New BMW Family Activity Sports Tourer Scooped, gets Front-Wheel Drive
2 აგვისტო
არცთუ დიდი ხნის წინ, „ბეემვეს“ სამოდელო გამაში შემავალი ავტომობილების ჩამოსათვლელად, ერთი ხელის თითებიც კმაროდა. გასული საუკუნის ბოლომდე, ბავარიელები მხოლოდ მე-3, მე-5 და მე-7 სერიის ავტომობილბს, იშვიათად კი, მცირესერიულად, სპორტულ მოდელებსაც აწარმოებდნენ.
დღეს სიტუაცია რადიკალურად შეიცვალა - „ბეემვე“ უგზოობის მოდელებსაც აწარმოებს და უკვე ორივე ხელი გჭირდებათ მისი მოდელების ჩამოსათვლელად. მაგრამ მალე ესეც არ იქნება საკმარისი, რადგან ჯერ ერთი, გერმანული კომპანია მალე დაიწყებს ელექტრომობილების და ჰიბრიდების წარმოებას, რისთვისაც ცალკე სუბ-ბრენდი (i) ჩამოაყალიბა. პარალელურად კი მისი ინჟინრები კიდევ ერთ, სრულიად ახალ ავტომობილზე მუშაობენ, რომელიც შენიღბული სახით, უკვე გადის საგზაო გამოცდებს.
ფოტოდან (რომელიც ინტერნეტ გამოცემა ქარსკუპის ფოტომსტოვრებმა მოიპოვეს) ჩანს, რომ კამუფლაჟი თავის დანიშნულებას პირნათლად ასრულებს, თუმცა ზოგი დეტალის გარკვევა მაინც შესაძლებელია. ავტომობილი ხუთკარიანია და საკმაოდ მაღალია. მას მინვენის შესახედაობა აქვს და არაა გამორიცხული, რომ ბაზარზე „მერსედეს ბენცის“ B-კლასს გაუწიოს კონკურენცია.
ავტომობილის საფუძველი უახლესი UKL1 პლატფორმა უნდა იყოს, რომელსაც პირველად ახალი თაობის „მინისთვის“ გამოიყენებენ. ახალი ავტომობილის ძრავების გამაში უახლესი, 1.5-ლიტრიანი სამცილინდრიანი ტურბოაგრეგატიც შევა, რომელსაც ბენზინის და დიზელის ვერსიები ექნება.
სავარაუდოდ, FAST-ი პირველად საზოგადოების წინაშე ოფიციალურად მერმისს, რომელიმე ავტო შოუზე წარსდგება, კომპანიის დილერთა შოურუმებში კი ის ალბათ 2013 წელს გამოჩნდება.
No comments:
Post a Comment