Wednesday, November 30, 2011

ესპანელმა ინჟინერმა მსოფლიოში ყველაზე პატარა V12 ძრავი შექმნა

Spanish engineer crafts "world's smallest" V-12 engine
30 ნოემბერი
ესპანელ ინჟინერს, სახელად პატელო, 1200 საათი დასჭირდა, რათა თავისი დიდი ხნის ოცნება – V12 კონფიგურაციის მინიატურული შიდაწვის ძრავი შეექმნა. მანვე დახაზა, თავადვე ჩარხავდა და ბურღავდა. მასალად ალუმინს, ბრინჯაოს და უჟანგავ ფოლადს იყენებდა. და როგორც თავადვე ამბობს, მსოფლიოში ყველაზე პატარა V12 ძრავი შექმნა.

„მაზდა“ სპორტული მოდელების მომავალზე ფიქრობს

Mazda rotary shock: MX-5 and RX-8 could merge
30 ნოემბერი
ტოკიოში გახსნილ საერთაშორისო მოტორ შოუზე, „მაზდამ“ ყველა გააკვირვა თავისი განცხადებით, რომელშიც ნათქვამია, რომ შესაძლოა, ორი სპორტული მოდელი – როდსტერი MX–5 (ფოტოზე) და კუპე RX–8 ერთი მოდელით შეიცვალოს. თუმცა, ეს საწარმოო პროგრამის განვითარების ერთადერთი ვერსია არაა. სხვა ვერსიით, შესაძლოა, როდსტერი MX მომავალში როტორული (ვანკელის) ძრავით აღიჭურვოს.

"სუბარუს" ახალი კუპე BRZ (ვიდეო)



კენ ბლოკი და ჯიმხანა შოუს მსოფლიო ტური (ვიდეო)


Tuesday, November 29, 2011

არასდროს დამიკარგავს ფორმულა ერთში რბოლის სურვილი

ინტერვიუ კიმი რაიკონენთან
Lotus Renault interview with Kimi Raikkonen
29 ნოემბერი
– კიმი, თქვენმა დაბრუნებამ ბევრი გაახარა. რატომ დაბრუნდით?
მთავარი მიზეზი ისაა, რომ ფორმულა ერთში რბოლის სურვილი არასდროს დამიკარგავს. ეს სურვილი განსაკუთრებით მას შემდეგ გამიძლიერდა, რაც ნასქარ–ის რბოლებში მივიღე მონაწილეობა. რალიში რბოლა დროზეა, ტრეკზე კი ყველა ერთადაა და ეს უფრო საინტერესოა.

„ლოტუს რენო“ კუბიცას დაბრუნებას არ გამორიცხავს

Renault not ruling out Robert Kubica despite having signed Kimi Raikkonen
29 ნოემბერი
ახლახანს „ლოტუს რენომ“ ორწლიანი კონტრაქტი გააფორმა კიმი რაიკონენთან, თუმცა გუნდის ხელმძღვანელი ერიკ ბუიე აცხადებს, რომ ეს სულაც არ ნიშნავს რობერტ კუბიცაზე უარის თქმას. მართალია, გუნდს კონტრაქტი აქვს რუს ვიტალი პეტროვთან, მაგრამ ბუიე ამბობს, რომ სეზონის მეორე ნახევარში, თუ პოლონელი მრბოლი მზად იქნება, მას რბოლებში მონაწილეობის საშუალებას მისცემს.

„ნისან ლიფ“ – 20 000 მსოფლიოში, 10 000 ამერიკაში

Nissan sells 20,000 Leafs worldwide, 10,000 in U.S. by end of the year
29 ნოემბერი
 მსოფლიოში პირველი ელექტრომობილის, „ნისან ლიფის“ გაყიდვებმა მთელს მსოფლიოში 20 000 ცალს მიაღწია. ამათგან ყველაზე მეტი, 9 000 ათასი ელექტრომობილი ამერიკაში, მეტწილად შტატ კალიფორნიაშია გაყიდული. ამასთან, ტოკიოს მოტორ შოუს გახსნის წინ, იაპონურმა კომპანიამ გამოაცხადა, რომ წლის ბოლომდ, ამერიკაში გაყიდული „ლიფის“ რაოდენობა 10 000–ს გადააჭარბებს. სწორედ ამდენს გეგმავდა „ნისანი“ როდესაც ზუსტად ერთი წლის წინ, ამ ავტომობილის პრემიერა ჩაატარა.

მსოფლიოში ყველაზე პატარა V12



კიმი რაიკონენი „ლოტუს რენოში“

Renault confirms Kimi Raikkonen will return to Formula 1 in 2012
29 ნოემბერი

ორწლიანი პაუზის შემდეგ, კიმი რაიკონენი ფორმულა ერთს დაუბრუნდა. ფინელმა მრბოლმა ორწლიანი კონტრაქტი გააფორმა „ლოტუს რენოსთან“, რომელიც გასულ სეზონში „რენოს“ სახელით ასპარეზობდა. რაიკონენი კარგა ხანს მოლაპარაკებას აწარმოებდა „უილიამსთან“, თუმცა ბრიტანული გუნდის ახალმა სპონსორმა, ყატარის სახელმწიფო ბანკმა, მისი ხელფასის დაფინანსება არ ისურვა და გუნდმაც 2007 წლის მსოფლიო ჩემპიონზე უარი თქვა.

Monday, November 28, 2011

„ინფინიტი“ „მერსედეს A–კლასის“ პლატფორმას გამოიყენებს

Infiniti to use Mercedes A-Class platform for compact front-driver
28 ნოემბერი
ჟენევის წლევანდელ მოტორ შოუზე კონცეპტუალური „ეთერეას“ (ფოტოზე) ჩვენებით, „ინფინიტიმ“ მიგვანიშნა, რომ ბაზარზე გამოსაშვებად ახალ კომპაქტურ ჰეჩბეკს ამზადებს, რომელმაც კონკურენცია „აუდ A3–ს“ და „ბეემვე 1–ლ სერიას“ უნდა გაუწიოს. იაპონურ კომპანიას ჟენევაში არ გამოუცხადებია, რომ ახალი ავტომობილისთვის „მერსედესის“ ახალ წინაამძრავიან პლატფორმას გამოიყენებს, რომელიც სამქიმიანებმა „რენო–ნისანის“ ალიანსთან ერთად შეიმუშავეს და რომელსაც A და B კლასის ჰეჩბეკებისთვის იყენებენ.

პატრიკ ჰედი ფორმულა ერთს ტოვებს

Williams stalwart Patrick Head to end his F1 involvement at the end of 2011
28 ნოემბერი
„უილიამსის“ თანამფლობელი, ფორმულა ერთის ერთ–ერთი ყველაზე გამორჩეული ფიგურა პატრიკ ჰედი, ვინც თავისი გუნდის საინჟინრო შტაბს ხელმძღვანელობს, ამ სეზონის ბოლოს, გუნდს დატოვებს და კომპანია „უილიამსის“ ჰიბრიდული აგრეგატების განყოფილებას ჩაუდგება სათავეში.

„ტოიოტა“ და „ბეემვე“ მწვანე ტექნოლოგიებზე ერთად იმუშავებენ

Toyota, BMW to partner on green technology
28 ნოემბერი
„ტოიოტა“ და „ბეემვე“ ერთმანეთთან მოლაპარაკებას აწარმოებენ, რისი მიზანიც, ორ კომპანიას შორის, ეკოლოგიურად სუფთა ავტომობილების წარმოებაში თანამშრომლობის დაწყებაა. ამ ინფორმაციას იაპონური სააგენტო ნიკეი ავრცელებს. გარიგების დადების შემთხვევაში, იაპონური კომპანიისთვის, ბავარიელთა წარმოების დიზელის ძრავები იქნება ხელმისაწვდომი.

„რედ ბული“ ფეტელის ფინიშმა გააოცა

Red Bull amazed Vettel reached the end of the Brazilian Grand Prix
28 ნოემბერი
„რედ ბულისთვის“ ბრაზილიის დიდი პრიზის შედეგი მოულოდნელი აღმოჩნდა – ავსტრიულ გუნდს ის კი არ უკვირს, რომ რბოლა მარკ უებერმა მოიგო, არამედ ის, რომ სებასტიან ფეტელმა ფინიშს მიაღწია. საქმე ისაა, რომ მის მანქანზე გადაცემათა კოლოფი დაზიანდა და ინჟინრები ფიქრობდნენ, რომ მსოფლიო ორგზის ჩემპიონი რბოლას ვერ დაასრულებდა.

„ტოიოტა Fun-Vii“ - მოძრავი, მომართვადი, უცნური

Toyota Fun-Vii is rolling, customizable weirdness
28 ნოემბერი
ტოკიოს წლევანდელი მოტორ შოუ მდიდარი იქნება მომავლის კონცეპტუალური ავტომობილებით, თუმცა ამ მრავალფეროვნებაშიცაა გამორჩეული ექსპონატები, რომლებიც თავისუფლად შეიძლება გამოფენის ვარსკვლავებად ჩავთვალოთ. ასეთთა შორისაა „ტოიოტას“ მომავლის ავტომობილი, უცნაური გარეგნობით, ფუნქციებით და სახელითაც კი.

Sunday, November 27, 2011

„რენო“ პილოტების საკითხს ორ კვირაში მოაგვარებს

Renault to decide on 2012 driver line-up within the next fortnight
27 ნოემბერი
ბრაზილიის დიდი პრიზის წინ, „რენოს“ შეფმა ერიკ ბუიემ (ფოტოზე) განაცხადა, რომ პილოტებს უახლოეს ორ კვირაში შეარჩევს. მან დაადასტურა, რომ რობერტ კუბიცა მზად არ იქნება მომავალი სეზონის დასაწყისისთვის. თუმცა, ისიც აღნიშნა, რომ პოლონელზე ბევრი რამ იქნება დამოკიდებული. კერძოდ კი, გუნდში (რომელსაც მომავალი სეზონიდან ლოტუს–რენ დაერქმევა) მისი დარჩენის საკითხი.

უებერმა სეზონის გამარჯვებით დაასრულა

Webber wins Brazilian Grand Prix
27 ნოემბერი
ავსტრალიელი მარკ უებერის გამარჯვებით დასრულდა წლევანდელი სეზონის ბოლო ეტაპი – ბრაზილიის დიდი პრიზი. მან და მსოფლიოს უკვე ორგზის ჩემპიონმა სებასტიან ფეტელმა „რედ ბულს“ დუბლი მოუპოვეს და ასე დააგვირგვინეს სეზონი, რომელშიც გერმანელ მრბოლს და მის გუნდს რეალური კონკურენტები არ ჰყავდათ.

Saturday, November 26, 2011

„ბრაბუსის“ მონსტრი ესენის მოტორ შოუზე

Brabus Unleashes a 611HP Hair Blower at the Essen Motor Show
26 ნოემბერი
„ბრაბუსმა“ უმძლავრესი ავტომობილების ტრფიალთ კიდევ ერთი შედევრი მოუმზადა. ესაა „მერსედეს ბენც SLS AMG როუდსტერის“ მისეული ვერსია, რომელიც პირველმა, ევროპული ტუნინგის ყველაზე დიდმა ფორუმმა – ესენის მოტორ შოუს დამთვალიერებელმა იხილა.

ფეტელის პოულის წრე ბრაზილიაში (ვიდეო)



„ჰონდა“ პატარა ელექტრომობილს გამოუშვებს

Honda Fit EV available in 2012 for lease only, $399 per month
26 ნოემბერი
ლოს ანჯელესის მოტორ შოუზე, „ჰონდამ“ თავის პოპულარულ კომპაქტვენ „ფიტის“ (ჯაზის) ელექტრული ვერსია წარადგინა და გამოაცხადა, რომ ზაფხულიდან ეს ავტომობილი კომპანიის ამერიკელ დილერთა შოურუმებში გამოჩნდბა. თუმცა, ისიც ითქვა, რომ პატარა ელექტრომობილი მხოლოდ ლიზინგის წესით, თვეში 339 დოლარად გაიყიდება და მას მხოლოდ ისინი მიიღებენ, ვინც მზადაა, ის დიდი ხნით დაიტოვოს. პირველ რიგში, ელექტრული „ფიტის“ გაყიდვებს „ჰონდას“ კალიფორნიელი და ორეგონელი დილერები მიიღებენ, სხვა შტატებში კი მისი გაყიდვა 2013 წელს დაიწყება.

ფეტელმა პოულების რეკორდი დაამყარა

Vettel takes record pole in Brazil
26 ნოემბერი
მსოფლიოს ორგზის ჩემპიონმა, გერმანელმა სებასტიან ფეტელმა ბრაზილიის დიდი პრიზის კვალიფიკაცია მოიგო და ერთ სეზონში მოპოვებული პოულების რეკორდი დაამყარა. მის ანგარიშზე ამ სეზონში ეს უკვე მე–15 პოულია, ერთით მეტი, ვიდრე ნაიჯელ მენსელმა 1992 წლის სეზონში მოიპოვა.

სებასტიან ოჟიე „ფოლკსვაგენ WRC–ში“

ადრენალინის ცუნამი – გიმხანა 4 კენ ბლოკის შესრულებით (ვიდეო)

რა შუაშია ადრენალინის ცუნამი? ამას კლიპის ცქერისას მიხვდებით!

Friday, November 25, 2011

ბრაზილიის დიდი პრიზი (წარდგენა, ვიდეო)



"ჰონდას" ფორმულა 1–ის V10 ძრავი (ვიდეო)



„მერსედესმა“ „მაიბახს“ განაჩენი გამოუტანა

Mercedes-Benz killing Maybach in 2013
25 ნოემბერი
ჯერ ეს ოფიციალურად დადასტურებული არაა, მაგრამ გამოცემა „ავტოუიკი“ ავრცელებს ინფორმაციას, რომლის მიხედვითაც, „მერსედეს ბენცის“ ხელმძღვანელობას, თავისი ულტრა ლუქს კლასის ბრენდ „მაიბახის“ დახურვა აქვს გადაწყვეტილი. შტუტგარტული კომპანიის წარმომადგენელმა, ვინც ინკოგნიტოდ დარჩენ აისურვა, გამოცემას განუცხადა, რომ „მაიბახი“ 2013 წლიდან შეწყვეტს არსებობას.

"პორშე 911 GT3 RS" საქმეში



ჰამილტონი მადაზე მოვიდა

Hamilton back on top in Brazil
25 ნოემბერი
სებასტიან ფეტელი კი ნებივრობს. თუმცა, არ დაგვავიწყდეს, რომ თავისუფალი ვარჯიშების შედეგებს არანაირი მნიშვნელობა არ აქვს და ჯერ კვალიფიკაციაზე, შემდეგ კი რბოლისას გაირკვევა, ვის რა შეუძლია. ამასვე ამბობს თავად ჰამილტონი, ვინც მართალია, მეორე პრაქტიკაზე, სცელ ტრასაზე ყველას აჯობა, მაგრამ მაინც თვლის, რომ მშრალ გზაზე უფრო სწრაფები „რედ ბულის“ პილოტები არიან. ამის დასტური თუნდაც ის ფაქტია, რომ მშრალ, პირველ სესიაზე, საუკეთესო შედეგი ავსტრალიელ მარკ უებერს ჰქონდა.

„აუდი“ კორპორატიულ სტილს გაამრავალფეროვნებს

Audi 'deeply' into design revamp
25 ნოემბერი
„აუდი“ თავისი ავტომობილების დიზაინის შეცვლას აპირებს, რის შემდეგაც, მის სხვადასხვა კლასის ავტომობილებს, რიგი განმასხვავებელი ნიშნები ექნება. ახალი პროექტის განხორციელები შემდეგ, გერმანული კომპანიის სედანებს/ჰეჩბეკებს, უგზოობის და სპორტულ ავტომობილებს, დიზაინის მხოლოდ მათთვის დამახასიათებელი ელემენტები ექნება.

„მაზდამ“ ენერგიის კონდენსატორიანი დამგროვებელი შეიმუშავა

Mazda announces world first capacitor-based regenerative braking system
25 ნოემბერი
საავტომობილო კომპანიები, თავიანთ ავტომობილებში სულ უფრო ხშირად იყენებენ მუხრუჭების კინეტიკური ენერგიის რეგენერაციის სისტემებს, რომლების მეშვეობითაც, მნიშვნელოვნად მცირდება საწვავის ხარჯი. მათი უმეტესობა, ენერგიის დაგროვების საშუალებად აკუმულატორებს იყენებს, ცოტამ არჩევანი მექანიკურ დამგროვებელზე შეაჩერა. კონდენსატორიანი სისტემა კი აქამდე მხოლოდ „ტოიოტამ“ გამოიყენა (2007 წელს, ტოკაჩის 24–საათიან რბოლაში, ჰიბრიდულ სუპრა HV-R–ზე), რის შემდეგაც, აკუმულატორებზე გადავიდა.

„სუბარუმ“ უსწრაფესი „იმპრეზა“ – S206 დაამზადა

Subaru Unleashes Crown Jewel of JDM Impreza STi Series with New S206
25 ნოემბერი
თავის თაყვანისმცემლებს „სუბარუმ“ შესანიშნავი საჩუქარი მოუმზადა – პოპულარულ სპორტულ სედან „იმპრეზა STI–ს“ გაუმჯობესებული და უფრო მძლავრი ვერსია, S206 შეიმუშავა, რომელსაც მხოლოდ 300 ცალს დაამზადებს და მხოლოდ იაპონიაში გაჰყიდის.

Thursday, November 24, 2011

კუბიცას მენეჯერი აღშფოთებულია

Manager denies Robert Kubica will miss start of 2012 Formula 1 season
24 ნოემბერი
რობერტ კუბიცას მენეჯერი დანიელე მორელი (ფოტოზე, კუბიცასთან ერთად) აცხადებს, რომ „რენოს“ გუნდის ხელმძღვანელობამ საკუთარი ინტერპრეტაციით გამოაქვეყნა პოლონელი მრბოლის გამონათქვამი და საბოლოოდ ისე გამოიყვანა, ის თავისი ნებით ამბობს ფორმულა ერთში, მომავალი სეზონის დაწყებამდე დაბრუნებაზე. მორელი გუნდს ტყუილებსა და ფაქტების დამახინჯებაში ადანაშაულებს.

„სუძუკიმ“ „ფოლკსვაგენს“ უჩივლა

Suzuki Takes Volkswagen to International Court
24 ნოემბერი
„სუძუკიმ“ ოფიციალური განსცხადება გამოაქვეყნა, რომელშიც ნათქვამია, რომ საერთაშორისო საარბიტრაჟო სასამართლოს მიმართავს იმის გამო, რომ „ფოლკსვაგენი“ არ აპირებს იაპონური კომპანიის აქციების იმ 19.9 პროცენტის გაყიდვას, რომელიც მას ეკუთვნის.

Wednesday, November 23, 2011

„რენო“ და „ნისანი“ ულტრა იაფ ავტომობილს გამოუშვებენ

Renault, Nissan Studying New Small Car to be Made in India
23 ნოემბერი
მალე „რენო“ და „ნისანი“ სრულიად ახალი ავტომობილის შექმნას შეუდგებიან, რომელიც ფრანგული კომპანიის უიაფეს მოდელ „ლოგანზე“ თითქმის სამჯერ იაფი ეღირება და ის მსოფლიოს უიაფეს ავტომობილ „ტატა ნანოს“ გაუწევს კონკურენციას. ამასთან, ის განვითარებად ქვეყნებში – ინდოეთში, ჩინეთსა და სამხრეთ ამერიკაში გაიყიდება.

ოჟიე „ფოლკსვაგენის“ გუნდში იასპარეზებს

Sebastien Ogier joins Volkswagen's WRC team
23 ნოემბერი
სებასტიან ოჟიე და
ჟულიან ინგრასია
სებასტიან ოჟიემ „ფოლკსვაგენის“ გუნდთან გააფორმა კონტრაქტი. მართალია, მას „სიტროენთან“ კონტრაქტი მომავალი სეზონისთვისაც ჰქონდა, მაგრამ ფრანგულმა გუნდმა მის ადგილზე ფინელი მიკო ჰირვონენი მიიწვია, რომელიც მომავალ სეზონში, მსოფლიოს რვაგზის ჩემპიონ სებასტიან ლოებს გაუწევს პარტნიორობას.

კუბიცა მომავალი სეზონის დასაწყისს გამოტოვებს

Robert Kubica confirms he will miss the beginning of the 2012 F1 season
23 ნოემბერი
რობერტ კუბიცამ „რენოს“ ხელმძღვანელობას განუცხადა, რომ მომავალი სეზონის დასაწყისისთვის მზად ვერ იქნება. მართალია, მისი გამოჯანმრთელების პროცესი კარგად მიმდინარეობს, მაგრამ ის თვლის, რომ სეზონის დასაწყისს სრულ ფიზიკურ მზადყოფნში ვერ შეხვდება.

Tuesday, November 22, 2011

„ჰიუნდაის“ ახალი ჩინური ბრენდი

Beijing-Hyundai Shouwang BHCD-1 at the Guangzhou Auto Show
22 ნოემბერი
გუანჩჟოუს ავტო შოუზე, „ჰიუნდაიმ“ სრულიად ახალი ბრენდი წარადგინა, რომელიც სპეციალურად, ჩინური ბაზრისთვის არის შექმნილი და რომელსაც „შოუვანი“ დაარქვეს. ეს არის ერთობლივი კომპანია, რომელშიც კორეული კომპანიის თანამეწილე, ჩინური „ბეიძინ ავტომოტივია“ (BAIC). „შოუვანი“ ხელმისაწვდომი და ეკოლოგიური ავტომობილების წარმოებაზე იქნბა სპეციალიზებული.

„ალფა რომეო“ ჩინეთშიც გაიყიდება

Fiat to build Alfa Romeo brand in China with local partner Guangzhou
22 ნოემბერი
ისედაც გადატვირთულ ჩინურ საავტომობილო ბაზარზე, მალე კიდევ ერთი ავტორიტეტული მოთამაშე გამოჩნდება – „ფიატმა“ და ჩინურმა „გუანჩჟოუ აუტომობილმა“ ერთობლივი კომპანია, „გუანქი ფიატი“ ჩამოაყალიბეს, რომელიც თავის საქმიანობას „ალფა რომეოს“ ავტომობილების წარმოებით დაიწყებს.

„მაკლარენმა“ ახალი საწარმოო ცენტრი გახსნა

McLaren dubs next model MP4-27 at Production Centre opening
22 ნოემბერი
ფორმულა ერთის თუნდაც წარმატებული გუნდის წარმატებულ ავტომწარმოებლად გარდაქმნა ძალიან ძნელია. თავის დროზე, ეს „ფერარიმ“ შეძლო და ლეგენდაც გახდა. ახლა იგივე მიზანი „მაკლარენს“ აქვს დასახული, ვისაც ფ1–ში მიღწევებით მხოლოდ იტალიური საჯინიბო სჯობს.

„ტატამ“ ჯუჯა „ნანო“ განაახლა

Tata Launches 2012 MY Nano with More Powerful and Fuel Efficient Engine
22 ნოემბერი
„ტატამ“ მსოფლიოს უიაფესი ავტომობილი, ჯუჯა ჰეჩბეკი „ნანო“ განაახლა. ავტომობილი გარეგნულად პრაქტიკულად არ შეცვლილა. ცვლილებები მის ტექნიკურ აღჭურვილობას შეეხო. რაც მთავარია, გაუმჯობესდა ძრავი. მართალია, მისი მუშა მოცულობა ისევ 0. 624 ლიტრია, მაგრამ მისმა სიმძლავრემ 38 ცხენის ძალას, მაქსიმალურმა მაბრუნმა მომენტმა კი 51 ნიუტონმეტრს მიაღწია. ორივე მაჩვენებელი 3–3 ერთეულით გაიზარდა.

"მაკლარენის" ახალი საწარმოო ცენტრი (ვიდეო)



Monday, November 21, 2011

„ფიატ–კრაისლერის“ შეფი 2014 წელს 6 მილიონი ავტომობილის გაყიდვას გეგმავს

Marchionne expects 6 million sales for Fiat-Chrysler in 2014
21 ნოემბერი
„ფიატის“ და „კრაისლერის“ მთავარი აღმასრულებელი სერჯო მარკიონე (ფოტოზე) მოელის, რომ წელს ორივე კომპანიის გაყიდვების ჯამური მოცულობა 4.2 მილიონ ავტომობილს მიაღწევს, სამი წლის შემდეგ კი ეს მაჩვენებელი 6 მილიონამდე გაიზრდება.

„ფოლკსვაგენი“ ჩინეთში ელექტრომობილებს გამოუშვებს

Volkswagen aims to make EVs in China in 2013
21 ნოემბერი
„ფოლკსვაგენი“ ჩინეთში 2013 წელს ელექტრომობილების წარმოებას დაიწყებს. „ფოლკსვაგენ ჩაინას“ შეფ კარლ–თომას ნოიმანის განცხადებით, მისი კომპანია ამ ავტომობილებს, ჩინელ პარტნიორებთან ერთად გამოუშვებს. ეს გადაწყვეტილება ვოლფსბურგელებმა მსოფლიოს ყველაზე ხალხმრავალ ქვეყანაში, ელექტრომობილებზე მზარდი მოთხოვნის გამო მიიღეს. ნოიმანის თქმით, ორი ელექტრომობილის წარმოება იგეგმება, რომელთა სვლის სიშორეც (ერთ დამუხტვაზე), 100–დან 200 კილომეტრამდე იქნება.

„ფერარი“ თავისი ავტომობილების კოლექციონერთა კლუბს ქმნის

Ferrari plans new club to help loyal owners buy limited edition cars
21 ნოემბერი
„ფერარი“ მის მიერ წარმოებული ავტომობილების კოლექციონერთა კლუბს ქმნის, რომლის წევრებსაც შანსი ექნებათ, პირველებმა შეიძინონ ის ავტომობილები, რომლებსაც მარანელოელები ძალიან შეზღუდული რაოდენობით აწარმოებენ. კლუბში გაწევრიანებას მხოლოდ ის ადამიანები შეძლებენ, რომელთა ფარეხშიც, სხვადასხვა წლებში გამოშვებული მინიმუმ ხუთი „ფერარი“ დგას. იტალიური კომპანიის ვარაუდით, მთელს მსოფლიოში სულ 300 ადამიანია, ვინც ხუთ, ან მეტ „ფერარის“ ფლობს.

Sunday, November 20, 2011

„ფიატის“ სიცილიურმა ქარხანამ შეიძლება „ჩერის“ ავტომობილები გამოუშვას

Fiat Sicily plant may assemble cars from China's Chery
20 ნოემბერი
არაა გამორიცხული, რომ მალე, „ფიატის“ სიცილიურმა ქარხანამ ჩინურ კომპანია „ჩერის“ ავტომობილების წარმოება დაიწყოს. ეს ავტომობილები იტალიისა და ევროპის ქვეყნების ბაზრებზე გაიყიდება. ქარხანა „ტერმინი იმერეზე“ პალერმოს მახლობლად მდებარეობს და ის მალე გაჩერდება, რადგან იქ წარმოებულ ავტომობილებზე მოთხოვნა ძალიან შემცირდა.

„ფერარის“ ფ1–ის ტექნოლოგიების საგზაო ავტომობილებზე გადატანა სურს

Ferrari wants more F1 technology transfer to its production cars
20 ნოემბერი
სუპერ ავტომობილების მწარმოებელ იტალიურ კომპანიას სურს, რომ ფორმულა ერთში გამოყენებული ტექნიკური სიახლეების დიდი ნაწილი, საგზაო ავტომობილების წარმოებაშიც დანერგოს. თუმცა, არსებობს გარკვეული სარეგლამენტო შეზღუდვები, რომლებიც ფ1–ის გუნდებს ტექნოლოგიების ტრანსფერებს უკრძალავს.

ოსტინის ტრასის ხელმძღვანელებს რბოლის გადადება სურთ

Austin circuit chiefs willing to delay debut grand prix to 2013
20 ნოემბერი
აშშ–ის დიდი პრიზის ორგანიზატორები თანახმანი არიან, რბოლა, რომელიც პირველად მომავალ სეზონში უნდა ჩატარებულიყო, ერთი წლით გადაიტანონ. ტრასა შტატ ტექსასის მთავარ ქალაქ ოსტინის გარეუბანში შენდება, მაგრამ ფორმულა ერთის მთავარ პრომოუტერ ბერნი ეკლსტოუნს ეჭვი გაუჩნდა, რომ მშენებლობა დროულად ვერ დასრულდება. ამიტომ, რბოლის ერთი წლით გადატანა მოითხოვა.

Saturday, November 19, 2011

„სუძუკიმ“ „ფოლკსვაგენთან“ კოოპერაცია შეწყვიტა

 Suzuki Says VW Deal is Terminated, Wolfsburg Doesn’t Think So…
19 ნოემბერი

„სუძუკიმ“ გამოაცხადა, რომ „ფოლკსვაგენთან“ გაფორმებული კოოპერაციის შეთანხმებას აჩერებს და დაიმუქრა, რომ საერთაშორისო საარბიტრაჟო სასამართლოს მიმართავს იმ შემთხვევაში, თუ გერმანული კომპანია, იაპონური კომპანიის აქციების მის ხელთ არსებულ 19.9–პროცენტიან პაკეტს შეინარჩუნებს.

„ლოტუსი“ გამალებით ამზადებს ახალ „ესპრიტს“

Lotus confirms in-house V8, Lego-like chassis has potential
19 ნოემბერი
ფინანსების ნაკლებობის მიუხედავად, „ლოტუსი“ წარმოებისთვის გამალებით ამზადებს მოდელ „ესპრიტს“, რომელიც ბაზარზე 2013 წელს უნდა გამოვიდეს. დიდი ხანია, კომპანიის ინჟინრები ახალ V8 ძრავსა და სრულიად ახალ შასიზე მუშაობენ. და სავარაუდოდ, ავტომობილის წინასერიული პროტოტიპის საგზაო ტესტებიც მალე დაიწყება.

"პორშე პანამერა GTS" ტრასაზე (ვიდეო)



ჯეი ლენომ „შევროლე ვოლტით“ 10 000 მილი ბენზინის გარეშე გაიარა

Jay Leno and Other Volt Owners Drive 10,000 Miles without Using a Drop of Gas
19 ნოემბერი
ერთ–ერთი პირველი, ვინც „შევროლეს“ პლაგ–ინ ჰიბრიდული ელექტრომობილი „ვოლტი“ შეიძინა (შარშან, დეკემბერში), ამერიკული ღამის შოუს წამყვანი, ავტომობილების დიდი მოყვარული და კოლექციონერი ჯეი ლენოა (ფოტოზე). მაგრამ კარგა ხანს, „ჯენერალ მოტორსს“ მისი სახელი „ნისანის“ ელექტრომობილ „ლიფთან“ კონკურენციაში ნაკლებად შველოდა. თუმცა, ამას ობიექტური მიზეზი ჰქონდა და როგორც კი „ვოლტის“ მწარმოებელი ქარხნის მოდერნიზაცია დასრულდა, გაყიდვებმაც საგრძნობლად იმატა და ოქტომბერში „ვოლტმა“ გაყიდვებში თავისი ვიზავი პირველად მოიტოვა უკან.