ავტო პანორამა

”აუდი” ახალი A2-ის გაყიდვას 2012 წელს დაიწყებს

New Audi A2 due in 2012

8 მაისი

ბრიტანულ გამოცემა ”ავტოქარის” მიერ გავრცელებული ინფორმაციით, ”აუდი” წარმოებისთვის თვის ჰეჩბეკ A2-ის ახალი თაობის ავტომობილს ამზადებს. წინასწარი მონაცემებით, გერმანული კომპანია უარს იტყვის ალუმინის ძარაზე, რაც ავტომობილს ძალიან აძვირებს. ახალი A2 ფოლადის ფურცლებისგან დამზადდება.

”ავტოქარი” დასძენს, რომ ახალი ავტომობილის დიზაინი შემუშავების პროცესშია. არადა, ”აუდის” დირექტორთა საბჭოს წევრ მაიკლ დიკს, ვინც ტექნიკურ საკითხებს კურირებს, ნათქვამი აქვს, რომ პროექტი უკვე შემუშავებულია და კომპანიის ხელმძღვანელობას განსახილველად უკვე წარუდგინეს.

ინგლისური ჟურნალის ვარაუდით, ახალი ავტომობილი გარეგნულად პირველი თაობის A2-ს დაემსგავსება და ის ”აუდი A1-სა” და ”ფოლკსვაგენის” მიკროლიტრაჟიან Up!-ზე დიდი იქნება.

გერმანული კომპანია ახალ A2-ზეც იმავე (ბენზინის და დიზელის) აგრეგატებს გამოიყენებს, რომლებითაც A1-ია აღჭურვილი. გარდა ამისა, წარმოებისთვის A2-ის ელექტრონული ვერსიაც მზადდება. სავარაუდოდ, ელექტრომობილი A2-ის დებიუტი მის შიდაწვისძრავიან ვერსიებთან ერთად შედგება.

ცნობისათვის, პირველი თაობის A2-ის წარმოება ”აუდიმ” 2005 წელს შეწყვიტა. ამის მიზეზი ავტომობილის არაპოპულარობა იყო. არაპოპულარობას კი მისი სიძვირე და ალუმინის ძარის რემონტის სირთულე განაპირობებდა. ”აუდი” ჰეჩბეკ A2-ს მხოლოდ ექვსი წელი აწარმოებდა და ამ პერიოდში ის მხოლოდ 175 000 ცალი გაყიდა.