Thursday, October 6, 2011

”სუბარუს” კონცეპტუალური კუპე ისევ გამჭვირვალეა

”სუბარუ” და ”ტოიოტა” ერთობლივად მუშაობენ ახალ კუპეზე, რომლის სერიულ ვერსიასაც დებიუტი მეტისმეტად გაუჭიანურდა. თუ ”ტოიოტა” გამოფენებზე (ფრანკფურტი ამ მხრივ მეხუთეა) ამ ავტომობილის საკუთარი ვერსიის მხოლოდ გარეგნობით იწონებს ხოლმე თავს, ”სუბარუ” რატომღაც კუპეს მხოლოდ ჭრილში გვიჩვენებს და ახალი ავტომობილის მხოლოდ კონტურებს გამოსახავს. რეალურ ავტომობილს კი გამოჩენის პირი კვლავ არ უჩანს.

”კადილაკ სიელი” - გავიხსენოთ ”ელდორადო”

როგორც წესი, ”ჯენერალ მოტორსის” პრემიუმ სეგმენტის ბრენდ ”კადლაკს” ევროპულ გამოფენებზე აქტიურობა არ ახასიათებს, მაგრამ ამჯერად ასე არ მოხდა. მის სტენდზე კი ის კონცეპტუალური ავტომობილი ვიხილეთ, რომელმაც ფრანკფურტამდე ორიდ თვით ადრე, დიდი აჟიოტაჟი გამოიწვია.

კონცეპტუალური ”აუდი A2” - ელექტრომობილი ლაზერით

იქით ”მერსედესის” წყალბადის ბომბი, აქეთ ”აუდის” ლაზერიანი ელექტრომობილი... არა, მესამე მსოფლიო ომს გერმანელები არ აპირებენ. ფაქტი ისაა, რომ როგორც იქნა, ინგოლშტადტელებმა A2-ის კონცეპტუალური დიზაინი გვაჩვენეს, რომელმაც სპეციალისტთა მოწონება დაიმსახურა. ისიც უნდა ითქვას, რომ ამ ავტომობილი მომზადებისას, მასში ბევრი არასერიული ტექნოლოგია გამოიყენეს, რისი მიზანიც, ყურადრების მიქცევა იყო.

ხორვატული სუპერ ელექტრომობილი


”რიმაკ აუტომობილი” - ასე ჰქვია ხორვატულ კომპანიას, რომელმაც ფრანკფურტის შოუზე ელექტრონული სუპერ ავტომობილი, სახელად ”კონცეპტ ვან” წარადგინა. დიდი კომპანიებისგან განსხვავებით, რომლებსაც საგამოფენო კომპლექსის საუკეთესო ადგილები ჰქონდათ დაქირავებული, ხორვატები სათადარიგო ნაწილების მწარმოებლების სექტორის უკან იყვნენ შეყუჟულნი, თუმცა მათმა ქმნილებამ დიდი აჟიოტაჟი კი გამოიწვია.

”აუტო ავიო კოსტრუციონი” – ”ფერარის” დასაწყისი

6 ოქტომბერი
საავტომობილო სამყაროს სიამაყეს, სპორტული და სარბოლი ავტომობილების მწარმოებელ იტალიურ კომპანია ”ფერარის” საკმაოდ წინააღმდეგობრივი დასაწყისი ჰქონდა. ენცო ფერარიმ თავისი მოღვაწეობა ჯერ კიდევ 1920-იან წლებში დაიწყო. თავიდან ის მხოლოდ მრბოლი იყო, შემდეგ კი, ”ალფა რომეოს” სარბოლი გუნდი ჩამოაყალიბა, სახელად ”სკუდერია ფერარი” და გარდა იმისა, რომ მის საქმეებს უძღვებოდა, თავადაც რბოლებში მონაწილეობდა.

მონსტრი უწყინარი პატარას ბაზაზე

Romeo Ferraris Preparing Insane Fiat 500 Abarth with 300-Horses

6 ოქტომბერი
არცთუ შორეულ წარსულში, 300 ცხენის ძალა ძრავის სიმძლავრის ის ზღვარი იყო, რომელსაც სუპერ ავტომობილები თუ აღწევდნენ. 1989 წელს, ”ბეემვემ” 300-ცხენისძალიანი V12-ით აღჭურვილი 850i გამოუშვა და ყველა აღტაცებული დატოვა. იმავე წელს, ”ფერარიმ” 348-ს წარმოება დაიწყო, რომლის V8 ასევე 300 ცხენის ძალას იძლეოდა. ”ფორდ მუსტანგის” ერთ-ერთი ყველაზე პოპულარული ვერსია GT კი 2009 წლამდე 300-ცხენისძალიანი V8 აგრეგატით იყო აღჭურვილი.