ეს ავტომობილი მხოლოდ ევროპული ბაზრისთვის შექმნილი აღარაა. თავიდან იქნებ, მისი მისია სწორედ ძველ კონტინენტს არ სცილდებოდა, მაგრამ შემდეგ ის ამერიკაშიც გაიტანეს და მართალია, იქ მყიდველს ”ელანტრა ტურინგის” (ტურინგ - სამოგზაურო) სახელით შესთავაზეს, მაგრამ ამის მიუხედავადაც, გლობალურ მოდელად იქცა. ახლაც, ფრანკფურტულ პრემიერაზე, ”ჰიუნდაიმ” გამოაცხადა, რომ ახალ i30-საც ამერიკის გზას აუცილებლად გაუყენებენ. და, რა თქმა უნდა, ისევ იმ სახელით.
ამგვარად, ელეგანტურ ”ელანტრას”, ხუთკარიანი ჰეჩბეკის სახით, თავისი შესაფერის ამფსონი გამოუჩნდა, რომელთან ერთადაც, ბაზარზე მედგრად შეუტევს ისეთ კერკეტ კაკლებს, როგორებიცაა ”ფორდ ფოკუსისა” და ”მაზდა3-ის” ტანდემი. შეგახსენებთ, რომ ეს ორი ავტომობილიც ერთსადაიმავე პლატფორმას ეყრდნობა.
No comments:
Post a Comment