„რადიკალი“ თავის პირველ სუპერ ავტომობილზე მუშაობს (ვიდეო)

Radical RXC Coupe first look by Sport Auto

16 თებერვალი

ბრიტანული კომპანია „რადიკალ სპორტსქარზი“ თავისი სარბოლი ავტომობილებითაა ცნობილი, რომლებსაც ნურბურგრინგის ჩრდილოურ მარყუჟზე, წრის აბსოლუტური რეკორდი ორჯერ აქვთ დამყარებული. დღემდე „რადიკალ სპორტსქარზი“ მხოლოდ ღია, სპაიდერის ტიპის ავტომობილებს აწარმოებდა. მაგრამ მალე მის საწარმოო პროგრამაში დახურულკოკპიტიანი, ეგრეთ წოდებული პროტოტიპის კლასის ავტომობილი გამოჩნდება.

ახალ ავტომობილს „რადიკალ RXC“ უწოდეს და ის როგორც სარბოლი, ასევე საგზაო მოდიფიკაციის სახით გამოვა. ორადგილიანი მანქანა ძალიან მსუბუქი იქნება. ის V8 ძრავით აღიჭურვება, რომლის სიმძლავრეც 650 ცხენის ძალას მიაღწევს. ძრავს 7-საფეხურიანი სეკვენტალური გადაცემათა კოლოფი შეუწყვილდება.

გარდა ამისა, თავის ისტორიაში პირველად, „რადიკალი“ თავის ავტომობილს ელექტრონული დამხმარე საშუალებებით აღჭურვავს. მათ შორის იქნება ბლოკირების საწინააღმდეგო სისტემა, ტრექშნ კონტროლი და შესაძლოა, სტაბილიზაციის სისტემა.

ბრიტანული კომპანიის ისტორიაში, „რადიკალ RXC“ იქნება სულ მეორე ავტომობილი, რომელიც საგზაო სერტიფიკატს მიიღებს. პირველი იყო ღია SR3 SL, რომლის დებიუტი შარშან შედგა ბრიტანულ მოტორ შოუ „ავტოსპორტ ინტერნეიშნლზე“. ეს ავტომობილი, „ფორდის“ წარმოების 2.0-ლიტრიანი, „ეკობუსტის“ სერიის ურბოძრავითაა აღჭურვილი, რომლის მაქსიმალური სიმძლავრეც 300 ცხენის ძალაა. ძრავთან კი 6-საფეხურიანი სეკვენტალური გადაცემათა კოლოფია დაკავშირებული. ამ აგრეგატების წყალობით, ავტომობილს ადგილიდან ასის ასაკრეფად სამ წამზე ნაკლები ჰყოფნის, მაქსიმალური სიჩქარე კი 265 კმ/სთ-ია.

ვიდეო