Aston Martin Preparing LMP1 Race Car for 2011 Le Mans
26 სექტემბერი
მაგრამ კლასში გამარჯვება ვერანაირად ვერ შეედრება აბსოლუტურ გამარჯვებას. ჰოდა, ინგლისურმა კომპანიამაც, სპორტული პროტოტიპის დამზადეა გადაწყვიტა, რომლითაც მომავალ სეზონში, ”აუდი” და ”პეჟოს” დიზელისძრავიან მონსტრებს შეეცილება.
კომპანიის ინჟინრებმა ახალ სარბოლ ავტომობილზე მუშაობა სუფთა ფურცლიდან დაიწყეს. ის ღიაძარიანი სარბოლი პროტოტიპი იქნება და მონოკოკურ შასის დაეყრდნობა. უკვე ცნობილია ისიც, რომ მის ბაზაში ბენზინზე მომუშავე შიდაწვის ძრავს ჩადგამენ, რომელსაც ”ასტონ მარტინი” სპეციალურად, ამ სარბოლი მანქანისთვის შექმნის.
”ბოლო წლებში, ლე მანზე ბენზინის ძრავის მქონე მანქანებით, დიზელისძრავიანებთან გამკლავება პრაქტიკულად შეუძლებელია. მაგრამ მომავალ სეზონში, რეგლამენტი დიზელის ძრავებისთვის გარკვეულ შეზღუდვებს აწესებს. ამიტომ, ჩვენ იმედი გვაქვს, რომ სპეციალურად ლე მანისთვის შექმნილი შასითა და ძრავით, გამარჯვებისთვის ბრძოლას შევძლებთ”, - ამბობს კომპანიის მთავარი აღმასრულებელი დევიდ რიჩარდსი.
უნდა ითქვას, რომ ლე მანზე ტრიუმფის შემდეგ, ”ასტონ მარტინს” სპეციალურად რბოლებისთვის, მანქანები აღარ შეუქმნია. კარგა ხანს, ამ კომპანიას ისიც აკმაყოფილებდა, რომ სუპერაგენტ ჯეიმს ბონდს ფილმებში უწევდა პარტნიორობას. მაგრამ დრო შეიცვალა. ბონდმა რამდენჯერმე სხვა მანქანით ნავარდი არჩია, ”ასტონი” კი წარმოების გაფართოებას აპირებს და ბუნებრივია, რეკლამის დამატებითი რესურსი ესაჭიროება. ასეთად კი, რბოლების დიდმა მოყვარულმა რიჩარდსმა (თავადაც ყოფილმა მრბოლმა) თავისი კომპანიის ლე მანზე გაყვანა გადაწყვიტა (რა თქმა უნდა, არა ერთპიროვნულად).
