BMW X4 Concept Coming to 2013 Detroit Auto Show
13 ნოემბერი
წლის დასაწყისში, „ბეემვეს“ მთავარმა აღმასრულებელმა
ნორბერტ რაიტჰოფერმა დაადასტურა, რომ მისი კომპანია სპორტულ ქროსოვერ X4-ს
გამოშვებას გეგმავს და მისი წარმოებისთვის აშშ-ის ქალაქ სპარტანბურგის ქარხანაა
გამოყოფილი. მაგრამ წარმოების დაწყების დრო არ დაუსახელებია.
ახლახანს კი ბრიტანულმა გამოცემა „ავტოუიკმა“
გაავრცელა ინფორმაცია იმის შესახებ, რომ „ბეემვე“ კონცეპტუალურ X4-ს დეტროიტის
საერთაშორისო ავტოსალონზე წარადგენს. ამასთან, შოუს დამთვალიერებელი, ფაქტობრივად
წინასერიულ, წარმოებისთვის მომზადებულ ავტომობილს იხილავს. იმავე გამოცემის
ინფორმაციით, ამ ავტომობილის წარმოებას ბავარიელები 2014 წელს დაიწყებენ.
„ავტოუიკისვე“ ინფორმაციით, ახალი ავტომობილი
ქროსოვერ X3-ის პლატფორმაზეა შემუშავებული და მისგანვე მიიღებს ძრავების სრულ
გამას. შეიძლება ითქვას, რომ X4 იქნება X3-ის სპორტული ვარიანტი. რა თქმა უნდა,
მისი დებიუტიდან მოკლე ხანში, ბაზარზე გამოჩნდება X4-ის M-ვერსია, რომელიც
3.0-ლიტრიანი ექვსცილინდრიანი (ცილინდრების ერთრიგა განლაგებით) ტურბოძრავით
აღიჭურვება. ამ ძრავს ბავარიელები ამჟამად სედან M3-ის და კუპე M4-სთვის ქმნიან.
გარდა
ამისა, მყიდველს ასევე დიზელისძრავიან M-ვერსიასაც შესთავაზებენ. კერძოდ, ეს
ავტომობილი, 3.0-ლიტრიანი ექვსცილინდრიანი (ცილინდრების ერთრიგა განლაგებით),
სამტურბოიანი დიზელის იძრავის დეფორსირებული ვერსიით აღიჭურვება, რომლის
სიმძლავრეც ამჟამად 381 ცხენის ძალაა.
No comments:
Post a Comment