„ჰიუნდაის“ ორი მოდელი „კონსამერ რიპორტსის“ ტოპ ათეულში

2011 top 10 most popular new and used cars on Consumer Reports

27 დეკემბერი

გასული წელი საავტომობილო სამყაროში თავისუფლად შეიძლება ჩაითვალოს „ჰიუნდაის“ წლად – კორეულმა კომპანიამ აბსოლუტურად ყველა ბაზარზე, მნიშვნელოვნად გაზარდა გაყიდვები. განსაკუთრებულ წარმატებებს კი ამერიკაში მიაღწია, სადაც ისეთ ისეთ ძლიერ კონკურენტსაც კი ავიწროებს, როგორიც „ტოიოტაა“.

მართალია, იაპონურ კომპანიას ჯერ მიწისძვრა/ცუნამიმ მიაყენა გამანადგურებელი დარტყმა, შემდეგ კი ამას ტაილანდის არნახულად ძლიერმა და ხანგრძლივმა წყალდიდობაც შეუტია. მაგრამ „ჰიუნდაის“ სასახელოდ უნდა ითქვას, რომ მისი ავტომობილები მომხმარებლებს შორის უკვე მარტო სიიაფით კი არ სარგებლობს პოპულარობით, არამედ ხარისხითაც და აღჭურვის დონითაც.

ამის შედეგი კი ისაა, რომ ავტომობილებისა და მათი მწარმოებლების ისეთ ავტორიტეტულ რეიტინგში, რომელსაც საკონსულტაციო და სარეიტინგო კომპანია „კონსალტინგ რიპორტსი“ აქვეყნებს ხოლმე. ახლახანს გამოქვეყნებულ რეიტინგში, კორეული კომპანიის ორ ავტომობილს – „ელანტრას“ და „სონატას“ მოწინავე ათეულში უკავია ადგილი.

ცნობისათვის, რეიტინგის შედგენისას, „კონსამერ რიპორტსის“ ანალიტიკოსები, მათ მიერ ჩატარებული ტესტების შედეგებს ითვალისწინებენ. ამ რეიტინგს კი მყიდველი, სასურველი ავტომობილის შერჩევისას იყენებს. ამიტომ, რეიტინგის მოწინავეთა შორის ყოფნა, კონკრეტული ბრენდის თუ მოდელის გაყიდვების ზრდას უწყობს ხელს.

აღსანიშნავია, რომ წლევანდელი რეიტინგის მოწინავე ათეულში მხოლოდ ერთი ამერიკული ავტომობილი – „ფორდ ფიუჟნ ჰიბრიდია“ შესული. ამერიკულ კომპანიათაგან, ნახმარი მანქანების რეიტინგის პირველ ათეულშიც, ამერიკული კომპანიებისგან ერთადერთი ავტომობილი შევიდა და ესეც „ფორდის“ წარმოების „ისკეიპია“.

2011 წლის ყველაზე პოპულარული ახალი ავტომობილები

ჰიუნდაი ელანტრა

სუბარუ ფორესტერი

ჰონდა CR-V

ფორდ ფიუჟნ ჰიბრიდი

ტოიოტა ჰაილენდერ V6

ტოიოტა RAV4 V6

სუბარუ აუტბეკი 2.5i

ჰიუნდაი სონატა

ტოიოტა პრიუსი

აკურა MDX

2011 წლის ყველაზე პოპულარული ნახმარი ავტომობილები

ჰონდა სივიკი

ჰონდა აკორდი

ჰონდა CR-V

აკურა MDX

ჰონდა პაილოტი

სუბარუ ფორესტერი

ტოიოტა ქემრი

ტოიოტა ჰაილენდერი

ტოიოტა RAV4

ფორდ ისკეიპი