Tuesday, January 18, 2011

ოქროს ”ფიატ ჩინკვეჩენტო” ჩინელმა შეიძინა

Chinese Man Commissions US$666,000 Gold Trimmed Fiat 500

18 იანვარი

იტალიურმა სატუნინგო კომპანია ”ფენიჩე მილანომ” დაამზადა ”ფიატ ჩინკვეჩენტოს” ექსკლუზიური ვერსია, რომელშიც ჩინელმა ბიზნესმენმა 550 ათასი ევრო გადაიხადა. საქმე ისაა, რომლის მოდიფიცირებულ ვერსიას, რომელსაც სახელად ”ლა დოლჩე ვიტა გოლდ ენდ დაიმონდსი” უწოდეს, ძარის ოქროთი მოპირკეთებული დეტალები აქვს.
ავტომობილის ძარა თეთრადაა შეღებილი, საღებავში კი 999 სინჯის ოქროს მტვერი შეურიეს. გარდა ამისა, ოქროთია მოვარაყებული ბორბლები, კარის სახელურები, ზღურბლები და სხვა ელემენტები. სალონი სპილოს ძვლის ფერის ტყავით, ალკანტრით და ღია ფერის ხითაა გაწყობილი.
მოოქროვილი ავტომობილი ”ფიატ 500 კონვერტაიბლ აბარტზეა” ბაზირებული. არავის დაუზუსტებია, რატომ, მაგრამ ყველა მოოქროვილი დეტალი, 24 კარატი ოქროთია დაფარული. ძარის ერთადერთი ნაწილი, რომელსაც არც ოქროშერეული საღებავი შეეხო და არც მოქროვილია, არის შავი რბილი სახურავი.

რადიკალურადაა შეცვლილი ინტერიერი. იატაკის ხალიჩა ხის საფენითაა შეცვლილი. ხისაა საჭის რგოლიც, რომელსაც ზოგიერთი დეტალი მოოქროვილი ლითონისა აქვს.ხისგან დამზადდა ხელსაწყო-მაჩვენებლების პანელიც. სამართავ მოწყობილობას მოოქროვილი არშია აქვსპანელის ცენტრში კი ”ეპლის” მოზრდილი ”აიპადია” მოთავსებული, რომელიც ადვილად იხსნება. ყველაზე საინტერესო ისაა, რომ ისიც ოქროთი მოარშიებულ ჩარჩოშია ჩასმული, მაგრამ როცა ფოსოდან ამოიღებთ, კიდევ უფრო გაკვირვებული დარჩებით - კომპიუტერს ზურგის მხარეს, ზედა ნაწილში, ბრილიანტის თვლებისგან შემდგარი ზოლი აქვს, ”ეპლის” ემბლემა - მოკბეჩილი ვაშლიც, ბრილიანტებითაა გაწყობილი. ბრილიანტებთან დაკავშირებული სამუშაოები, ინგლისელმა დიზაინერმა სტიუარტ ჰიუზმა შეასრულა.

გაუმჯობესდა ავტომობილის აღჭურვილობაც. ძრავზე ახალი ტურბინა დააყენეს, შეიცვალა გამოსაბოლქვი სისტემა და ძრავის სამართავი კომპიუტერული პროგრამა. ყოველივეს შედეგად, 1.4-ლიტრიანი აგრეგატის სიმძლავრე 140-დან 200 ცხენის ძალამდე გაიზარდა. გარდა ამისა, ოქროში ჩასმული ”ჩინკვეჩენტო” ”ბრემბოს” მუხრუჭებით და სპორტული საკიდარით აღჭურვეს.

No comments:

Post a Comment