ორივე პრაქტიკაზე უსწრაფესი ფეტელია

Vettel fastest in first India practice

26 ოქტომბერი

თითქოს ინდოეთში კორეის რბოლას აგრძელებსო... სებასტიან ფეტელმა ინდური ეტაპის ორივე თავისუფალ პრაქტიკაზე საუკეთესო დროები აჩვენა. ნიუ დელის ბუდის საეთაშორისო ავტოდრომზე, მსოფლიოს მოქმედი ჩემპიონი ზედზედ მეოთხე გამარჯვებისთვის იბრძოლებს. წინა სამმა ჩემპიონატის ლიდერის პოზიციაზე გაიყვანა, მეოთხეთი კი მეტოქეების, უწინარესად, მასავით მსოფლიოს ორგზის ჩემპიონ ფერნანდო ალონსოს დემორალიზებას ეცდება.

ფეტელი ჯერჯერობით ინდური დიდი პრიზის ერთადერთი გამარჯვებულია - შარშან ეს რბოლა პირველად ჩატარდა და გერმანელმა დამაჯერებელი გამარჯვება მოიპოვა. სეზონის დასრულებამდე 4 ეტაპით ადრე (ინდოეთის გარდა, აბუ დაბის, აშშ-ის და ბრაზილიის ეტაპებია დარჩენილი), ის ალონსოს 6 ქულას უგებს. სხვაობა მინიმალურია, თუმცა ის ფაქტი, რომ „რედ ბული“ შესანიშნავ ფორმაში იმყოფება, ესპანელს ოპტიმიზმის საფუძველს არ აძლევს. თუმცა, ალონსოს უბრძოლველად დანებება არ სჩვევია. ამჯერად მის ოპტიმიზმს ახალი წინა და უკანა ანტი ფრთები აძლევს, რომლებიც „ფერარიმ“ ბოლო ეტაპებისთვის მოამზადა.

პირველ პრაქტიკაზე ფეტელს 0.310 წამით ჩამორჩა ჯენსონ ბატონი, მეორეზე კი ავსტრალიელი თანაგუნდელი მარკ ვებერი - 0.118 წამით. ორივე შემთხვევაში, მესამე დრო ალონსოს ჰქონდა. აღსანიშნავია, რომ პირველი პრაქტიკის მოწინავე სამეულმა შარშანდლი ებოლის კვარცხლბეკის განლაგება გაიმეორა.

მეოთხე და მეექვსე შედეგებს დასჯერდა ლუის ჰამილტონი, მაგრამ ბოქსებში ის დააიმედეს, რომ სავსე ავზებით ასპარეზობისას, ტრასაზე ის უსწრაფესი იყო. ამასთან, ოპტიმისტურ განწყობაზეა ბატონიც, რომელმაც განაცხადა, რომ ვარჯიშებზე ნაჩვენები დრო, „მაკლარენის“ პოტენციალს სრულად არ ასახავს.

პირველ ვარჯიშზე, „ზაუბერის“ იმ ბოლიდით, რომლითაც მექსიკელი სერხიო პერესი ასპარეზობს ხოლმე, ტრასაზე მისი თანამემამულე ესტებან გუტიერესი გამოვიდა, ვინც ალბათ პერესს მომავალ სეზონში შეცვლის. პერესის გამოუსვლელობის მიზეზი მისი შეუძლოდ ყოფნა გახდა, თუმცა ის ტრასას მეორე პრაქტიკაზე დაუბრუნდა.

ინდოეთის დიდი პრიზი

პირველი თავისუფალი პრაქტიკა

1. სებასტიან ფეტელი (გერმანია, რედ ბული)               1:27.619

2. ჯენსონ ბატონი (ბრიტანეთი, მაკლარენი)                 1:27.929

3. ფერნანდო ალონსო (ესპანეთი, ფერარი)                   1:28.044

4. ლუის ჰამილტონი (ბრიტანეთი, მაკლარენი)            1:28.046

5. მარკ ვებერი (ავსტრალია, რედ ბული)                       1:28.175

6. ნიკო როსბერგი (გერმანია, მერსედესი)                     1:28.447

7. ფელიპე მასა (ბრაზილია, ფერარი)                            1:28.542

8. მიხაელ შუმახერი (გერმანია, მერსედესი)                 1:28.993

9. დანიელ რიკიარდო (ავსტრალია, ტორო როსო)       1:29.204

10. კიმი რაიკონენი (ფინეთი, ლოტუსი)                       1:29.291

11. ვალტერი ბოტასი (ფინეთი, უილიამსი)                  1:29.691

12. პოლ დი რესტა (ბრიტანეთი, ფორს ინდია)             1:29.760

13. კამუი კობაიაში (იაპონია, ზაუბერი)                        1:29.802

14. ნიკო ჰულკენბერგი (გერმანია, ფორს ინდია)          1:29.850

15. რომენ გროჟანი (საფრანგეთი, ლოტუსი)                 1:29.895

16. პასტორ მალდონადო (ვენესუელა, უილიამსი)       1:30.041

17. ჟან-ერიკ ვერნი (საფრანგეთი, ტორო როსო)           1:30.401

18. ვიტალი პეტროვი (რუსეთი, კატერჰემი)                 1:30.630

19. ხიედო ფან დერ გარდე(ჰოლანიდია,კატერჰემი)    1:30.896

20. ესტებან გუტიერესი (მექსიკა, ზაუბერი)                 1:31.212

21. შარლ პიკი (საფრანგეთი, მარუსია)                         1:31.903

22. ნარაინ კართიკეიანი (ინდოეთი, ისპანია)               1:32.125

23. ტიმო გლოკი (გერმანია, მარუსია)                           1:32.369

24. პედრო დე ლა როსა (ესპანეთი, ისპანია)                1:32.859

მეორე თავისუფალი პრაქტიკა

1. სებასტიან ფეტელი (გერმანია, რედ ბული)              1:26.221

2. მარკ ვებერი (ავსტრალია, რედ ბული)                      1:26.339

3. ფერნანდო ალონსო (ესპანეთი, ფერარი)                  1:26.820

4. ნიკო როსბერგი (გერმანია, მერსედესი)                    1:27.022

5. კიმი რაიკონენი (ფინეთი, ლოტუსი)                         1:27.030

6. ლუის ჰამილტონი (ბრიტანეთი, მაკლარენი)            1:27.131

7. ჯენსონ ბატონი (ბრიტანეთი, მაკლარენი)                1:27.182

8. ნიკო ჰულკენბერგი (გერმანია, ფორს ინდია)           1:27.233

9. რომენ გროჟანი (საფრანგეთი, ლოტუსი)                  1:27.397

10. ბრუნ სენა (ბრაზილია, უილიამსი)                          1:27.738

11. პოლ დი რესტა (ბრიტანეთი, ფორს ინდია)             1:28.004

12. სერხიო პერესი (მექსიკა, ზაუბერი)                         1:28.178

13. მიხაელ შუმახერი (გერმანია, მერსედესი)               1:28.222

14. დანიელ რიკიარდო (ავსტრალია, ტორო როსო)     1:28.239

15. ფელიპე მასა (ბრაზილია, ფერარი)                          1:28.296

16. კამუი კობაიაში (იაპონია, ზაუბერი)                       1:28.455

17. პასტორ მალდონადო (ვენესუელა, უილიამსი)      1:28.596

18. ჟან-ერიკ ვერნი (საფრანგეთი, ტორო როსო)           1:29.167

19. ჰეიკი კოვალაინენი (ფინეთი, კატერჰემი)              1:29.320

20. ვიტალი პეტროვი (რუსეთი, კატერჰემი)                 1:29.606

21. პედრო დე ლა როსა (ესპანეთი, ისპანია)                1:30.950

22. ტიმო გლოკი (გერმანია, მარუსია)                           1:31.113

23. ნარაინ კართიკეიანი (ინდოეთი, ისპანია)              1:31.372

24. შარლ პიკი (საფრანგეთი, მარუსია)              1:31.493