Thursday, May 17, 2012

„ჰიუნდაი“ თურქეთში წარმოებას აორმაგებს


Hyundai to Double Annual Production Capacity in Turkey by the End of 2013
17 მაისი
„ჰიუნდაიმ“ გამოაცხადა, რომ თავის თურქულ საწარმოში, „ჰიუნდაი ასან ოტომოტივ სანაიში“ (HAOS) წარმოების წლიურ მოცულობას აორმაგებს. ამჟამად ამ ქარხნის სიმძლავრე 100 000 ავტომობილია, მომავალი წლიდან კი ეს მაჩვენებელი 200 000-მდე გაიზრდება.

სამხრეთკორეული კომპანიის განცხადებით, ასეთი გადაწყვეტილების მიზეზი ისაა, რომ ევროპასა და თურქეთში მნიშვნელოვნად გაიზარდა მოთხოვნა A და B სეგმენტის მოდელებზე. B სეგმენტის i20-ს „ჰიუნდაი“ თურქეთში ორი წელია, აწარმოებს, მალე კი იქ A სეგმენტის შემდეგი თაობის i10-ის წარმოებაც დაიწყება.
„უკვე 15 წელია, რაც თურქეთში ჩვენი ქარხანა მუშაობს და ამ დროში იქ უკვე 700 000-ზე მეტი ავტომობილი გამოვუშვით. ამით ჩვენ თურქული ეკონომიკის განვითარებაში სოლიდური წვლილი შეგვაქვს. ახალი ინვესტიციით, რომლის მიზანიც, წარმოების გაორმაგებაა, ჩვენ უკეთ შევძლებთ ევროპასა და თურქეთში გაზრდილი მოთხოვნის დაკმაყოფილებას“, - ამბობს „ჰიუნდაი ასან ოტომოტივ სანაის“ პრეზიდენტი და მთავარი აღმასრულებელი ვონ-შინ ჩანი.
ქარხნის საწარმოო სიმძლავრის გასაზრდელად, „ჰიუნდაი“ და მისი მიმწოდებლები, 607 მილიონი დოლარის ინვესტიციას განახორციელებენ. კორეული კომპანიის განცხადებით, ქარხნის მოდერნიზების შემდეგ, მასში 750 ახალი სამუშაო ადგილი შეიქმნება, რის შემდეგაც, იქ დასაქმებულთა რიცხვი 2400-მდე გაიზრდება.

No comments:

Post a Comment