ბატონმა ორივე პრაქტიკა მოიგო

Button fastest while Vettel crashes

7 ოქტომბერი

იაპონიის დიდი პრიზის პარასკევის თავისუფალი პრაქტიკები ჯენსონ ბატონის დომინაციით აღინიშნა. სებასტიან ფეტელს კი, ვისაც მეორე ტიტულის მოსაპოვებლად ერთადერთი ქულაღა სჭირდება, ავარია მოუვიდა. ბატონი ერთადერთი პილოტია, ვისაც ფეტელისთვის ტიტულის მოპოვებაში ხელის შეშლა თეორიულად შეუძლია. თუმცა, ეს არარეალურია, რადგან ფეტელმა დარჩენილ ხუთ რბოლაში ქულის აღებაც რომ შეძლოს, ძნელი წარმოსადგენია, ბატონმა ყველა მოიგოს. ასეა თუ ისე, ოქროს წერტილის დასასმელად, ფეტელს ერთი მეათე ადგილიც ჰყოფნის.

მთელი სეზონის განმავლობაში, ფეტელს შეცდომები იშვიათად მოსდის, ერთ-ერთი მათგანი კი სწორედ სუძუკაზე, პირველ თავისუფალ პრაქტიკის მიწურულს, მოსახვევში დეგნერ 1, შესვლისას დაუშვა. მან თავის ”რედ ბულზე” კონტროლი დაკარგა, დამცავ ზონაში შევარდა და რბოლა საბურავების ზოლში დაასრულა, რის შემდეგაც მაყურებლებში გადაინაცვლა.

ფეტელი ავარიის შემდეგ

”შეცდომა დავუშვი, მაგრამ კარგად არ ვიყავი გამოფხიზლებული და ეს ამის ბრალია. არადა, ინციდენტი შეიძლებოდა ძვირადაც დამჯდომოდა. მანქანაზე კონტროლი დავკარგე და რაც შემეძლო, დავამუხრუჭე, თუმცა საბურავების კედელს მაინც დავეჯახე”, - ყვება ფეტელი, ვისაც ორივე სესიის შეჯამებით, მესამე საუკეთესო შედეგი აქვს. სხვათა შორის, სუძუკაზე წინა ორი რბოლა, ფეტელს პოულიდან აქვს მოგებული. ამასთან, უკვე ერთი წელია, რბოლა ქულის გარეშე არ დაუსრულებია.

ბატონმა განაცხადა, რომ სუძუკაზე რბოლა ყოველთვის სიამოვნებს, განსაკუთრებით კი კარგ ამინდში. მანქანა კარგად მუშაობს, თუმცა თავისუფალი პრაქტიკები ძალთა რეალურ განლაგებას არ გვიჩვენებს. უფრო რეალურ სურათს კვალიფიკაცია მოგვცემს”, - ამბობს ბატონი, ვინც თავის იაპონელი გერლფრენდის გამო, იაპონურ ეტაპს მეორე საშინაო რბოლად თვლის.

პირველ სესიაზე ბატონს მცირედით ჩამორჩა მისი თანაგუნდელი ლუის ჰამილტონი, მეორე სესიაზე მან საკუთარი შედეგი მცირედითღა გააუმჯობესა და მერვე ადგილამდე ჩამოქვეითდა. მეხუთე და მეოთხე შედეგებს დასჯერდა ფეტელის თანაგუნდელი მარკ უებერი.

მეორე სესიის შუაწელში, იმავე დეგნერ 1-ში, ბრაზილიელი რუბენს ბარიკელოც შეცდა. მისი მანქანა შემოტრიალდა და იმავე საბურავების კედელს კუდით, გაცილებით ძლიერად შეეჯახა, ვიდრე ფეტელის ”რედ ბული”. თუმცა, საბედნიეროდ, ინციდენტი ამჯერადაც ტრავმის გარეშე დასრულდა.

იაპონიის დიდი პრიზი

პირველი თავისუფალი პრაქტიკა

1. ჯენსონ ბატონი (ბრიტანეთი, მაკლარენი)               1:33.634

2. ლუის ჰამილტონი (ბრიტანეთი, მაკლარენი)         1:33.725

3. სებასტიან ფეტელი (გერმანია, რედ ბული)            1:34.090

4. ფერნანდო ალონსო (ესპანეთი, ფერარი)                 1:34.372

5. მარკ უებერი (ავსტრალია, რედ ბული)                    1:34.426

6. ხაიმე ალგერსუარი (ესპანეთი, ტორო როსო)          1:34.937

7. ფელიპე მასა (ბრაზილია, ფერარი)                            1:35.585

8. სებასტიან ბუემი (შვეიცარია, ტორო როსო)            1:35.590

9. მიხაელ შუმახერი (გერმანია, მერსედესი)               1:36.033

10. ვიტალი პეტროვი (რუსეთი, რენო)                         1:36.370

11. ბრუნო სენა (ბრაზილია, რენო)                                1:36.487

12. ნიკო ჰულკენბერგი (გერმანია, ფორს ინდია)        1:36.700

13. კამუი კობაიაში (იაპონია, ზაუბერი)                       1:36.948

14. პოლ დი რესტა (ბრიტანეთი, ფორს ინდია)          1:36.949

15. სერხიო პერესი (მექსიკა, ზაუბერი)                         1:37.103

16. ნიკო როსბერგი (გერმანია, მერსედესი)                 1:38.197

17. რუბენს ბარიკელო (ბრაზილია, უილიამსი)          1:38.331

18. პასტორ მალდონადო (ვენესუელა, უილიამსი)    1:38.446

19. იარნო ტრული (იტალია, ლოტუსი)                        1:39.168

20. კარუნ ჩანდჰოკი (ინდოეთი, ლოტუსი)                 1:39.946

21. ტიმო გლოკი (გერმანია, ვირჯინი)                          1:40.872

22. ჟერომ დ’ამბროზიო (ბელგია, ვირჯინი)                1:41.019

23. დანიელ რიკიარდო (ავსტრალია, ისპანია)            1:41.106

24. ნარაინ კართიკეიანი (ინდოეთი, ისპანია)             1:41.775

მეორე თავისუფალი პრაქტიკა

1. ჯენსონ ბატონი (ბრიტანეთი, მაკლარენი)               1:31.901

2. ფერნანდო ალონსო (ესპანეთი, ფერარი)                 1:32.075

3. სებასტიან ფეტელი (გერმანია, რედ ბული)            1:32.095

4. მარკ უებერი (ავსტრალია, რედ ბული)                    1:32.147

5. ფელიპე მასა (ბრაზილია, ფერარი)                            1:32.448

6. მიხაელ შუმახერი (გერმანია, მერსედესი)               1:32.710

7. ნიკო როსბერგი (გერმანია, მერსედესი)                   1:32.982

8. ლუის ჰამილტონი (ბრიტანეთი, მაკლარენი)         1:33.245

9. ვიტალი პეტროვი (რუსეთი, რენო)                           1:33.446

10. სებასტიან ბუემი (შვეიცარია, ტორო როსო)          1:33.681

11. ხაიმე ალგერსუარი (ესპანეთი, ტორო როსო)        1:33.705

12. ადრიან სუტილი (გერმანია, ფორს ინდია)             1:33.790

13. სერხიო პერესი (მექსიკა, ზაუბერი)                         1:34.393

14. ბრუნო სენა (ბრაზილია, რენო)                                1:34.557

15. პოლ დი რესტა (ბრიტანეთი, ფორს ინდია)          1:34.601

16. კამუი კობაიაში (იაპონია, ზაუბერი)                       1:36.038

17. ჰეიკი კოვალაინენი (ფინეთი, ლოტუსი)                1:36.225

18. რუბენს ბარიკელო (ბრაზილია, უილიამსი)          1:37.123

19. ტიმო გლოკი (გერმანია, ვირჯინი)                          1:37.440

20. ჟერომ დ’ამბროზიო (ბელგია, ვირჯინი)                1:38.093

21. პასტორ მალდონადო (ვენესუელა, უილიამსი)    1:38.387

22. დანიელ რიკიარდო (ავსტრალია, ისპანია)            1:38.763

23. იარნო ტრული (იტალია, ლოტუსი)                        1:39.800

24. ვიტანტონიო ლიუცი (იტალია, ისპანია)                1:42.480