Friday, September 30, 2011

უილისი და კოსტა ”მერსედეს GP-ში” გადავიდნენ

Costa, Willis join Mercedes GP as it strengthens technical team
30 სექტემბერი

ალდო კოსტა
ჯეფ უილისი
გერმანული გუნდის ტექნიკური შტაბი ორი ძლიერი სპეციალისტით შეივსო, რომლებმაც მომავალი სეზონიდან, სამქიმიანების გაძიერებაზე და კონკურენტუნარიან გუნდად ჩამოყალიბებაზე უნდა იზრუნონ. ალდო კოსტა ”ფერარიდან” ახლახანს წავიდა, ჯეფ უილისი ბოლოს ”ისპანია რეისინგში” (არცთუ დიდი ხნის წინ კი რედ ბულ რეისინგის ტექნიკური დირექტორი იყო) მუშაობდა. ორივე კი ”ფერარის” წევრი იყო მაშინ, როდესაც იტალიური გუნდის ტექნიკურ შტაბს როს ბრაუნი, ”მერსედეს GP-ს” ახლანდელი შეფი უძღვებოდა.

ახალი ”პორშე 911” - ყველაზე პოპულარული ავტომობილი ფრანკფურტის შოუზე (ვიდეო)

2012 Porsche 911 Created the Most Hype in Frankfurt

30 სექტემბერი
ფრანკფურტის 64-ე მოტორ შოუ ყველაზე მრავალფეროვანი და საინტერესო გამოდგა წლევანდელ საავტომობილო ფორუმებს შორის. ასზე მეტი პრემიერა, უამრავი საინტერესო კონცეპტუალური ავტომობილი და სერიული მოდელი. ”ფოლკსვაგენის” და ”აუდის” მიერ შექმნილი ”ქალაქები”, სადაც ამ კომპანიების უამრავი ახალ ავტომობილის არამარტო ნახვა, არამედ ტესტირებაც კი იყო შესაძლებელი...

Thursday, September 29, 2011

”ჰიუნდაი” 10-საფეხურიან გადაცემათა კოლოფს დაამზადებს

Hyundai works on 10-speed gearboxes, report says
29 სექტემბერი
”ჰიუნდაი” 10-საფეხურიან ავტომატურ გადაცემათა კოლოფზე მუშაობს, რომელსაც თავის და მის ჯგუფში შემავალი ”კიას” ლუქსის კლასის ავტომობილებზე გამოიყენებს. ჯგუფის პრეზიდენტმა პარკ სეონ ჰიონმა ბლუმბერგთან საუბრისას განაცხადა, რომ ახალი ტრანსმისია მზად 2014 წელს იქნება და მას ისეთ ავტომობილებზე გამოიყენებენ, როგორებიცაა ლუქსის კლასის სედანები - ”ჯენეზისი” (ფოტოზე) და ”ეკუსი”.

კუბიცა გადაწყვეტილებას 6 კვირაში მიიღებს

Kubica will inform Renault about his 2012 chances within six weeks
29 სექტემბერი
მისცემს, თუ არა მომავალ სეზონში ფორმულა ერთში დაბრუნების საშუალებას ჯანმრთელობა, ამის შესახებ რობერტ კუბიცა თავის გუნდ ”რენოს” ხელმძღვანელობას 6 კვირაში შეატყობინებს. ამის შესახებ, პოლონელი პილოტის მენეჯერმა დანიელე მორელიმ განაცხადა.

ჰამილტონი: წელს ბატონმა მაჯობა

Hamilton says team-mate Button has been better during 2011 F1 season
28 სექტემბერი
ლუის ჰამილტონი თვლის, რომ მიმდინარე სეზონში, მასზე უკეთ, მისი თანაგუნდელი ჯენსინ ბატონი უკეთ ასპარეზობს. მართალია, ორივეს ორ-ორი გამარჯვება აქვს მოპოვებული, მაგრამ ჰამილტონი მეტისმეტად არასტაბილურია და რამდენჯერმე ავარიაც მოუვიდა, რის გამოც, საჩემპიონო ბრძოლას ნაადრევად გამოეთიშა.

Tuesday, September 27, 2011

”ჰიუნდაი i30-მა” ”ფოლკსვაგენის” შეფი გააოცა (ვიდეო)

What can Hyundai do silently and inexpensively that Volkswagen and BMW can't?
27 სექტემბერი
ასეთ რამეს იშვიათად ნახავთ - ფრანკფურტის მოტორ შოუს დროს, ”ფოლკსვაგენის” ჯგუფის მთავარი აღმასრულებელი მარტინ ვინტერკორნი ”ჰიუნდაის” სტენდს ეწვია და მისი მთავარი ექსპოზიცია, უახლესი ჰეჩბეკი i30 დაწვრილებით დაათვალიერა. მას თან ჯიბის მზომი ჰქონდა და დროდადრო, მისთვის საინტერესო დეტალებს ზომავდა.

Monday, September 26, 2011

”ოპელ RAK e” მწვანე შუქს ელის

”ოპელის” ისტორია 1862 წელს დაიწყო, როცა კომპანიამ საკერავი მანქანების წარმოებას მიჰყო ხელი. ტრანსპორტში მისი პირველი გამოჩენა ველოსიპედებს უკავშირდება, 1899 წელს კი გერმანულმა კომპანიამ პირველი ავტომობილი გამოუშვა. ამგვარად, ”ოპელი” ყველაზე ძველი კომპანიაა ”ჯენერალ მოტორსის” ოჯახში.

Sunday, September 25, 2011

კონცეპტუალური ”ევოსი” - ”ფორდის” დიზაინის ახალი ენა


ჯეი მეისი ფორდ ევოსს წარადგენს

ფრანკფურტის შოუზე, ”ფორდმა” კონცეპრუალური ავტომობილი ”ევოს” წარადგინა, რომელიც კომპანიის ევროპული ოფისის მთავარი დიზაინერის, მარტინ სმიტის თქმით, გვიჩვენებს, თუ როგორი იქნება ”ფორდის” გლობალური ავტომობილების კორპორატიული სტილი. ეს არის ახლანდელი სტილის (კინეტიკური დიზაინი) ევოლუციური ვარიანტი. ამასთან, სმიტი ხაზს უსვამს, რომ ”ევოსის” ყოველი ცალკეული ელემენტი, ამათუიმ სახით, სერიულ ავტომობილებზეც აუცილებლად გადავა.

მალე: ჰირუნდო - ქართული სუპერ ავტომობილი

Hirundo
როგორც ამ პროექტის ავტორი ამბობს, დიზაინის შემუშავებისას, შთაგონების წყარო მან მერცხლისგან მიიღო. მანქანას ასეც დაარქვა - ”ჰირუნდო”, რაც ბერძნულად სწორედ მერცხალს ნიშნავს. რაში სჭირდება ქართულ ავტომობილს ბერძნული სახელი? ყველაფერი მარტივადაა - უცხოელებისთვის მერცხალი საკმაოდ ძნელად წარმოსათქმელია და შესაბამისად, მისი დარქმევა კომერციულად გაუმართლებელი იქნებოდა. ”ჰირუნდო” კი ადვილად დასამახსოვრებელია...

მსოფლიოს უძველესი მოძრავი ავტომობილი იყიდება (ვიდეო)

World's oldest running car up for auction
24 სექტემბერი
მსოფლიოს უძველესი ავტომობილი, რომელსაც ჯერაც შეუძლია გასაყიდად, მისმა პატრონმა აუქციონზე გასაყიდად გამოიტანა. ეს არის ფრანგული ”დე დიონის” მიერ 1884 წელს გამოშვებული ორთქლზე მომუშავე მოდელი ”რუნაბაუტი”. ის უკვე 81 წელია, ერთსადაიმავე ოჯახს ეკუთვნის. სულ კი, 127 წლის განმავლობაში, მას ოთხი მფლობელი ჰყავდა.

ფეტელის მეორე ტიტული გადაიდო

Vettel storms to Singapore win, title on ice
25 სექტემბერი

სებასტიან ფეტელის ჩემპიონობა ცოტა ხნით გადაიდო - როგორც ჩანს, მოქმედი ჩემპიონი მეორე გვირგვინს ორი კვირის შემდეგ, იაპონიაში დაიდგამს, სადაც ამისათვის ერთადერთი ქულაც ეყოფა. ამისთვის კი მეათე ადგილზე გასვლაა საჭირო. თუ რაიმე გაუთვალისწინებელი არ მოხდა და რბოლის დასრულება შეძლო, აუცილებლად მიაღწევს მიზანს. თუმცა, დარჩენილ 5 ეტაპზე, მან რომც არ იასპარეზოს, ხელს მაინც ვერავინ შეუშლის - ძნელი წარმოსადგენია, მისმა უახლოესმა მდევარმა ჯენსონ ბატონმა ყველას მოგება შეძლოს...

Saturday, September 24, 2011

კონკურს ”წლის საუკეთესო ავტომობილის” 35 ნომინანტი

2012 Car of the Year Nominees Announced
24 სექტემბერი

კონკურს ”ევროპის წლის საუკეთესო ავტომობილის” ორგანიზატორებმა ის 35 ავტომობილი დაასახელეს, რომელთა შორისაც, ჯერ 7 საუკეთესოს აარჩევენ, შემდეგ კი, ევროპული საავტომობილო გამოცემები, წლის ავტომობილსაც დაასახელებენ.

ჰამილტონს სტატისტობა არ სურს

Hamilton insists not content 'like Barrichello'
24 სექტემბერი
ლუის ჰამილტონი ამბობს, რომ არ სურს, იმ ტიპის მრბოლი გახდეს, რომლისთვისაც მთავარი რბოლების რაოდენობაა და არა მათში მიღწეული შედეგები. ასეთად კი ის რუბენს ბარიკელოს მიიჩნევს, ვინც ყველანაირად ცდილობს, ”უილიამსში” ადგილი შეინრჩუნს და ამ შემთხვევაში, მომავალი სეზონი მისთვის მეოცე იქნება კარიერაში.

”მიშლენს” ფ1-ში დაბრუნება სურს

Michelin would return to F1 tyre war
24 სექტემბერი
”მიშლენი” მზადაა, დაუბრუნდეს ფორმულა ერთს, თუ ამის საშუალებას ტექნიკური რეგლამენტი მისცემს. ამის შესახებ, ფრანგული კომპანიის მოტორსპორტის დივიზიონის შეფმა ნიკ შოროკმა განაცხადა.

DTM-ისთვის მომზადბული C-კლასის კუპეს პრემიერა ფრანკფურტში (ვიდეო)

სარბოლ მანქანს საბურველი ”მერსედესის” ფ1-ის გუნდის მრბოლებმა - მსოფლიოს შვიდგზის ჩემპიონმა მიხაელ შუმახერმა და ნიკო როსბერგმა ჩამოხსნეს...


მიეცით პოული ფეტელს სამუდამო მფლობელობაში

Vettel on pole in Singapore
24 სექტემბერი
რა თქმა უნდა, ფორმულა ერთში პოულ პოზიციას სამუდამოდ არავინ არავის მისცემს, მაგრამ ამ სეზონში სებასტიან ფეტელი კვალიფიკაციებს ისე ადვილად იგებს, გეგონება, რომც ვერ მოიგოს, პოულზე მაინც მას დააყენებენ და ამიტომ, მეტოქეები თავს არ იკლავენო. ამჯერადაც, მან უახლოეს მდევარს, ავსტრალიელ თანაგუნდელ მარკ უებერს თითქმის ნახევარი წამით აჯობა...

Friday, September 23, 2011

ჟან ალეზი ინდი 500-ზე იასპარეზებს

Alesi to race in Indy 500 aged 47
23 სექტემბერი
ათი წლის წინ, ჟან ალეზიმ ფორმულა ერთში კარიერა დაასრულა, დღეს კი დიდ რბოლებში დაბრუნებას აპირებს. ეს დაბრუნება ერთჯერადი იქნება და ის მომავალი სეზონის ინდი 500-ზე იასპარეზებს. რა თქმა უნდა, ეს იმ შემთხვევაში მოხდება, თუ ახალბედების საკვალიფიკაციო ეტაპს გაივლის. 47 წლის ფრანგ მრბოლს ”ლოტუსის” ჯგუფის მხარდაჭერა აქვს, თუმცა ჯერ გარკვეული არაა, რომელი გუნდის მანქანით აპირებს ასპარეზობას.

ფეტელი მეორე ტიტულისთვის ემზადება

Vettel lights up Singapore in second practice
23 სექტემბერი

სებასტიან ფეტელი ისევ ყველაზე სწრაფია - ღამის ტრასაზეც კი უკეთესი შედეგი აჩვენა, ვიდრე დღისით, პირველი სესიის უსწრაფესმა ლუის ჰამილტონმა. თუმცა, დღისით თავადაც ხომ უფრო ნელი იყო... მოკლედ, თავისუფალ სესიებზე ჩემპიონმა დაგვანახა, რო თავისუფლად შეუძლია, სინგაპურში, ამ სეზონის მეცხრე გამარჯვება მოიპოვოს და მეორე ტიტულიც იქვე გაინაღდოს, რიტაც, ფორმულა ერთის ისტორიაში, ყველაზე ახალგაზრდა ორგზის ჩემპიონი გახდება.

როგორ მზადდებოდა ახალი A-კლასის კონცეპტუალური მოდელი (ვიდეო)

ექსტერიერის დიზაინერი მარკ ფეთერსტონი და ინტერიერის დიზაინერი იან კაული გვიჩვენებენ კონცეპტუალური A-კლასის შექმნის პროცესს

Thursday, September 22, 2011

”სანიონი” სამოდელო გამას აფართოებს

კორეულმა ”სანიონმა”, რომელიც ცოტა ხნის წინ, ინდურმა ”მაჰინდრა ენდ მაჰინდრამ” გამოისყიდა, ფრანკფურტში უგზოობის კომპაქტური კონცეპტუალური ავტომობილი XIV-1 წარადგინა, რომელიც მის სამოდელო გამას მალე შეავსებს და როგორც ჩანს, გლობალური მოდელი გახდება. ამიტომ, მასზე ”სანიონი” დიდ იმედებს ამყარებს.

”ვოლვოს” აქცენტი სტილის დახვეწაზე გადააქვს (ვიდეო)

...და ძრავების ცილინდრების რიცხვის და ლიტრაჟის შემცირებაზე! შვედურ კომპანიას დღეს ყველაზე უსაფრთხო ავტომობილების მწარმოებლის რეპუტაცია აქვს. ახლა კი ამ მყარ საფუძველზე, წარმატების მთავარი ინგრედიენტის - დახვეწილი დიზაინის დამყნობას აპირებს. და ამ მიმართულებით პირველი ნაბიჯი ფრანკფურტის მოტორ შოუზე, კონცეპტუალური ”იუ-თი” გადადგა.

Wednesday, September 21, 2011

”აუდი ურბანს” უსადენო დამუხტვაც შეუძლია

გერმანულმა კომპანიამ ამ ავტომობილის პრეზენტაცია ფრანკფურტის შოუს გახსნამდე ორი დღით ადრე ჩაატარა, თუმცა გამოფენის დროს, ის მაინც განსაკუთრებულად იზიდავდა მედიის წარმომადგენლებსაც და სპეციალისტებსაც. ყველას აინტერესებდა, რა გააკეთეს ”აუდის” და ”ფოლკსვაგენის” ინჟინრებმა ისეთი, რითაც ურბანული გადაადგილების რევოლუციას გვპირდებიან.

მაქსიმუსი, რომელიც გაზზე მუშაობს (ვიდეო)


”ფერარის” ღია ოცნება (ვიდეო)

”ფერარიმ” რომ შარშან ”458 იტალიას” წარმოება დაიწყო, ეჭვიც არავის შეპარვია იმაში, რომ ამ სიახლეს, მალე მისი ღია ვერსიაც მოჰყვებოდა. და აი, ფრანკფურტში ისიც ვიხილეთ. მას ”ფერარი 458 სპაიდერი” ჰქვია.

”პეჟო HX1” - ლომების კიდევ ერთი ექსპერიმენტი

ფრანგული კომპანია კვლავ სრულყოფილების ძიებაშია და ამ მიმართულებით, ექსპერიმენტებს აგრძელებს, რისი მორიგი გამოვლენაც, კონცეპტუალური HX1-ის სახით, ფრანკფურტის მოტორ შოუზე ვიხილეთ. ეს არის 6-ადგილიანი მიკროვენი/უნივერსალი/ჰეჩბეკი, რომელიც ”პეჟოს” ცნობილი ჰიბრიდული დანადგარით (ჰაიბრიდ4) არის აღჭურვილი.

Tuesday, September 20, 2011

”ტოიოტა FT-86” ისევ კონცეპციის სახით...

მოკლედ, ამ სპორტულ ავტომობილს ბაზარზე გამოსვლა ვერა და ვერ ეღირსა. ”ტოიოტამ” ის უკვე მეხუთედ გვიჩვენა და ისევე როგორც წინ შემთხვევებში, ამჯერადაც მხოლოდ კონცეპტუალური სახით. FT-86 პირველად ორი წლის წინ, ტოკიოს ავტო შოუზე გვიჩვენეს. შემდეგ, შარშან ჟენევაშიც ვნახეთ, სადაც მასთან ერთად, ”სუბარუს” მარკით დამზადებული შასიც გვიჩვენეს. ნიუ იორკში, ამავე ავტომობილის ”სციონისეული” ვერსია წარმოადგინეს, მერე ისევ ჟენევა და ახლა ფრანკფურტი...

”სეატმა” თავისი მომავალი სახე გვიჩვენა

”ფოლკსვაგენის” და მის ჯგუფში შემავალი კომპანიების აქტიურობის ფონზე, ბოლო წლებში ესპანური ”სეატი” მაინცდამაინც ბევრი სიახლით ვერ გამოირჩევა. გერმანული კომპანია მას შედარებით ნაკლებ ყურადღებას აქცევს, რასაც თავისი სუბიექტური და ობიექტური მიზეზები აქვს. მაგრამ როგორც ჩანს, ”სეატის” პასიურობასაც დაესვა წერტილი. ყოველ შემთხვევაში, კომპანიამ ფრანკფურტში კონცეპტუალური სედანი IBL წარადგინა, რომელზეც მომავალი კორპორატიული სტილის ელემენტები მუშავდება.

”ფერარის” ემბლემის მოკლე ისტორია

20 სექტემბერი
”ფერარის” ემბლემა ერთ-ერთი ყველაზე პოპულარულია საავტომობილო სამყაროში. ყალყზე შემდგარი კვიცი არამარტო დაბა მარანელოს და ქალაქ მოდენას სიამაყეა, არამედ მთელი იტალიისა და ყველა იტალიელისა. ამ ემბლემაზე აპენინელებს ისევე ეკეტებათ ჭკუა, როგორც სკუადრა აძურაზე. ამ მარკას თაყვანისმცემლები არც ჩვენში აკლია. მაგრამ ყველამ როდი იცის მისი ლოგოს წარმომავლობა - რატომ და როდის აირჩია ის ენცო ფერარიმ.

”იაგუარის” კონცეპტუალური C-X16 ”პორშეს” უმიზნებს

20 სექტემბერი
შარშან, პარიზის შოუზე, ”იაგუარმა” კონცეპტუალური სუპერ ავტომობილი C-X75 წარადგინა, რომელსაც ყოველ ბორბალზე თითო ელექტროძრავი ჰქონდა და ამათ ენერგიით ორი გენერატორი უზრუნველყოფდა, რომლებიც მიკრო გაზ-ტურბინებთან იყო მიერთებული. ბუნებრივია, მაშინ ყველა ადვილად მიხვდა, რომ ამ ავტომობილს მწვანე შუქს არავინ აუნთებდა. არადა, მისმა დიზაინმა საყოველთაო მოწონება დაიმსახურა.

Monday, September 19, 2011

i8 – ”ბეემვეს” პირველი ელექტრული სუპრავტომობილი

თუ i3 საქალაქო ავტომობილია, i8 სპორტული სტილის მიმდევრებისთვისაა განკუთვნილი. ორი წლის წინ, ამ ავტომობილის კონცეპტუალური წინაპარი, სახელად ”ვიჟნ ეფიშნტდაინემიქსი”, ასევე ფრანკფურტში გაგვაცნეს. მაშინ ის უპირველესად, დიზაინის და აეროდინამიკის ასპექტში იყო ექსპერიმენტული ავტომობილი. დრეს კი წინასერიული ვერსიაა სრულიად ახალი ქვებრენდის - i-ს სპორტული ავტომობილისა, რომელიც ბაზარზე ორ წელიწადში გამოვა.

i3 - ”ბეემვე” ელექტრონულ ცხოვრებას იწყებს

ფრანკფურტამდეც ყველამ კარგად იცოდა, რომ იქ ბავარიული კომპანია ორ სრულიად ახალ, ჯერ კონცეპტუალურ დონეზე მყოფ ავტომობილს გამოფენდა, რომლებსაც კონვეიერისთვის დიდი ტემპით ამზადებს. ამ ორი ავტომობილიდან, როგორც შედარებით ხელმისაწვდომი, უფრო მეტ ყურადღებას ალბათ i3 იმსახურებს, რომელსაც ადრე ”მეგასიტის” სახელით ვიცნობდით.

ბატონს ”ფერარი” აინტერესებს...

Ferrari and Button eye deal for 2013 - report
19 სექტემბერი
... და ”ფერარისაც” აინტერესებს ბატონი. ამ ტიპის ინფორმაციას ავრცელებს გამოცემა ”ნექსტგენ-ავტო”. პადოკში ამ თემაზე ლაპარაკი იტალიის დიდი პრიზის შემდეგ დაიწყეს და ამის მიზეზი ისაა, რომ ბრიტანელ პილოტს, ”მაკლარენთან” კონტრაქტი ჯერაც არ გაუგრძელებია. არადა, არაერთხელ უთქვამს, რომ ამ გუნდში თავისი კარიერის დასრულებას აპირებს.

”რენოს” მომავალი სეზონის იმედი აქვს

Renault confident of 2012 resurgence after mid-season progress
19 სექტემბერი
”რენომ” ეს სეზონი არცთუ ურიგოდ დაიწყო. მართალია, სეზონის სტარტამდე, რობერტ კუბიცა სერიოზულად დაშავდა, მაგრამ პირველ ორ რბოლაში, გუნდის პილოტები კვარცხლბეკზე ორჯერ ავიდნენ. მაგრამ შემდეგ ყველაფერი აირია და გუნდმა მოწინავეებიდან სტატისტების რანგში გადაინაცვლა. თუმცა, ამის მიუხედავად, გუნდის შეფ ერიკ ბულიეს ოპტიმიზმი არ აკლია.

Sunday, September 18, 2011

”ლამბორგინი” ”მეექვსე ელემენტს” გამოუშვებს

Lamborghini Confirms Limited Production Run of the Sesto Elemento
18 სექტემბერი
ფრანკფურტის მოტორ შოუზე, ”ლამბორგინი” პავილიონის მთავარი ვარსკვლავი კონცეპტუალური სუპერ ავტომობილი ”სესტო ელემენტო” გახდა, რომელსაც ბევრი ფიქრის შემდეგ, სანტ’აგატა ბოლონეზელებმა მწვანე შუქი აუნთეს. ეს კი დამსწრე საზოგადოებისთვის მოულოდნელი აღმოჩნდა, რადგან ყველამ იცოდა, რომ ”ლამბორგინი” ამ ავტომობილის წარმოებას არ აპირებდა.

კონცეპტუალური იუ - ვოლვო ახალ ცხოვრებას იწყებს (ვიდეო)


”ჰიუნდაი i30” - ევროპაზე შეტევის მეორე ფაზა

ფრანკფურტის მოტორ შოუს გახსნამდე რამდენიმე დღით ადრე, ”ჰიუნდაიმ” თავისი მთავარი საგამოფენო სიახლის - C სეგმენტის ჰეჩბეკ i30-ის ფოტოები გაავრცელა. ამ ავტომობილით, რომელიც კომპანიის რიუსელსჰაიმის (გერმანია) ტექნიკურ ცენტრშია შემუშავებული, კორეელები კონკურენციას ისეთ პოპულარულ ავტომობილებს გაუწევენ, როგორებიცაა ”ფოლკსვაგენ გოლფი”, ”ფორდ ფოკუსი” და ”რენო მეგანი”.

”რენომ” შეიძლება კუბიცა და პეტროვი გაუშვას

Renault could snub Kubica, Petrov for 2012
18 სექტემბერი
არაა გამორიცხული, რომ მომავალ სეზონში ”რენომ” ორივე პილოტი გამოცვალოს. ასეთი ვარაუდი გამოითქვა გერმანულ გამოცემა ”აუტო მოტორ უნდ შპორტის”, პუბლიკაციაში, სადაც პოლონელ რობერტ კუბიცას და რუს ვიტალი პეტროვის შემცვლელებად, ბრაზილიელი ბრუნო სენა (ფოტოზე) და შვეიცარიელი რომენ გროჟანი მოიაზრებიან.

რაიკონენმა ”უილიამსის” ფაბრიკა მოინახულა

Raikkonen visits Williams team factory
18 სექტემბერი

ინტერნეტით გავრცელებული ინფორმაცია გვაუწყებს, რომ კიმი რაიკონენი ”უილიამსს” ესტუმრა და მისი ფაბრიკა დაათვალიერა. უფრო მეტიც, ავსტრიული ინტერნეტ გამოცემა ”შპორტ10” და ფინური ”პლაზა” იტყობინებიან, რომ ამ ინფორმაციას ”უილიამსი” ადასტურებს.

Saturday, September 17, 2011

ახალი ”დეფენდერი” პირველ ნაბიჯს დგამს

დიდი ხანი არ გასულა მას შემდგ, რაც ”ლენდ როვერის” საწარმოო პროგრამიდან, ამ კომპანიის ყველაზე ლეგენდარული სახელი, ”დეფენდერი” გაქრა. მაგრამ სამუდამოდ მას ვინ დაივიწყებს! სხვა თუ არაფერი, ის ექვსი ათეული წლის განმავლობაში ხიბლავდა ავტომოყვარულებს და ემსახურებოდა სამხედროებს. 1949 წლიდან მოყოლებული, ის რამდენჯერმე გადააკეთეს, თუმცა ორი ძირითადი პლატფორმა პრაქტიკულად ხელუხლებელი რჩებოდა.

”სიტროენის” კონცეპტუალური მინივენი ”ტუბიკი”

თუ ”სიტროენის” ისტორიასა და ავტომობილებზე ძალიან ზოგადი წარმოდგენა გაქვთ, მაშინ ამ კონცეპტუალურ ნამუშევარს შორეული მომავლის ავტომობილად ჩათვლით. მაგრამ რეალურად, ისევე როგორც ბევრი სხვა კომპანია, ”სიტროენიც” წარსულის დიდებას გამოეტირა და საგამოფენოდ, წარსულში პოპულარულ მინივენ ”ტუბ-ის” რეტრო-ვერსია, სახელად ”ტუბიკი” მოამზადა.

”იაგუარ C-X16” - ჰიბრიდული დიდი კატა

”ოპელისა” არ იყოს, ”იაგუარსაც” ფრანკფურტისთვის საპრემიეროდ მომზადებული კონცეპტუალური ავტომობილის (სახელად C-X16) ერთადერთი ტიზერი და მწირი ინფორმაცია ჰქონდა გამოქვეყნებული. თუმცა, ის ფრანკფურტის შოუს გახსნამდე (13 სექტემბერს) მაინც გაგვაცნო. მაშინვე გამოითქვა ვარაუდი, რომ ეს ავტომობილი წარმოებისთვისაა მომზადებული და ის კონკურენციას ”პორშე 911-ს” გაუწევს.

”ოპელ RAK e” ხელმისაწვდომი ელექტრომობილი



ერთ-ერთი იშვიათ ავტომწარმოებელთაგანი, რომელიც ფრანკფურტისთვის მომზადებულ სიახლეს შოუს გახსნამდე ჯიუტად, საიდუმლოდ ინახავდა, ”ოპელია”. მართალია, გერმანულმა კომპანიამ ადრევე განაცხადა, რომ ”რადიკალურად ახალი ოპელი” აქვს მომზადებული, მაგრამ მასზე არც მცირე ინფორმაცია დასცდენია და არც ტიზერები გაუვრცელებია. წარმოდგენაც კი არავის ჰქონდა იმაზე, თუ რა ტიპის ავტომობილზე იყო ლაპარაკი.

ფოლკსვაგენ აპ!-ის ოჯახი

აპ! აძურა


ქროს აპ!

მოდელ ”აპ!-ის” კონცეპტუალურ ვერსიებს შორისაა სპორტული GT, რომელიც 100-ცხენისძალიანი ძრავით და ”ფოლკსვაგენის” სერია GTI-ს ელემენტებით აღიჭურვა. მასზე არანაკლებ საინტერესოა საპლიაჟო ღია ”აპ! აძურა”, რომლის დიზაინიც ჯორჯეტო ჯუჯარომ და ვალტერ და სილვამ შეიმუშავეს. ამ მანქანასაც არც სახურავი აქვს და არც კარები. თუმცა ბაგისგან განსხვავებით, მასში ოთხი სავარძელი მოთავსდა და თანაც, ავტომობილი არც სპორტულად გამოიყურება.