დათა ქაჯაია ევროპული ლეგენდების ლიდერია

11 ივნისი

მარცხნიდან: MIA ფორსის გუნდის უფროსი მამუკა ჟორჟოლაძე,
დათა ქაჯაია და კოტე კოლიაშვილი

ბელგიის სპა ფრანკორშანზე მოპოვებული მესამე ადგილი საკმარისი გამოდგა იმისათვის, რომ დათა ქაჯაია ლეგენდის კლასის თასის გათამაშების ევროპის ეროვნებათა სერიის ლიდერი გამხდარიყო.

ქართველმა მრბოლმა, რომელიც თანაგუნდელ კონსტანტინე კოლიაშვილთან ერთად, ქართულ გუნდ „MIA ფორსის“ (საქართველოს შინაგან საქმეთა სამინისტროს სპორტული კლუბი) შემადგენლობაში ასპარეზობს, სეზონის მეოთხე ეტაპიც მაღალ დონეზე ჩაატარა და მართალია, ამჯერად კვარცხლბეკის მესამე საფეხური დაიკავა (რბოლის უსწრაფესი წრეც აჩვენა), თუმცა ეს საკმარისი აღმოჩნდა იმისათვის, რომ საერთო ჯამში, ლიდერი გამხდარიყო. ამაში ხელი იმანაც შეუწყო, რომ ბელგიურ ეტაპზე არ უასპარეზია მის მთავარ მეტოქე რუდი სერვოლს.

კოლიაშვილის ავარია

სამაგიეროდ, ქაჯაიასთვის ეტაპი დანავსულად დაიწყო - პირველ მოკლე რბოლაში მას ფინიშამდე მისაღწევად საწვავი არ ეყო. ამის გამო, მან მე-20 ადგილზე მიიღო კლასიფიკაცია. სამაგიეროდ, მეორე სპრინტი მეორე ადგილზე დაასრულა და მთავარ რბოლაში მესამე ადგილი დაიკავა. ოთხი ეტაპის შემდეგ, დათა 6.5 ქულას უგებს კლოდ ვატეინს, თუმცა ისიც უნდა აღინიშნოს, რომ პირველ სპრინტში მომხდარი გაუგებრობა რომ არა, მისი უპირატესობა გაცილებით სოლიდური იქნებოდა.
რაც შეეხება კოლიაშვილს, მას ამჯერადაც ტაიმერმა უმუხთლა. მანამდე კი, პირველი სპრინტი მე-13 ადგილზე დაასრულა, მეორეში კი თვით ვატეინსა და მანე ვიგნიევიჩს გაასწრო, მაგრამ მოსახვევის გავლისას, მას ვატეინი დაეჯახა და მანქანა დაუზიანა... დიდ რბოლაში კი, ყველაფერი ზუსტად ისე მოხდა, როგორც დიჟონ პრენუას რბოლისას. ქართველს კვარცხლბეკზე ასვლის რეალური შანსი ჰქონდა, მაგრამ ორწუთიანი პიტ სტოპის დროს, ისევ მისმა ტაიმერმა აურია და ტრასაზე დაგვიანებით გაუშვა. საბოლოოდ, კოლიაშვილი მე-12 ადგილს დასჯერდა...

მრბოლთა კლასიფიკაცია ოთხი ეტაპის შემდეგ

1. დათა ქაჯაია                     460.5

2. კლოდ ვატეინი                454

3. ფაბიან ბოერი                   431

4. გიიომ პიჟო                       424

5. ვილი სარაზენი               411.5

6. ფრანსია პიჟა                    386

7. კოტე კოლიაშვილი         384

8. ფრედრიკ ნიკოლი           375

9. რუდი სერვოლი              359.5

10. მანე ვიგნიევიჩი            352

მომდევნო რბოლები:

24-26 აგვისტო, ცანდფოორტი (ჰოლანდია) ემთხვევა DTM-ის ეტაპს

7-9 სექტემბერი, ნოგარო (საფრანგეთი) GP დე ნოგარო

12-14 ოქტომბერი, ლედენონი (საფრანგეთი) ისტორიული მანქანების გარბენი

მესამე ეტაპის რეპორტაჟი დიჟონ პრენუადან

http://autopanoramaf1.blogspot.com/2012/05/blog-post_20.html