”პორშე” ”ბოქსტერ სპაიდერს” ამზადებს
Porsche Boxster Spyder
6 ნოემბერი”პორშემ” გამოაცხადა, რომ ლოს ანჯელესის საავტომობილო შოუზე, რომელიც სტარტს 2 დეკემბერს აიღებს, საზოგადოებას თავის ახალ ავტომობილს, სამოდელო გამაში ყველაზე მსუბუქ ”ბოქსტერ სპაიდერს” წარუდგენს.
ავტომობილი აღჭურვილია 3.4-ლიტრიანი, 6-ცილინდრიანი ძრავით, რომელსაც საწვავი უშუალოდ წვის კამერაში მიეწოდება. აგრეგატი 320 ცხენის ძალას ავითარებს, 10-ით მეტს, ვიდრე ”ბოქსტერ S-ი”. ამასთან, მასზევე დაახლოებით 85 კილოგრამით მსუბუქიცაა.
ამ მონაცემებით, ავტომობილს ნულიდან 100 კმ/სთ-მდე აჩქარება 4.6 წამში შეუძლია, მისი მაქსიმალური სიჩქარე კი 265 კმ/სთ-ს აღწევს. თუ გავითვალისწინებთ იმ ფაქტს, რომ ავტომობილი ღიაა და აქედან გამომდინარე, მისი აეროდინამიკური წინააღმდეგობაც იზრდება, შეიძლება ითქვას, რომ მას შესანიშნავი დინამიკური მახასიათებლები აქვს.
”ბოქსტერ სპაიდერს” ორივე სავარძლის საკისრეებს უკან საყრდენი აქვს, რომლებიც აეროდინამიკური მოყვანილობით გამოირჩევა. გარდა ამისა, შედარებით დადაბლებულია საქარე მინის პროფილი. ეს ორი ფაქტორი, აეროდინამიკის გაუმჯობესებას უზრუნველყოფს და შესანიშნავი დინამიკური მახასიათებლებიც ნაწილობრივ ამის შედეგია.
ავტომობილი სულ რაღაც 1 275 კილოგრამს იწონის და ამგვარად, ის ”პორშეს” სამოდელო გამაში ყველაზე მსუბუქი მოდელია.
”პორშეს” განმარტებით, ”ბოქსტერების” ოჯახი 50-იან და 60-იან წლებში პოპულარული ”550 სპაიდერისა” და RS 60-ს სულისკვეთებით შეიქმნა. მათსავით, ძრავი ბაზაში აქვს, სიმძიმის ცენტრი კი მაქსიმალურადაა დაწეული, რითაც კომპანიის ინჟინრებმა ავტომობილის უზადო მართვადობასა და მანევრულობას მიაღწიეს.
”პორშემ” გამოაცხადა, რომ ”ბოქსტერ სპაიდერს” მერმის, თებერვალში გამოუშვებს. ავტომობილის საბაზო ღირებულება კი 61 200 დოლარი იქნება.

გორდონ მარი ელექტრომობილსაც გვპირდება
Gordon Murray Announce T.27 Electric Car
6 ნოემბერილეგენდარულ ინჟინერ გორდონ მარის საინჟინრო და სადიზაინერო სახლი და ბრიტანული კომპანია ”ციტეკი”, ერთობლივად სამადგილიან ერლექტრომობილს შექმნიან, რმოებაც, სავარაუდოდ, 2011 წელს დაიწყება.
ორმა კომპანიამ, თავიანთი პროექტის განსახორციელებლად, ბრიტანული ”ტექნოლოგიური სტრატეგიების საბჭოსგან” 4.5 მილიონი გირვანქა სტერლინგი მიიღო. აღნიშნული პროექტი 16 თვეზეა გათვლილი და ის მარის ჯერაც დაუმთავრებელ მოდელ T.25-ის ბაზაზე, ელექტრომობილის შექმნას ითვალისწინებს.
პარტნიორების განცხადებით, T.27 ”მსოფლიოში ყველაზე ეფექტური ელექტრომობილი” გახდება, რასაც მისი სიმსუბუქე, მცირე აეროდინამიკური წინააღმდეგობა და ის ფაქტი განაპირობებს, რომ ავტომობილი სუფთა ფურცლიდან იქმნება.
ჯერჯერობით, ახალი ავტომობილის ტექნიკური მონაცემები არ გამოქვეყნებულა, მაგრამ მარი აცხადებს, რომ მასში ელექტროძრავი, ელექტრონული მართვის სისტემები და კვების სისტემა ერთ კომპაქტურ ბლოკში იქნება გაერთიანებული.
მარი ამბობს, რომ T.27-ის წარმოებისთვის, მის მიერ შემუშავებულ, საწარმოო პროცეს ”iსტრიმს” გამოიყენებს, რაც წარმოების პროცესს და შედეგად, საბოლოო პროდუქტს მნიშვნელოვნად გააიაფებს.

”დოჯ ვაიპერის” წარმოება დროებით შეწყდება
Dodge Viper Dead. For Two Years Only
6 ნოემბერი”კრაისლერმა” და ”ფიატმა”, აშშ-ის ბაზარზე მოქმედების ხუთწლიანი გეგმის შემუშავება დაასრულეს. ამ გეგმის მიხედვით, მერმის ამერიკული კომპანია სპორტულ ავტომობილი ”დოჯ ვაიპერის” წარმოებას შეწყვეტს, თუმცა მხოლოდ ორი წლით, რადგან 2012 წელს ბაზარზე ახალი ”ვაიპერი” გამოვა.
მირმის, იანვრიდან ივლისის ჩათვლით, სულ 500 ცალი ”ვაიპერი” დამზადდება. შემდეგ ამ ავტომობილის წარმოება შეწყდება და ორი კომპანიის ინჟინრები სრულიად ახალი ”ვაიპერის” შემუშავებას შეუდგებიან. ორი წლის შემდეგ კი ეს ავტომობილი პირველად წარსდგება საზოგადოების წინაშე.
რა თქმა უნდა, ახალი ავტომობილის შესახებ, ჯერ არაფერია ცნობილი, მაგრამ ადვილად სავარაუდოა, რომ ის გარკვეულ ნაწილებს ”ფიატის” ან ”ალფა რომეოს” ავტომობილებისგან მიიღებს. უფრო მილანური კომპანიის მოდელებისგან, რადგან ”ალფა” უფრო სპორტული ავტომობილების წარმოებაზეა ორიენტირებული.
იყო ვარაუდი იმის შესახებ, რომ ახალი ”ვაიპერი” ”ფერარის” V10 ძრავს მიიღებდა, მაგრამ რამდენადაც, ახალი ”კრაისლერი” აქცენტს ფართო მასებზე აკეთებს, ეს ვარიანტი არარეალურად მოჩანს.
უნდა ითქვას, რომ ”კრაისლერმა” თავისი სუპერ ავტომობილის წარმოების შეჩერების გადაწყვეტილება მეორედ მიიღო. პირვანდელი გადაწყვეტილებით, რომელიც ამერიკული კომპანიის რესტრუქტურიზაციამდე და გაკოტრებამდე იყო მიღებული, ”ვაიპერის” წარმოება ამ წლის ბოლოს უნდა შეწყვეტილიყო. მაგრამ ”ფიატთან” გაერთიანების შემდეგ, ეს გადაწყვეტილება შეიცვალა, რაც იტალიური კონცერნის შეფ სერჯო მარკიონეს სურვილის შესაბამისად მოხდა.
მიმდინარე წელს, ”დოჯი” აწარმოებს ”ვაიპერს”, რომლის კაპოტქვეშაც 8.4-ლიტრიანი V10 აგრეგატია განლაგებული. ამ ძრავის მაქსიმალური სიმძლავრე 600 ცხენის ძალას აღწევს, მასთან კი 6-საფეხურიანი მექანიკური კოლოფია დაკავშირებული.

”პროდრაივი” ”მინის” რალის მსოფლიო ჩემპიონატისთვის ამზადებს
Prodrive Is Working on a WRC-spec MINI
6 ნოემბერიუკვე რამდენიმე თვეა, საავტომობილო წრეებში სულ უფრო ხშირად ლაპარაკობენ იმაზე, რომ ”ბეემვეს” ინგლისური მარკა ”მინი” რალის მსოფლიო ჩემპიონატში მონაწილეობას აპირებს. მაგრამ ოფიციალური ინფორმაცია ამ თემაზე მკაცრად გასაიდუმლოებულია.
ინტერნეტით გავრცელებული ხმებით, ახლა ბავარიელებს ერთი მთავარი პრობლემა აწუხებთ - რომელ მოდელზე უნდა იყოს ბაზირებული ”მინის” WRC (ვორლდ რალი ქარ) ვერსია. ვარაუდი გვეუბნება, რომ საბაზო მოდელად ქროსოვერს გამოიყენებენ.
დღეისათვის ”ბეემვე” არცერთ დიდ სარბოლო სერიაში აღარ მონაწილეობს. გასული სეზონის დასრულებისთანავე, ბავარიელთა გუნდმა ფორმულა 1-ის არენაც მიატოვა. მაგრამ როგორც ჩანს, ამის ანაზღაურება რალის მსოფლიო ჩემპიონატზე გუნდის გამოყვანით ანაზღაურდება. ამაში კი გერმანულ კომპანიას ინგლისური ”პროდრაივი” ეხმარება, რომელიც ცნობილია იმით, რომ წლების განმავლობაში, ”სუბარუს” WRC-ს სპეციფიკაციის მანქანებს უმზადებდა.
რაც შეეხება ქროსოვერს, ასეთი ”მინის” სამოდელო გამაში ჯერჯერობით არ ფიგურირებს. მისი დებიუტი ფრანკფურტის წლევანდელ ავტო შოუზე იგეგმებოდა, მაგრამ გაურკვეველი მიზეზების გამო, მერმისისთვის გადაიდო. და არაა გამორიცხული, რომ ის ჟენევაში, ან პარიზში, თავის WRC-ვერსიასთან ერთად ვიხილოთ.
ინგლისურ ჟურნალ ”ავტოსპორტის” მიერ გავრცელებული ინფორმაციით, ამჟამად, ”პროდრაივის” სპეციალისტები, საბაზო მოდელის გარეშე, მისი რალის ვერსიის ზოგიერთ დეტალს ამუშავებენ.