Monster Tajima’s Pikes Peak EV Racer Revealed
22 მაისი
ნობუჰირო ტაძიმას პაიკს პიკი არაერთხელ (ექვსჯერ) აქვს
დაპყრობილი, შარშან კი ამ ლეგენდარული სამთო რბოლის რეკორდიც დაამყარა - გახდა
პირველი მრბოლი, ვინც ფინიშს ათ წუთზე ნაკლებში მიაღწია. შარშან მისი ბედაური „სუძუკის“
900-ცხენისძალიანი მონსტრი იყო. სწორედ შარშანდელი ტრიუმფის შემდეგ გადაწყვიტა,
რომ მომდევნო რბოლაში სპეციალურად მომზადებული ელექტრომობილით გამოსულიყო.
თანაც, ელექტრომობილით, რომელიც სპეციალურად, ამ
რბოლისთვის მისმა გუნდმა და ელექტრომობილების ბაზარზე წამოწევის ასოციაციამ
შეიმუშავეს, თავისივე რეკორდის გაუმჯობესებას ეცდება.
ახლახანს ამ ელექტრომობილის (მისი სახელია სპორტ E-რანერი)
პრეზენტაცია ჩატარდა. რატომღაც, ტაძიმამ, ვინც სპორტის სამყაროში „მონსტრის“ მეტსახელითაა
ცნობილი, თავისი საბრძოლო კვიცის მახასიათებლები დაგვიმალა. თუმცა ის კი ვიცით,
რომ ავტომობილის ძარა და შასი კარბონის კომპოზიტის ნაწარმია. თანაც, ავტომობილმა
აეროდინამიკურ მილში არაერთი საათი გაატარა.
რაც მთავარია, „მონსტრის“ ელექტრომობილს, თავის
შიდაწვისძრავიან მეტოქეებთან ერთი სოლიდური უპირატესობა აქვს - ის არ „სუნთქავს“.
ანუ, პაიკს პიკის მთაზე, რომელიც ზღვის დნიდან 2862 მეტრზე მდბარეობს, არსებული
გაუხშოებული ჰაერი, მის ძრავს არ „მოგუდავს“. ამ ეფექტს აძლიერებს ის ფაქტიც, რომ
სტარტისა და ფინიშის წერტილებს შორის სიმაღლეთა შორის სხვაობა 1439 მეტრია. ანუ,
სტარტის ადგილის პირობებში მომართული შიდაწვის ძრავი, ფინიშთან გაცილებით ნაკლებად
ეფექტურად მუშაობს.
ელექტრომობილის უპირატესობა ისიცაა, რომ მაქსიმალურ
მაბრუნ მომენტს დატრიალებისთანავე იძლევა, რასაც მოსახვევებში ექნება მნიშვნელობა.
ამასთან, არც სვლის სიშორეა პრობლემა, რადგან რბოლის დისტანცია მხოლოდ 19.99 კილომეტრია.
ანუ, ლითიუმ-იონური ელემენტების ტევადობა სრულიად საკმარისი იქნება იმსიათვის, რომ
„მონსტრმა“ ელექტროძრავებისგან მაქსიმუმი გამოწუროს...
პაიკს
პიკის წლევანდელი რბოლა 3-8 ივნისს ჩატარდება.
ვიდეო
No comments:
Post a Comment