19 აგვისტო
1968 წელს გამოშვებული „ფორდ GT40“ 11 მილიონ დოლარად
გაიყიდა. ეს არის ამერიკული ავტომობილების რეკორდული ფასი ნებისმიერ აუქციონზე. ავტომობილი,
რომელიც ლეგენდარულ მსახიობ სტივ მაკქვინის სახელთანაა დაკავშირებული და რომელსაც სპას
24-საათიანი რბოლა აქვს მოგებული, მონტერეიში (კალიფორნია), „RM ოქშენზის“ მიერ
ორგანიზებული აუქციონის პირველ დღეს გაიყიდა. აღსანიშნავია, რომ აუქციონზე,
რომელშიც სხვა კომპანიებიც მონაწილეობენ (მათ შორის, ბონჰემსი და გუდინგი), სულ 120
ძვირფასი ავტომობილია წარმოდგენილი.
აღსანიშნავია, რომ „ფორდმა“ GT40 მას შემდეგ
შექმნა, რაც 1963 წელს „ფერარის“ შეძენის მცდელობა ჩაუფლავდა. ამერიკულმა
კომპანიამ გადაწყვიტა, რომ გამძლეობაზე რბოლებში მონაწილეობისთვის თავად შეექმნა სუპერ
ავტომობილი, რომლითაც იტალიურ მანქანებსაც დაამარცხებდა. GT40 სწორედ ის პროდუქტი
აღმოჩნდა, რომლითაც ცისფერმა ოვალმა ბრაზი გაიქარწყლა - მისი დახმარებით, ლე მანის
24-საათიანი რბოლა 1966-1969 წლებში, ზედიზედ ოთხჯერ მოიგო.
ავტომობილი, რომელიც რეკორდულ ფასში გაიყიდა (შასის
ნომერი P/1074), სტივ მაკქვინის სახელთანაა დაკავშირებული.
თუმცა მანამ, სანამ მასთან ერთად, ცნობილ ფილმ „ლე მანში“ 1971 წელს გადაიღებდნენ,
მას ლე მანის და დაიტონას საცდელ პრაქტიკებზე, ლეგენდარული ჯეკი იქსი (ლე მანის
ექვსგზის გამარჯვებული) მართავდა.
ასევე წაიკითხეთ
”აუდი A9” - ჰიბრიდული სპორტული სედანის კონცეპცია
No comments:
Post a Comment