Saturday, March 31, 2012

„ფორდმა“ თავის შეფს 29.5 მილიონი დოლარი გადაუხადა

Ford raises Mulally's compensation 11% to $29.5 million
31 მარტი
„ფორდმა“ გამოაქვეყნა ყოველწლიური ანგარიში, რომელშიც ნათქვამია, რომ კომპანიის მთავარმა აღმასრულებელმა ალან მიულალიმ გასული წლის გასამრჯელოდ 29.5 მილიონი დოლარი მიიღო. ეს კი წინა წლის ანაზღაურებაზე (26.5 მილიონი) 11 პროცენტით მეტია. მიულალის შარშანდელი ანაზღაურება ყველაზე მეტია მას შემდეგ, რაც ის „ფორდში“ გადავიდა.
აღნიშნული თანხიდან, 2 მილიონი ხელფასია, 5.46 მილიონი ფულადი პრემიები, 22 მილიონი კი აქციების სახით მიღებული ჯილდოა. საინტერესოა, რომ ამერიკულმა კომპანიამ თავის ტოპ მმართველს ბონუსები 42 პროცენტით შეუმცირა, რაც იმის გამო მოხდა, რომ საფონდო ბირჟაზე „ფორდის“ აქციები 36 პროცენტით დაეცა.

პორტუგალიის რალის ჰირვონენი ლიდერობს

Hirvonen leads in Portugal, Solberg up to fifth
31 მარტი
პორტუგალიაში მიმდინარეობს რალის მსოფლიო ჩემპიონატის მეოთხე ეტაპი, რომელსაც ფინელი მიკო ჰირვონენი (ფოტოზე) ლიდერობს. რბოლას წვიმა და ნისლი ართულებს. რთული პირობების გამო, ხშირია ავარიები. ასპარეზობას პირველივე დღეს გამოეთიშა მსოფლიოს რვაგზის ჩემპიონი, ფრანგი სებასტიან ლოები, რომელსაც ავარია მოუვიდა.

„დაჩიას“ ხელმისაწვდომი მინივენი 10 000 ევროზე ნაკლები ეღირება

Dacia’s Affordable and Roomy Lodgy MPV will Start from Just Under €10,000
31 მარტი
რუმინული კომპანია „დაჩია“, რომელიც მთლიანად „რენოს“ მფლობელობაშია, ხელმისაწვდომ ავტომობილებს აწარმოებს. ჯერ სედანი „ლოგანი“ და ჰეჩბეკი „სანდენო“, მერე უგზოობის „დასტერი“ და ახლა მინივენი „ლოდჯი“... ამ უკანასკნელის მსოფლიო პრემიერა ახლახანს, ჟენევის მოტორ შოუზე გაიმართა. ამ ავტომობილის საბაზო ვერსიის ღირებულება 9900 ევრო იქნება.

კონცეპტუალური „ბეემვე i8 სპაიდერი“ პეკინის შოუზე გაგვეცნობა

BMW i8 Spyder Concept Photos Leaked Ahead of Beijing Auto Show Debut
31 მარტი
„ბეემვეს“ ჯერ ელექტრულ კუპე i8-ს წარმოება არ დაუწყია და უკვე მისი ღია ვერსიის ბაზარზე წამოწევას ცდილობს. ამაზე მეტყველებს ჩეხურ ვებგვერდ „ავტო ფორუმის“ მიერ გავრცელებული ინფორმაცია და ფოტოები. ფოტოების რეალურობაზე შეიძლება ეჭვი შეგეპაროთ, მაგრამ დიდი დრო არ დარჩა პეკინის ავტო შოუს გახსნამდე, სადაც ბავარიული კომპანია კონცეპტუალურ „i8 სპაიდერს“ წარადგენს.

Friday, March 30, 2012

უბრალოდ, ძალიან ეკონომიური „ფორდ ფიესტა“

Ford Debuts Frugal Fiesta ECOnetic with 85.6mpg UK or 3.3lt/100km in Europe
30 მარტი
„ფორდმა“ გამოაცხადა, რომ დაიწყო ახალი „ფიესტა ეკონეტიკის“ წარმოება, ავტომობილისა, რომელიც თავისი ეკონომიურობით, ჰიბრიდებსაც კი მისცემს ფორას. ეს ავტომობილი მხოლოდ ევროპული ბაზრისთვისაა განკუთვნილი. ის დიზელის 1.6-ლიტრიანი აგრეგატითაა აღჭურვილი, რომელიც 94 ცხენის ძალას და 205 ნიუტონმეტრს გამოიმუშავებს.

„ფოლკსვაგენი“ MQB პლატფორმას 2015 წლამდე არ გაჰყიდის

VW May Start Selling MQB Platform to Other Carmakers after 2015
30 მარტი
როდესაც კომპანია 4 წელიწადს მოანდომებს და 60 მილიარდ ევროს (ოფიციალურ წყაროებში სწორედ ეს რიცხვი წერია) მოახმარს ერთადერთი, თუნდაც რევოლუციური უნივერსალური პლატფორმის შემუშავებას, ბუნებრივია, რომ თავისი სიახლის სხვებისთვის გაზიარებას არ ისურვებს და ამ ინვესტიციით, გაცილებით მეტი თანხის უკუგებას ეცდება.

„ენიგმა“ – „ოპელის“ კუპეს პორტუგალიელი დიზაინერისეული ვერსია

Opel Enigma is a Design Concept Based on the Chevy Camaro by David Cardoso
30 მარტი
„ოპელს“ და მის ბრიტანელ ტყუპისცალ „ვოქსოლს“ ძნელი პერიოდი აქვთ. კრიზისი ძალიან გაჭიანურდა და უკვე აღარც იმაზე დაობს ვინმე, რომ ის ქარხნების დახურვის გარეშე ვერ გადაილახება. რა თქმა უნდა, ასეთ დროს „ოპელს“ არ შეუძლია ინვესტირება პროექტში, რომელიც მცირეტირაჟიანი სპორტული ავტომობილის გამოშვებას შეიძლება ითვალისწინებდეს.

„დაიმლერმა“ და BYD-მა შვილობილ კომპანიას „დენცა“ დაარქვეს

Daimler and China's BYD Name Their New EV Brand Denza
30 მარტი
ოპრი წელია, რაც „დაიმლერმა“ და ჩინურმა BYD-მა ერთობლივი კომპანია ჩამოაყალიბეს, რომელსაც თავიდან BDNT (BYD დაიმლერ ნიუ ტექნოლოჯი) ეწოდა და რომლის დანიშნულებაც, ჩინური ბაზრისთვის ხელმისაწვდომი ელექტრომობილების შემუშავება და წარმოებაა.

„ფიატი“ „ჩინკვეჩენტოს“ ბაზაზე ქროსოვერსაც გამოუშვებს

Fiat will launch 500X small crossover next year
30 მარტი
გამოცემა „ავტომოტივ ნიუს იუროპის“ მიერ მოპოვებული ინფორმაციით, „ფიატი“ მერმისს ახალი ქროსოვერის წარმოებას დაიწყებს, რომელიც „ჩინკვეჩენტოს“ ბაზაზე შემუშავდება. ახალ ავტომობილს სახელად 500X-ს დაარქმევენ, სადაც X ქროსოვერის აღმნიშვნელია. ეს ავტომობილი ტურინული კონცერნის გამაში პატარა ქროსოვერ „სედიჩის“ შეცვლის, რომლის მსგავსადაც, ის ჰეჩბეკის და უგზოობის ავტომობილის სტილში შესრულდება.

Thursday, March 29, 2012

კონცეპტუალური „მაზდა ტაკერი“ ნიუ იორკსაც ეწვევა

Mazda Takeri Concept to Receive its North American Debut in New York
29 მარტი
„მაზდა“ თავის კონცეპტუალურ სედან „ტაკერის“ მსოფლიო ტურნეს აგრძელებს, ავტომობილისა, რომელმაც მალე „მაზდა6“ უნდა შეცვალოს. ეს ავტომობილი პირველად ტოკიოს შარშანდელ ავტო სალონზე შედგა, ახლახანს ჟენევაში გამოჩნდა, ამერიკის მიწას კი პირველად ნიუ იორკში, იქაურ ავტო შოუს დროს შეეხება.

„მონსტრი“ ტაძიმა პაიკს პიკს ელექტრომონსტრით შეუტევს (ვიდეო)

Monster Tajima to tackle Pikes Peak in an all-electric prototype
29 მარტი
იაპონელ მრბოლ ნობუჰირო ტაძიმას ავტოსპორტის სამყარო მონსტრის მეტსახელით იცნობს. მას პაიკს პიკის ლეგენდარული სამთო რბოლა ზედიზედ 6-ჯერ აქვს მოგებული, შარან კი „ცისკენ რბოლის“ ისტორიაში პირველად, დისტანცია 10 წუთზე ნაკლებში (9 წთ, 51.278 წამი - პაიკს პიკის აბსოლუტური რეკორდი) გაიარა. მაგრამ ამით, გამარჯვებების აპეტიტი ვერ დაიკმაყოფილა.

ახალ „ვაიპერს“ 4 აპრილს ვნახავთ

New SRT Viper Reveal to be Broadcasted Online
29 მარტი
ნიუ იორკში, მე-11 ავენიუზე მდებარე ჯეიკობ ჯევიტს სენტერის საკონფერენციო ცენტრში, 4 აპრილს სტარტს აიღებს ნიუ იორკის საერთაშორისო ავტო შოუ, რომელზეც ალბათ ყველაზე გამორჩეული მოვლენა ახალი „ვაიპერის“ დებიუტი იქნება.

„ჰიუნდაი“ ამერიკაში მარტის რეკორდულ გაყიდვებს ელის

Hyundai Expects Record US Sales in March
29 მარტი
„ჰიუნდაი“ და მის მფლობელობაში მყოფი „კია“ ბოლო წლებში განსაკუთრებით ამერიკულ ბაზარზე აქტიურობენ. და შესაბამის შედეგებსაც აღწევენ. შარშან მათ ამერიკის ბაზარზე რეკორდულ გაყიდვებს მიაღწიეს და რაც მთავარია, მთლიანად ამერიკული ბაზრის ზრდის ტემპსაც გადაასწრეს. ყველაზე პოპულარული კი „ჰიუნდაი ელანტრაა“, რომელმაც ამერიკის წლის საუკეთესო ავტომობილის წოდება მოიპოვა. მასზე იმდენად მაღალი მოთხოვნაა, რომ კორეული კომპანია მათს დაკმაყოფილებას ვერ აუდის.

მალაიზიაში გამარჯვებისათვის ალონსოს „ფერარი FF“ აჩუქეს

Fernando Alonso gets a Ferrari FF for winning the Malaysian Grand Prix
29 მარტი
ფორმულა ერთის ისეთი ტიტულოვანი გუნდისთვისაც კი, როგორიც „ფერარია“, ყოველ გამარჯვებას ოქროს ფასი აქვს. განსაკუთრებით კი მაშინ, როდესაც გუნდს მდევრის როლში ყოფნა უწევს. ფერნანდო ალონსოს მიერ მალაიზიაში მოპოვებული გამარჯვება 217-ეა „ფერარის“ ფ1-ის ისტორიაში. მაგრამ იმდენად მნიშვნელოვანი, რომ მისთვის მარანელოელებმა ალონსოს სუპერ ავტომობილი „ფერარი FF“ აჩუქეს.

Wednesday, March 28, 2012

„ჯენერალ მოტორსი“ დასავლეთ ევროპიდან განვითარებად ქვეყნებში გადაინაცვლებს

GM to shift more production to low-cost countries
28 მარტი
მალე შესაძლოა „ჯენერალ მოტორსმა“ წარმოების დიდი ნაწილი განვითარებად ქვეყნებში გადაიტანოს, ბოხუმის (გერმანია) და ელესმერის (ბრიტანეთი) ქარხნებს კი დახურვა ემუქრება. გერმანული ჟურნალი „დერ შპიგელი“ ამ ცნობას ამერიკული კომპანიის წარმომადგენლის მიერ მიწოდებულ ინფორმაციაზე დაყრდნობით ავრცელებს.

„ფერარი“ V12 ჰიბრიდს ამზადებს

Ferrari CEO Confirms V12 Hybrid, Says Six-Cylinder Engines are Also on the Table
28 მარტი
ავტოინდუსტრიის ისტორიაში V12 ძრავები დიდი იშვიათობაა, მაგრამ არის ერთი კომპანია, რომლისთვისაც ასეთი აგრეგატები საწარმოო პროგრამის აუცილებელი ნაწილი, უბრალოდ, პრესტიჟია. რა თქმა უნდა, ამ კომპანიის სახელია „ფერარი“. თავად განსაჯეთ, მარანელოელთა პირველივე (1947 წელი, მოდელი 125S) ავტომობილი სწორედ V12 ძრავით იყო აღჭურვილი. თანაც, მისი მუშა მოცულობა მხოლოდ 1.5 ლიტრს შეადგენდა.

აბობოქრებული „მუსტანგი“ ნიუ იორკში (ვიდეო)

Shelby Powers up 2012 Mustang GT500 to an Insane 950-Horses
28 მარტი
თავის დროზე, როდესაც ბაზარზე „მუსტანგ შელბი GT500“ გამოვიდა, ამ ავტომობილის თაყვანიმსცემლების კმაყოფილებას საზღვარი არ ჰქონდა. მაგრამ როგორც ჩანს, ეს ზღვარი სულაც არ ყოფილა. და ქეროლ შელბის კომპანია „შელბი ამერიკამ“ ნიუ იორკის საერთაშორისო ავტო შოუსთვის ნამდვილი მონსტრები მოამზადა, რომლებიც ძრავის მონაცემებით, თვით „ბუგატი ვეირონსაც“ კი მისცემენ ფორას!

Tuesday, March 27, 2012

„ოპელ ამპერამ“ მონტე კარლოს ეკო-რალი მოიგო

Opel Ampera Wins 2012 Monte Carlo Rally for Electric and Alternative Propulsion Vehicles
27 მარტი
ევროპის წლის საუკეთესო ავტომობილმა, „ოპელ ამპერამ“ მონტე კარლოს ეკოლოგიური რალი მოიგო, რომელიც ენერგიის ალტერნატიულ წყაროზე მომუშავე ავტომობილებისთვის ტარდება. გარბენში სულ შვიდმა „ამპერამ“ მიიღო მონაწილეობა, მათგან ოთხი კი მოწინავე ათეულში გავიდა.

მასა „ფერარის“ ტესტ პილოტია

Ferrari should explain Massa's 'test driver' role
27 მარტი
რა თქმა უნდა, არა პირდაპირი გაგებით. მაგრამ ბრაზილიელი ლივიუ ორიკიო „ო ესტადო დე სან პაულუში“ წერს, რომ ფელიპე მასას „ფერარიში“ სწორედ ტესტ პილოტის როლი აკისრია - ტესტების აკრძალვის პირობებში, სწორედ მასაა ის მრბოლი, ვისაც იტალიური გუნდის სიახლეების გამოცდა უწევს ხოლმე. ორიკიოს მტკიცებით, ამ სეზონის პირველ ორ ეტაპზე, მასა ტრასაზე სწორედ ექსპერიმენტატორის როლში იყო.

Sunday, March 25, 2012

ბატონმა შეცდომა აღიარა

Jenson Button takes blame for crash with Narain Karthikeyan
25 მარტი
ბატონის და კართიკეიანის შეჯახება
ჯენსონ ბატონმა აღიარა, რომ ნარაინ კართიკეიანთან შეჯახება მისი შეცდომის გამო მოხდა. და ამ შეცდომის გამო, მან მალაიზიის დიდ პრიზზე გამარჯვებისთვის ბრძოლის შანსი დაკარგა.
ინციდნტი მას შემდგ მოხდა, რაც პაუზის გამო შეწყვეტილი რბოლა განახლდა და ბატონმა მაშინვე რეზინი გამოცვალა. ტრასაზე დაბრუნებულს, მისივე წრეზე მყოფი კართიკეიანი გადაეყარა. ბრიტანელს ახალი საბურავებით სწრაფი წრე სჭირდებოდა, რათა მეტოქეებისთვის (სერხიო პერესი, ფერნანდო ალონსო და ლუის ჰამილტონი) გაესწრო და ინდოელის ჩამოტოვება სცადა, თუმცა ეს უადგილო ადგილას მოისურვა. მისი „მაკლარენი“ მეტოქის „ისპანიას“ უკნიდან შეეჯახა და წინა ფრთის მარჯვენა ნაწილი დაუზიანდა.

პერესი: გამარჯვება შესაძლებელი იყო

Sergio Perez says victory was possible
25 მარტი
მალაიზიური დიდი პრიზის ერთ-ერთი გამორჩეული გმირი მექსიკელი სერხიო პერესია, რომელმაც ნახევარ რბოლაზე მეტი სდია მსოფლიოს ორგზის ჩემპიონ ფერნანდო ალონსოს, მაგრამ იმ მომენტში, როდესაც გასწრებისთვის ხელსაყრელ მანძილზე მიუახლოვდა, გამოუცდლობამ ცუდი სამსახური გაუწია - შეცდა და საბოლოოდ მეორე ადგილს დასჯერდა. და მაინც, ამითაც ძალიან კმაყოფილი დარჩა.

ფორმულა 1-2012. გრაფიკული ინფორმაცია

ვივა ალონსო, ვივა პერეს!

Alonso storms to victory in rainy Malaysia
25 მარტი
ფორმულა ერთის მიმდინარე სეზონი დასაწყისშივე გახალისდა - მალაიზიის დიდი პრიზის მოსაგებად იმ მრბოლებმა იბრძოლეს, ვისაც სათავეში არავინ ელოდა. კვარცხლბეკის უმაღლესი საფეხური კრიზისში მყოფი „ფერარის“ფერნანდო ალონსომ დაიკავა, ოდნავ ქვემოთ კი „ზაუბერის“ სერხიო პერესი პერესი დადგა. ლუის ჰამილტონი კი, რომელმაც მეორედაც სტარტი პოულიდან აიღო, ისევე როგორც მელბურნში, ამჯერადაც მესამე ადგილს დასჯერდა.

Saturday, March 24, 2012

„ფერარი“ აღიარებს, რომ ახალი მანქანა არაკონკურენტუნარიანია

Alonso forced to accept new car is not competitive
24 მარტი
მალაიზიის დიდი პრიზის კვალიფიკაციაზე ჩაფლავების შემდეგ, „ფერარიმ“ აღიარა, რომ მისი ახალი მანქანა არაკონკურენტუნარიანია. ფერნანდო ალონსო და ფელიპე მასა რბოლას მე-8 და მე-12 პოზიციებიდან დაიწყებენ, რაც იტალიური საჯინიბოსთვის კატასტროფული შედეგია.

ფეტელი საბურავების იმედზეა

Vettel hopes tyres will help him in Malaysia
24 მარტი
მალაიზიის დიდი პრიზის სასტარტო მწკრივის მოწინავე რიგს კვლავ დააკლდა „რედ ბულის“ მანქანა. გასულ სეზონში ასეთი რამ წარმოუდგენელი იყო. მაგრამ ისიც ხომ ძალიან იშვიათად ხდება, რომ ერთი გუნდი ჩემპიონატებში უცვლელად დომინირებს? რა თქმა უნდა, „რედ ბულის“ ჩამოწერას არავინ აპირებს. „წითელი ხარები“ ისევ საბრძოლო ფორმაში არიან, მაგრამ ტრასაზე ძველებურად ვეღარ დომინირებენ.

ევროპის ბანკი ავტომობილების მყიდველთა უნებლიე დამფინანსებელია

How European Central Bank loans may have subsidized the Volkswagen Up!
24 მარტი
ეკონომიკური დაღმავლობის შესამსუბუქებლად, ევროპის ცენტრალურმა ბანკმა ახლახანს 1 ტრილიონი ევრო გამოჰყო საფინანსო კომპანიებისთვის, რომლებსაც ამ თანხას სიმბოლური, 1-პროცენტიანი სარგებლით ასესხებს. ამგვარად, როგორც „ნიუ იორკ ტაიმსი“ გვატყობინებს, ის ევროპული საავტომობილო კომპანიების სტაბილურობას შეუწყობს ხელს.

„მაკლარენმა“ მეორე საკვალიფიკაციო დუბლი შეასრულა

Lewis Hamilton beats Jenson Button to Malaysian Grand Prix pole position
24 მარტი
ლუის ჰამილტონი და ჯენსონ ბატონი მალაიზიის კვალიფიკაციაზეც ყველაზე სწრაფები არიან და რბოლასაც კვლავ მოწინავე პოზიციიდან დაიწყებენ. მიხაელ შუმახერმა კი, როგორც იქნა გაგვახსენა, რომ ფორმულა ერთში ბუზებისს ათვლელად არ დაბრუნებულა. და როგორც კი კარგი მანქანის საჭე ჩააბარეს, მაშინვე გამოაჩინა ბრჭყალები. მოწინავეთა რიგებს დაუბრუნდა კიდევ ერთი დაბრუნებული - კიმი რაიკონენიც. თუმცა, ფინელ მრბოლს რბოლის მეათე ადგილიდან დაწყება მოუწევს, რადგან „ლოტუსმა“ მის მანქანაზე გადაცემათა კოლოფი გამოცვალა. მოწინავე ექვსეულშია ჩემპიონი „რედ ბულის“ ორივე პილოტიც, რომლებიც რა თქმა უნდა, რბოლაში პოზიციის გაუმჯობესებას აუცილებლად ეცდებიან. ყველაზე საინტერესო კი ალბათ ისაა, რომ წინა რვა მრბოლს ნახევარ წამზე ნაკლები აშორებს.

Friday, March 23, 2012

იაპონელებს პატარა ჰიბრიდი „პრიუს C“ ძალიან მოსწონთ

Big in Japan: High Domestic Demand May Affect U.S. Supply of Toyota’s Prius C Small Hybrid
22 მარტი
„ტოიოტას“ თავისი ახალი, კომპაქტური ჰიბრიდული ავტომობილის - „პრიუს C-ს“ წარმოების გაზრდა მოუწევს, რადგან მასზე იაპონიაში ბუმია და თუ ასე გაგრძელდა, ამ ავტომობილის ამერიკის ბაზარზე შეტანა ჯერ ვერ მოხერხდება. ამომავალი მზის ქვეყანაში „პრიუს C“ (იქ ეს ავტომობილი აკვას სახელით იყიდება) დეკემბერში გამოჩნდა და იმ მომენტისთვის, „ტოიოტას“ მასზე უკვე 60 000 შეკვეთა ჰქონდა მიღებული. უფრო მეტიც, მას შემდეგ, შეკვეთების რაოდენობა გაორმაგდა.

„ფოლკსვაგენი“ „ჯეტას“ CC ვერსიასაც გამოუშვებს

VW Reportedly Developing a Smaller CC Model Based on the Next Jetta
22 მარტი
რამდენიმე წელია, მსოფლიო ავტოინდუსტრიას ახალი ვირუსი შეეყარა, რომელსაც ოთხკარიანი კუპე შეიძლება ვუწოდოთ. ამ ვირუსის გავრცელება „მერსედეს-ბენცმა“ დაიწყო, როდესაც ბაზარზე მოდელი CLS წარადგინა. შტუტგარტელებს მალევე გამოუჩნდნენ მიმბაძველები, მათ შორის მეზობელი „პორშე“, რომელმაც მყიდველს „პანამერა“ შესთავაზა, „ბეემვე“, თავისი მე-6 სერიის გრან კუპეთი და „აუდი“, თავისი A5 და A7 „სპორტბეკებით“.

რაიკონენი სტარტზე ხუთ ადგილს დაკარგავს

Raikkonen gets five-place grid penalty in the Malaysian Grand Prix
23 მარტი
მალაიზიის დიდი პრიზის რბოლას, კიმი რაიკონენი კვალიფიკაციაში მოპოვებულ პოზიციაზე ხუთი ადგილით უკან დაიწყებს. ამის მიზეზი ისაა, რომ მეორე თავისუფალი პრაქტიკის შემდეგ, მის „ლოტუსზე“ გადაცემათა კოლოფი გამოცვალეს. ამის თაობაზე ინფორმაცია „ლოტუსმა“ საკუთარ ტვიტერზე გამოაქვეყნა. შემდეგ კი გამოცემა „ავტოსპორტთანაც“ დაადასტურა.

„ფერარიმ“ უკვე 360 ცალი „F12 ბერლინეტა“ გაჰყიდა

Ferrari F12 Berlinetta
23 მარტი
„ფერარის“ ისტორიაში ყველაზე მძლავრი და სწრაფი სერიული ავტომობილის, „F12 ბერლინეტას“ მსოფლიო პრემიერა ჟენევის მოტორ შოუზე კი შედგა, მაგრამ მანამდე რამდენიმე დღით ადრე, მარანელოელებმა თავიანთი ახალი შედევრი, თავის ერთგულ კლიენტებს დახურულ ჩვენებაზე წარუდგინა.

პამელა ანდერსონმა საკუთარი სარბოლო გუნდი შექმნა

Pamela Anderson goes to racing with her new Downforce1 team
23 მარტი
კანადელმა მოდელმა და მსახიობმა პამელა ანდერსონმა საკუთარი სარბოლო საჯინიბო - „დაუნფორს1“ ჩამოაყალიბა, რომელიც ლე მანის ევროპულ სერიასა და დიდი ტურიზმის საერთაშორისო (GT ოუპენ) ჩემპიონატის რბოლებში მიიღებს მონაწილეობას. ორივე სერიაში პამელას გუნდი „ასტონ მარტინ ვენტეჯ GTE-თი“ იასპარეზებს.

ჰამილტონის პრაქტიკები

Hamilton sets pace in Malaysia
23 მარტი
მალაიზიის დიდი პრიზის პირველ ორ თავისუფალ პრაქტიკაზე უსწრაფესი ლუის ჰამილტონი იყო. პირველ სესიაზე, მას ერთი საათი ეყო იმისათვის, რომ ყველა მეტოქე ნახევარ წამზე მეტით ჩამოეტოვებინა. მეორეზე სინოპტიკოსებმა ძლიერი წვიმა იწინასწარმეტყველეს, თუმცა მათი პროგნოზი არ გამართლდა, ჰამილტონმა კი ისევ ცხრილის სათავეში მოიკალათა. მართალია, ამჯერად მდევრებთან მისი უპირატესობა შემცირდა, მაგრამ ფაქტია, რომ ჯერჯერობით, სეპანგის ტრასაზე ის ბატონობს.


Thursday, March 22, 2012

ყველაზე სუსტი ყველაზე სწრაფია... (ვიდეო)

შეჯიბრი 1-მილიან (1.6 კმ) სწორზე;
მონაწილეები:
მერსედეს-ბენც SLR მაკლარენი (626 ცხ.ძ)
ნისან GT-R (560 ცხ.ძ)
ასტონ მარტინ DBS (750 ცხ.ძ)

ჰამილტონი მელბურნის რბოლას იხსენებს

Lewis Hamilton dismisses suggestions off-track issues are affecting him again
22 მარტი
ავსტრალიაში კვარცხლბეკზე ასული ლუის ჰამილტონი აშკარად გაწბილებული იყო თავისი მესამე ადგილით. მისი სახის გამომეტყველებიდან გამომდინარე, ბევრმა ჩათვალა, რომ ის ჯერაც ვერ ახერხებს თავის ემოციებთან გამკლავებას, რამაც გასულ სეზონში ბევრი პრობლემა შეუქმნა. ბევრი მიმომხილველის, მათ შორის დევიდ კულტჰარდის აზრით, ყოველივე იმის ნიშანია, რომ „მაკლარენში“ ახლა უპირატესობას ჯენსონ ბატონი ფლობს.

ორი თაობის "ბატმობილების" დრეგ-ჯახი (ვიდეო)

FIA-მ „მერსედესის“ უკანა ფრთა ისევ დაიცვა

FIA rejects claims that Mercedes's rear wing is illegal
22 მარტი
საერთაშორისო საავტომობილო ფედერაციამ (FIA) კიდევ ერთხელ დაადასტურა, რომ „მერსედესის“ მანქანის უკანა ფრთა არ არღვევს ტექნიკურ რეგლამენტს და მის გამო, „რედ ბულს“ და „ლოტუსს“ პრეტენზიები ტყუილად აქვთ. ამ ორ გუნდს, აღნიშნული საკითხის შესახებ განმარტების მიღება, მალაიზიის დიდ პრიზამდე სურდათ. ისინი თვლიან, რომ ფრთა, რომლის წყალობითაც, სარბოლო ავტომობილის სიჩქარე სწორ მონაკვეთებზე იზრდება, პილოტის მიერ იმართება და ამდენად, არალეგალურია.

„მერსედეს-ბენცი“ რეპლიკა ავტომობილებს დაერია

Mercedes-Benz Destroys Replica of the 300SL Gullwing in Germany after Winning Lawsuit
22 მარტი
ვინც არ იცის: რეპლიკა ავტომობილები წარსულის პოპულარული მოდელების თანამედროვე ვერსიებია, რომლებსაც პატარა ფირმები ამზადებენ და ორიგინალურ მოდელებზე გაცილებით იაფ ფასად ჰყიდიან. ასეთ მწარმოებელთა შორის, ერთ-ერთი ყველაზე პოპულარული ავტომობილია „მერსედეს-ბენც 300SL“, რომელიც ასევე თოლიას ფრთის (გალუინგ) მეტსახელითაა ცნობილი.

აირტონ სენას ფ1-ის პირველი მანქანა აუქციონზე გაიყიდება

Ayrton Senna's First F1 Racecar from 1984 Hits the Auction Block
22 მარტი
სარბოლი ავტომობილი, სახელად „ტოულმენ TG184-2“, რომლითაც ლეგენდარულმა აირტონ სენამ, 1984 წელს ფორმულა ერთში პირველი სეზონი გაატარა, მალე აუქციონზე გაიყიდება. აუქციონს, სახელწოდებით „სპრინგ სეილ“, 16 მაისს, სააუქციონო სახლი „სილვერსტოუნ უქშენზის“ მასპინძლობით ჩატარდება.

Wednesday, March 21, 2012

„მერსედეს-ბენც SL65 AMG“ - ახალი შტუტგარტელი მონსტრი

New Mercedes-Benz SL65 AMG Sports Bi-Turbocharged V12 with 621-Horses
21 მარტი
„მერსედის-ბენცის“ ორადგილიანი სუპერ ავტომობილი SL63 AMG, რომელიც 5.5-ლიტრიანი V8 წყვილ ტურბოიანი, 530-556-ცხენისძალიანი ძრავითაა აღჭურვილი, თავისი კლასის ლიდერად ითვლება. მაგრამ არიან ისეთი მყიდველები, ვისთვისაც ეს ავლა-დიდებაც კი ცოტაა და ისინი უფრო მეტს ითხოვენ. რას იზამ, რახან ითხოვენ, უნდა მიიღონ კიდეც - ეს ბაზრის კანონია. და სამქიმიანებმაც ამ მოთხოვნის დაკმაყოფილება გადაწყვიტეს.

„პორშე ბოქსტერს“ „ფოლკსვაგენის ქარხანაში გამოუშვებენ

Volkswagen to build new Porsche Boxster
21 მარტი
მართალია, „ფოლკსვაგენმა“ ჯერ ვერ მოახერხა თავის ოჯახში „პორშეს“ გაწევრიანება, მაგრამ ორ გერმანულ კომპანიას შორის ურთიერთობა სულ უფრო მყარდება. ამის მორიგი დასტურია ის ფაქტი, რომ ახალ „ბოქსტერს“ „ფოლკსვაგენის“ ოსნაბრუკის ქარხანა გამოუშვებს. ამის მთავარი მიზეზი ისაა, რომ „პორშეს“ ცუფენჰაუზენის ქარხნის სიმძლავრე სრულადაა ათვისებული და ის მოთხოვნებსაც კი ძლივს აკმაყოფილებს.

„ჰიუნდაი“ „სონატას“ და „ჯენეზისს“ განაახლებს

Hyundai CEO Says Redesigned Sonata Coming in 2014, Revamped Genesis Sedan in 2013
20 მარტი
სონატა
სააგენტო როიტერსთან საუბრისას, „ჰიუნდაი მოტორ კომპანის“ მთავარმა აღმასრულებელმა კიმ ჩუნ-ჰომ განაცხადა, რომ მისი კომპანია, საშუალო ზომის სედან „სონატას“ განახლებას 2014 წელს აპირებს. მანამდე კი ბაზარზე ასევე განახლებული, უფრო დიდი ზომის სედანი „ჯენეზისი“ გამოვა. ამასთან, ჩუნ-ჰოს არ დაუკონკრეტებია, ამ ორ ავტომობილს საფუძვლიანი ფეისლიფტინგი ელის, თუ მათი შემდეგი თაობის მოდელები მზადდება.

„სუბარუ BRZ-სა“ და „ტოიოტა GT 86-ზე“ შეკვეთების ბუმია

Subaru targets 100,000-unit goal for BRZ, Toyota GT 86 and Scion FR-S production
20 მარტი
რამდენიმე დღის წინ, „სუბარუმ“ თავის გუნმას ქარხანაში (ოტა სიტი, იაპონია) ორი უკანაამძრავიანი კუპეს - „სუბარუ BRZ-ის“ და „ტოიოტა GT 86-ის“ წარმოება დაიწყო. სპეციალურად ამ ორი ავტომობილისთვის და ახალი „სუბარუ იმპრეზასთვის“, რომლის წარმოებაც მერმისს დაიწყება, გუნმას ქარხანას მოდერნიზაცია ჩაუტარდა.

ჩინური მარყუჟი (ვიდეო)

ამ მრბოლის სახელია ლი იატაო (ჩინეთი), მანქანა „იონმან ლოტუს L5“ (იონმანი ის ჩინური კომპანიაა, რომელიც „სააბის“ ყიდვას ცდილობს). მარყუჟის დიამეტრია 19.6342 მეტრი. ავტომობილით ასეთი დიდი მარყუჟი ჯერ არავის გაუვლია. ლი იატაოს გინესის რეკორდების წიგნში მოხვედრის შანსი აქვს...

Tuesday, March 20, 2012

კარლოს გონმა „დაცუნის“ აღდგენა დაადასტურა

Carlos Ghosn Officially Confirms Rebirth of Datsun Brand in 2014, Reveals New Logo
20 მარტი
რამდენიმე კვირის წინ, ინტერნეტში გავრცელდა ინფორმაცია, რომლის თანახმადაც, „ნისანი“ თავისი მივიწყებული და ერთ დროს ძალიან პოპულარული ბრენდის, „საცუნის“ აღდგენას აპირებს. მაგრამ მაშინ ეს ინფორმაცია დადასტურებული არ იყო. და აი, „რენო-ნისანის“ ალიანსის  მთავარმა აღმასრულებელმა კარლოს გონმა ოფიციალურად განაცხადა, რომ „დაცუნს“ აღადგენს და საზოგადოებას მისი ახალი ლოგოც ოფიციალურად წარუდგინა.

რაიკონენი სეპანგზე კვარცხლბეკს უმიზნებს

Kimi Raikkonen sets sights on Sepang podium for Lotus
20 მარტი
კიმი რაიკონენი არ მალავს, რომ მალაიზიის დიდ პრიზზე, კვარცხლბეკზე ასასვლელად იბრძოლებს. მსოფლიოს 2007 წლის ჩემპიონი ორწლიანი პაუზის შემდეგ დაუბრუნდა ფორმულა ერთს და პირველივე რბოლაში, მიუხედავად იმისა, რომ კვალიფიკაციაზე ჩაფლავების გამო, სტარტი უკანა რიგებიდან აიღო, საბოლოოდ ფინიშთან მაინც ქულებში მოვიდა. რაც მთავარია, „ლოტუსის“ მანქანის ბრძოლისუნარიანობა, რომელიც პირველად ხერესის და ბარსელონას ტესტებზე გამოვლინდა, მელბურნის რბოლაში დადასტურდა.

„პორშე“ ჰიბრიდულ სუპერ ავტომობილ 918-ს პრემიერისთვის ამზადებს

Development of Porsche 918 supercar progressing nicely
20 მარტი
ამ ავტომობილმა ორი წლის წინ, ჟენევის მოტორ შოუზე, ნამდვილი ფურორი მოახდინა. მას უმალ უწოდეს 21-ე საუკუნის სუპერ ავტომობილი. გამოფენაზე მიღებულმა გამოხმაურებებმა „პორშეს“ ხელმძღვანელობა აღტაცებული დატოვა. იმდენად, რომ ამ ავტომობილის ბაზარზე გამოსაყვანად, მაშინვე დაისახა მეტად შემჭიდროებული გრაფიკი. ალბათ გაგახსენდათ - „პორშე 918“...

Monday, March 19, 2012

„ფიატმა“ მარკიონეს 19 მილიონი დოლარი გადაუხადა

Fiat Management to Meet with Italian Prime Minister to Discuss its Future
19 მარტი
„ფიატმა“ გამოაცხადა, რომ თავის მთავარ აღმასრულებელ სერჯო მარკიონეს (ფოტოზე) გასული წლის ხელფასის სახით, 14.5 მილიონი ევრო (დაახლოებით 19 მილიონი დოლარი) გადაუხადა. აქედან 2.45 მილიონი ევრო ნაღდი ფულით, 12.01 მილიონი კი აქციების სახით. სამაგიეროდ „კრაისლერისგან“, რომლის მტავარი აღმასრულებელიცაა, მარკიონეს ცენტიც არ მიუღია.

სამწლიანი რიგი „პაგანი ჰუაირაზე“

Pagani Huayra
19 მარტი
ასეთ ავტომობილებს მხოლოდ ერთეულები ყიდულობენ. ჯერ ერთი იმიტომ, რომ ძალიან ძვირი ღირს. მეორეც, ძალიან ცოტა მზადდება. იმდენად ცოტა, რომ ხანდახან მისი ყიდვის მსურველებს თვეების განმავლობაში რიგში დგომა უწევთ. ისეც ხდება ხოლმე, რომ ავტომობილის წაროება დაწყებული არაა, მასზე კი რიგები მაინც დგება.