„ალფა რომეომ“ ვილა დ’ესტეს ელეგანტურობის კონკურსი მოიგო

Alfa Romeo takes top honors at Villa d'Este

30 მაისი

იტალიაში, ტბა კომოს სანაპიროზე არსებულ ვილა დ’ესტეში, „ბეემვეს“ სპონსორობით ჩატარდა ტრადიციული ელეგანტურობის კონკურსი, რომელიც „ალფა რომეოს“ ტრიუმფით დაგვირგვინდა. კონკურსის მთავარი ჯილდო, 1933 წელს გამოშვებულმა კუპე „ალფა რომეო 6C 1750 GS-ს“ ერგო, რომელსაც ძარა ფირმა „ფიგონიმ“ დაუმზადა.

მე-11 სერიის კუპე, რომელიც თავისი გარეგნობის გამო, თავისუფლად შეიძლება „ბუგატის“ იმავე პერიოდის ავტომობილი გეგონოთ, მილანელებმა პირველად პარიზის 1933 წლის ავტო შოუზე წარადგინეს. ამ ავტომობილს არაერთი ჯილდო აქვს მოგებული. ვილა დ’ესტეში კი, მთავარი პრიზის გარდა, რომელიც კონკურსზე ჟიურისგანაც მიიღო და საზოგადოებისგანაც, კიდევ ერთი აღიარება დაიმსახურა - მის პატრონს პრესტიჟული კოპა დ’ორო, ანუ ოქროს თასიც გადაეცა.

კლასიკური 6C „ალფა რომეოს“ ერთადერთი ავტომობილი არაა, რომელმაც კონკურსზე აღიარება დაიმსახურა. კონცეპტუალური ავტომობილების კატეგორიაში, საუკეთესოდ „ალფა რომეო 4C“ დაასახელეს. ეს ავტომობილი პირველად მილანელებმა ჟენევის ჟენევის მოტორ შოუზე, შემდეგ კი ფრანკფურტის შოუზეც წარადგინეს. კონცეპტუალური ავტომობილების კატეგორიაში (აქ საუკეთესოს საზოგადოება) მან უკენ მოიტოვა კონკურსის ისეთი გამორჩეული ვარსკვლავები, როგორებიცაა „ასტონ მარტინ AM310“ და „ბეემვე ძაგატო კუპე“. „ალფასგან“ განსხვავებით, ეს ორი ავტომობილი ავტოსამყარომ პირველად იხილა.