, პირველად წარსდგა საზოგადოების წინაშე.

ახალი „იარისი“ - კომპაქტური გარედან, ფართე შიგნიდან

All-new European Market 2012 Toyota Yaris Breaks Cover
17 ივნისი
„ტოიოტამ“ თავის სუბკომპაქტურ ჰეჩბეკ „იარისის“ მესამე თაობის ავტომობილის შესახებ პირველი ფოტოები, თავისი ჰოლანდიური განშტოების მეშვეობით გაავრცელა, მოგვიანებით კი მის შესახებ, ოფიციალური ინფორმაცია ბრიტანული შტოს ხელით გამოაქვეყნა. ამ გამოქვეყნებას თითქოს ინფორმაციის გაჟონვის ხასიათი ჰქონდა, თუმცა აშკარაა, რომ ისინი ოფიციალურის დონეზეა.

„ფოლკსვაგენმა“ ხუთ თვეში 3 მილიონზე მეტი ავტომობილი გაყიდა

Volkswagen Group's Deliveries Top 3 Million in Five Months
17 ივნისი

მიმდინარე წელი მეტად წარმატებულია „ფოლკსვაგენისა“ და მისი ჯგუფისთვის. ვოლფსბურგულმა კომპანიამ ხუთ თვეში უკვე 2 მილიონზე მეტი ავტომობილის გაყიდვა მოასწრო, მისი ჯგუფის გაყიდვები კი 3 მილიონს გასცდა. მიუხედავად იმისა, რომ მაისში გაყიდვების ზრდის ტემპი შემცირდა, ჯგუფის მიერ რეალიზებული ავტომობილების რაოდენობა (წინა წლის პირველი ხუთი თვის მონაცემებთან შედარებით) მაინც 14.6 პროცენტითაა გაზრდილი. კონკრეტულად, ვოლფსბურგულმა გიგანტმა და მის ჯგუფში შემავალმა კომპანიებმა სულ 3.37 მილიონი ავტომობილი გაყიდეს.

უცნაური ლიმუზინი იბეიდან

It Came From eBay Hell: Volkswagen Beetle Limousine
17 ივნისი
ვირტუალური ბაზარი, სახელად იბეი ძალიან პოპულარულია ინტერნეტით მოსარგებლეთა შორის. რას არ ნახავთ მის გვერდებზე - ანტიკვარებს და ბევრ ისეთ ნივთს, რომლის მსგავსი არცერთ სავაჭრო სახლსა და აუქციონზე არ გამოაქვთ. იბეი-ზევე შეხვდებით დაგრძელებულ, ლიმუზინის სტილში შესრულებულ „ფოლკსვაგენ ხოჭოს“ და „პონტიაკ ფიეროს“ შასიზე შესრულებულ რეპლიქარებს, რომლებსაც შეიძლება „ფერარის“, ან ლამბორგინის“, ან სულაც, „პორშე 356 სპიდსტერის“ გარეგნობა ჰქონდეს, თუმცა მათი ტემპერამენტი ვერანაირად ვერ დაგაკმაყოფილებთ.

Thursday, June 16, 2011

„აუდი“ თავისი ქროსოვერების გამას ამდიდრებს

Audi developing new Q1, Q4 crossovers
16 ივნისი
ზუსტად ჯერ არავინ იცის, გამოუშვებს თუ არა „აუდი“ Q1 და Q4 ქროსოვერებს, მაგრამ გერმანული კომპანიის ბოლო წლების მიდრეკილება, რომელიც თავისი საწარმოო პროგრამის უგზოობის ავტომობილებით შევსებაში გამოიხატება, სწორედ ასეთი ვარაუდისკენ გვიბიძგებს. და ინტერნეტშიც ამაზე ხშირად ლაპარაკობენ.
ცნობისათვის, „აუდიმ“ პირველი უგზოობის ავტომობილი 2005 წელს გამოუშვა. ეს იყო Q7, რომელიც პლატფორმას „ფოლკსვაგენის“ „ტუარეგთან“ და „პორშეს“ „კაიენთან“ იყოფს. მას შემდგ ხუთ წელზე მეტი გავიდა და ამ დროში, ინგოლშტადტელებმა ამავე კლასის კიდევ ორი ავტომობილი - Q5 და ახლახანს Q3 გამოუშვეს (ფოტოზე). აშკარაა - ტენდენცია დაპატარავებისკენ მიდის.
მალე კი „აუდი“ უგზოობის ავტომობილებით თავის გატაცებას კიდევ ერთი შტრიხით შეავსებს და ეს შტრიხი, მათი სპორტული ვერსიების წარმოების დაწყებაა. ამ მიმართულებით პირველი ალბათ Q6 გახდება, რომელმაც კონკურენცია „ბეემვეს“ უგზოობის კუპე X6-ს უნდა გაუწიოს.

„პორშე კაიუნი“ უფრო სპორტული იქნება, ვიდრე „აუდი Q5“

Porsche Cajun to Have Three-Door Version, Will Be Much Sportier Than Q5
16 ივნისი

თანამედროვე ავტოინდუსტრიაში იდენტურობის ერთგვარი პრობლემაა და ეს არნახულად გამკაცრებული კონკურენციის შედეგია. მაგალითად, უგზოობის ავტომობილის მფლობელს ხშირად სურს, რომ მის მანქანას ფუფუნების ელემენტები ჰქონდეს, მაგრამ როგორც კი გრუნტიან გზაზე გადავა, მაშინვე სპორტული კუპეს თვისებებს ითხოვს. ჰეჩბეკის მყიდველს კი სურს, რომ მის მანქანას უფრო ფართო სალონი და ქროსოვერივით გამავლობა ჰქონდეს. მოკლედ, სახეზეა უნივერსალიზმისკენ მიდრეკილება.

„ჰიუნდაი“ ამერიკაში გაყიდვებს ზრდის

Hyundai boosts output in push for 600,000 U.S. sales in 2011
16 ივნისი

„ჰიუნდაი“ აცხადებს, რომ ამერიკის ბაზარზე დიდი მოთხოვნაა მის ორ მოდელზე - „სონატასა“ და „ელანტრაზე“ და რომ ამის წყალობით, გაყიდვების წლიური მოცულობა, 600 000-ს ასცდება, ეს კი რეკორდული მაჩვენეელია. „დღეს ჩვენ თამამად შეგვიძლია განვაცხადოთ, რომ წელს 600 000 ავტომობილზე მეტს გავყიდით“, - „ჰიუნდაის“ ამერიკული შტოს ვიცე პრეზიდნტი მაიკ ო’ბრაიენი, ვინც ამერიკულ ბაზარზე, წარმოების დაგეგმარებასა და კორპორატიულ საკითხებს კურირებს.

„ბეემვემ“ ელექტრული „მინის“ ტესტირება შეაჯამა

Study: Most Mini E drivers adapt to their electric vehicles
15 ივნისი
კალიფორნიულმა უნივერსიტეტმა და „ბეემვეს“ ჯგუფმა გამოაქვეყნეს „მინის“ ბაზაზე დამზადებული ელექტრომობილების გამოცდების შედეგები. გამოცდებში სხვადასხვა შტატში მცხოვრები 120 ამერიკული ოჯახი მონაწილეობდა, რომლებიც ელექტრომობილებით ერთი წლის განმავლობაში სარგებლობდნენ. ამ პერიოდში მათ საერთო ჯამში, 1.6 მილიონი კილომეტრი გაიარეს.

Wednesday, June 15, 2011

„დელტაუინგი“ ლე მანზე გამოვა

DeltaWing Concept Sportscar to Challenge 2012 Le Mans 24 Hour
15 ივნისი

როდესაც ინდიანაპოლისური კომპანია ”დელტაუინგი” სარბოლი მანქანის რევოლუციურ კონცეპტუალურ ვერსიას ქმნიდა, იმედი ჰქონდა, რომ ინდი ქარის მსოფლიო სერიასთან კონტრაქტს გააფორმებდა და შასის ერთპიროვნული მიმწოდებელი გახდებოდა. მაგრამ ასე არ მოხდა - ამერიკული ფორმულის უფროსობამ იტალიური „დალარას“ ტრადიციული სარბოლი ბოლიდი ამჯობინა.

მუყაო თავის დასაცავად - კრანიუმის ტექნოლოგიის საოცრება

Protect your head with... a cardboard helmet?
15 ივნისი

ველოსიპედსტების და მოტოციკლისტების თავების დასაცავად, წლების განმავლობაში იყენებენ ჩაფხუტებს, რომლებშიც ენერგოშთანმთქმელად პოლისტირენი გამოიყენება. მაგრამ როგორც ირკვევა, ეს მასალა კარგია მხოლოდ იმით, რომ დარტყმის ძალას, თავის მთელ ფართობზე, შეძლებისდაგვარად თანაბრად ანაწილებს. მაგრამ დარტყმის ენერგიის შთანთქმა მას ნაკლებად შეუძლია.

„მერსედეს SLC-ს“ „თოლიას ფრთები“ არ ექნება

Mercedes Benz SLC Will Have Up to 500 HP, No Gullwing Doors
15 ივნისი
ინტერნეტით გავრცელდა ინფორმაცია იმის შესახებ, რომ „მერსედს ბენცი“ თავისი სპორტული სუპერ ავტომობილის, SLS-ის მომცრო ვერსიას ქმნის. ახალი ავტომობილის სახელად SLC არის შერჩეული და სავარაუდოდ, მას ჩვეულებრივი კარები ექნება და არა ეგრეთ „თოლიას ფრთები“, როგორც SLS-ს.

ახალი „ხოჭოს“ R ვერსიას ფრანკფურტში გვიჩვენებენ

Volkswagen Beetle R Coming to Frankfurt
15 ივნისი

„ფოლკსვაგენმა“ თავისი ახალი „ხოჭო“, რომელსაც „21-ე საუკუნის ხოჭოდაც“ მოიხსენიებენ, ცოტა ხნის წინ, ერთდროულად სამ კონტინენტზე წარადგინა, თუმცა მისი გაყიდვები ჯერ არ დაუწყია. და სანამ ეს ავტომობილი, რომელიც თავიდან „სახალხო“ იყო, შემდეგ მდიდრული რეტრო სათამაშო, ახლა კი სპორტსმენი ხდება, „ფოლკსვაგენის“ დილერთა შოურუმებში გამოჩნდება, ვოლფსბურგელები მის უფრო ტემპერამენტიან ვერსია R-საც გვიჩვენებენ და ეს ფრანკფურტში, საერთაშორისო გამოფენაზე მოხდება.

„მაიბახის“ ბედი მალე გადაწყდება

Mercedes to Decide on Maybach Future on July 1st
14 ივნისი


რამდენიმე თვის წინ, „დაიმლერმა“ და „ასტონ მარტინმა“ მიაღწიეს წინასწარ გარიგებას, რომლის შესაბამისადაც, ინგლისური კომპანია თავისი პარტნიორისთვის, მისი ლუქსის კლასის ბრენდ „მაიბახის“ ახალი მოდელების შემუშავებას კისრულობდა, თავად კი პარტნიორის უგზოობის ავტომობილების პლატფორმებს გამოიყენებდა.

Monday, June 13, 2011

„ბეემვემ“ ახალი პირველი სერია გვიჩვენა


2012 BMW 1-Series Unveiled
13 ივნისი

ამ ავტომობილს ბაზარი წელს ელოდა, თუმცა ის ასე ადრე თუ გამოჩნდებოდა, ამას ვერავინ წარმოიდგენდა. მაგრამ სწორედ ასე მოხდა - გერმანულ ინტერნეტ გამოცემა „მოტორ ტრაფიკის“ დახმარებით, ბავარიელებმა თავიანთი პირველი სერიის მეორე თაობის მოდელის ფოტოების „გაჟონვა“ მოაწყვეს, რამდენიმე დღეში კი მის შესახებ ოფიციალური ინფორმაციაც გაავრცელეს.

Sunday, June 12, 2011

თხევადი საწვავი ელექტრომობილებისთვის

MIT students develop liquid fuel for electric cars
11 ივნისი
მასაჩუსეტსის ტექნოლოგიური ინსტიტუტის სტუდენტებმა, ახალი მეთოდ შეიმუშავეს, რომელიც ელექტრომობილების მთავარი პრობლემის გადაწყვეტას - სვლის სიშორის გაზრდას გვპირდება. ლითიუმის, ან ნიკელის ნაცვლად, ისინი ენერგიის შესანახად ნახევრად მყარ ნივთიერებას იყენებენ.