გოჩა ქსოვრელი ახალ პროექტს იწყებს

26 აპრილი

ეს პროექტი ჯერ მხოლოდ ამ ესკიზების დონეზე არსებობს, ანუ რამდენიმე დღის დაწყებულია. ჯერ სახელიც კი არ აქვს. მაგრამ ესკიზებიც საკმარისი გამოდგა იმისათვის, რომ ავტოგურმანთა დაინტერესება გამოეწვია. ჩვენთვის კარგად ცნობილი დიზაინერი (მისი წინა ნამუშევარი იხილეთ ლინკზე http://autopanoramaf1.blogspot.com/2010/12/2.html) მალე თაბაშირისგან ამ ავტომობილის მასშტაბური მოდელის სკულპტურის შემუშავებას დაიწყებს და დიზაინსაც თანდათან დახვეწს. შემდგ კი რეალური ავტომობილის შექმნის ჯერიც დადგება...

„ოპელის“ კრიზისიდან გამოყვანას დრო დასჭირდება

Akerson: Opel will take time to turn profit

26 აპრილი

„ჯენერალ მოტორსის“ მთავარი აღმასრულებელი დენ აკერსონი (ფოტოზე) არ გამორიცხავს, რომ შესაძლოა, „ოპელის“ კრიზისიდან გამოსაყვანად, გერმანული კომპანიის ზოგიერთი ქარხნის დახურვა გარდაუვალი გახდეს. ამასთან, „ოპელის“ მომგებიან ბიზნესზე გადასაყვანად გარკვეული დრო იქნება საჭირო.

როცა პონი დინოზავრზე დიდია

GM's Spark-o-Graphic Compares America's 1970's Sedans with Today's Small Cars

26 აპრილი

რა თქმა უნდა, არა პირდაპირი მნიშვნელობით... მაგრამ ამ ფოტოზე, რომელიც „ჯენერალ მოტორსმა“ თავისი ახალი მინიავტომობილის რეკლამირებისთვის გამოაქვეყნა, რაღაც ამგვარის თქმა შეიძლება. კარგად დააკვირდით და მიხვდებით, თუ რატომ...

„ლითია“ - ჩინური ექსპერიმენტული ელექტრომობილი

CH-Auto's Lithia Electric Sports Car Prototype

25 აპრილი

„CH-აუტო“ ჩინური საავტომობილო კვლევისა და განვითარების კომპანიაა, რომელიც 2003 წელს ჩამოყალიბდა. სამი წლის წინ, მისი დიზაინის განყოფილების ხელმძღვანელად, „ჯენერალ მოტორსის“ დიზაინის ყოფილი მენეჯერი დენ დარანკუ მუშაობს. ამ კაცს ამერიკულ კომპანიაში რამდნიმე პროექტზე აქვს ნამუშევარი და დიდი გამოცდილებაც დაუგროვდა, რომელსაც ახლა ჩინურ კომპანიას ახმარს.

საფრანგეთის დიდი პრიზი კალენდარს დაუბრუნდება

Bernie Ecclestone says deal for French Grand Prix's Formula 1 return is done

25 აპრილი

ამას თვით ბერნი ეკლსტოუნი გვპირდება. თანაც, ფორმულა ერთის იმპრესარიო ამბობს, რომ რბოლებს მანი კურის კი არა, პოლ რიკარის ავტოდრომი უმასპინძლებს. მისი თქმით, საფრანგეთის მთავრობასთან, ამ საკითხზე მოლაპარაკება უკვე დასრულებულია. ამის შესახებ, ბერნიმ პირველად ინფორმაცია ფრანგულ გამოცემა „ლ’ეკიპს“ მიაწოდა. შეგახსენებთ, რომ რბოლა, რომელიც მანი კურზე იმართებოდა, კალენდრიდან 2009 წელს ამოვარდა. ამის მიზეზი კი ფინანსური პრობლემები გახდა.

„ბრილიანსის“ სამი პრემიერა პეკინში

Brilliance Auto Greater China II Concept and H230 Compact Sedan

25 აპრილი

გრეიტ ჩაინა II

პეკინის საერთაშორისო საავტომობილო გამოფენაზე, რა თქმა უნდა, ყველაზე მეტად ჩინური კომპანიები აქტიურობენ. მათ შორის კი ერთ-ერთი ყველაზე გამორჩეულია „ბეემვეს“ პარტნიორი „ბრილიანს ავტო“, რომლის საგამოფენო სტენდზეც სამი ახალი ავტომობილი დგას. მათ შორის ორი კონცეპტუალურია და ერთიც - წარმოებისთვის მომზადებული.

რა ბედი ელის „ლამბორგინი ესტოკეს“?

What happened to the Lamborghini Estoque?

25 აპრილი

ეს კითხვა მას შემდეგ არ კარგავს აქტუალობას, რაც იტალიურმა კომპანიამ პარიზის 2008 წლის მოტორ შოუზე კონცეპტუალური სედანი, სახელად „ესტოკე“ წარადგინა. ეს ავტომობილი წარმოებისთვის მომზადებულს ჰგავდა და თითქოს, მისი წარმოების საკითხიც გადაწყვეტილი იყო. მაგრამ შემდეგ „ლამბორგინიმ“ მარკეტინგული გამოკვლევა ჩაატარა, რომელსაც უნდა გაერკვია, ბაზარი რომელ მისი მარკით სედანს უკეთ მიიღებდა, თუ უგზოობის ავტომობილს.

„ჰიუნდაი“ წელს 150 000 „სანტა ფეს“ გაყიდვას უმიზნებს

Hyundai Aims to Sell Over 150,000 Santa Fe SUVs This Year

24 აპრილი

„ჰიუნდაი“ დიდ იმედებს ამყარებს თავის ახალ, მესამე თაობის ქროსოვერ „სანტა ფეზე“, რომლის მსოფლიო პრემიერაც ახლახანს, ნიუ იორკის ავტო შოუზე შედგა. კორეული კომპანია იმედოვნებს, რომ მთელს მსოფლიოში წელს 150 000 „სანტა ფეს“ გაყიდვას შეძლებს. კორეული კომპანია საშინაო ბაზარზე, ამ კლასში უცხოური კომპანიებისგან გაზრდილ კონკურენციას აწყდება. ახალი „სანტა ფეს“ გამოშვებით კი, პოზიციების გამყარებას შეძლებს.

პირველი ეტაპის რბოლების განრიგი

პარასკევი, 27 აპრილი, 2012 წელი

10:00-11:00  მონოკლასი-1500, GT -თავისუფალი          ვარჯიში

11:00-12:00  ფორმულა ალფა                                             ვარჯიში

12:00-13:00  ლეჯენდსი                                                      ვარჯიში

13:00-14:00  ყველა კლასი,                                                  შესვენება

14:00-15:00  მონოკლასი-1500, GT-თავისუფალი           ვარჯიში

15:00-16:00  ფორმულა ალფა                                             ვარჯიში

16:00-17:00  ლეჯენდსი                                                      ვარჯიში

ლეჯენდსი

ლეგენდბი შედარებით ახალი სარბოლი კლასია, არადა მასში მონაწილე ავტომობილები იმ ლეგენდარული სარბოლი მანქანების 5/8 მასშტაბის რეპლიკებია, რომლებითაც ამერიკაში უპოპულარულესი სარბოლი სერიის, ნასქარ-ის წინა ეპოქის რბოლებში მონაწილეობდნენ. ეს კლასი სპეციალურად, მხოლოდ იმისთვის შეიქმნა, რომ ფართო მასებისთვის რბოლებში მონაწილეობა ხელმისაწვდომი ყოფილიყო. ახალმა კლასმა, რომელიც აშშ-ში 1992 წელს დაარსდა, არამარტო ოკეანის იქითა, არამედ აქეთა მხარესაც ძალიან სწრაფად მოიპოვა პოპულარობა და აი, ის საქართველოშიც შემოდის.

ფორმულა “ალფა”

ფორმულა “ალფა” არის ღიაბორბლიანი სარბოლი ავტომობილების კლასი. სახელი “ალფა” მას ორი მიზეზის გამო ჰქვია. ჯერ ერთი, ის „ალფა რომეოს“ წარმოების ძრავითაა აღჭურვილი. მეორეც, თავისი სიმარტივით, ის შესანიშნავი საშუალებაა დამწყები (ალფა ხომ ლათინური ალფაბეტის საწყისი ასოა) მრბოლებისთვის, რომლებიც ამ კლასის რბოლებში, მაღალი კლასის პილოტად ჩამოყალიბების გზაზე, პირველ ნაბიჯს გადადგამენ. სხვათა შორის, ფორმულა 1-ის რუსმა პილოტმა ვიტალი პეტროვმა თავისი კარიერა სწორედ ფორმულა „ალფათი“ (მაშინ ის ფორმულა რუსის სახელით იყო ცნობილი) დაიწყო.

რუსთავის საერთაშორისო მოტორპარკი

რუსთავში ავტოდრომი 1979 წლის 28 ოქტომბერს, საბჭოთა კავშირის ჩემპიონატის მესამე (ბოლო) ეტაპით გაიხსნა. ყველაზე პრესტიჟული კლასის - ფორმულა სამის რბოლა გურამ დგებუაძის გამარჯვებით დასრულდა, ვინც ის სეზონი, ამავე კლასის ვერცხლის მედლით დაასრულა.

დიდი რბოლები საქართველოში

იწყება!

28-29 აპრილი გამორჩეულ თარიღად დარჩება ქართული ავტოსპორტის ისტორიაში. რუსთავის შესასვლელთან, იქ სადაც ძველი სარბოლი ავტოდრომი მდებარეობდა, ახალი, თანამედროვე სტანდარტების შესაბამისი, უახლესი ტექნოლოგიებით აღჭურვილი სპორტული კომპლექსი - „რუსთავის საერთაშორისო მოტორპარკი“ იხსნება. ქართული ავტოსპორტის ყველა ქომაგს ამ შესანიშნავ მოვლენას გილოცავთ!

„რედ ბული“ ძველებურ დომინაციას ვერ გვპირდება

Red Bull Racing not expecting to resume its dominance of Formula 1

24 აპრილი

მიუხედავად იმისა, რომ ბაჰრეინის დიდ პრიზზე სებასტიან ფეტელმა გამარჯვება მოიპოვა, „რედ ბულ რეისინგი“ მაინც თვლის, რომ ეს მისი დომინაციის დასაწყისს სულაც არ მოასწავებს. სამაგიეროდ, ავსტრიულ გუნდში ვარაუდობენ, რომ ეს სეზონი ისეთივე არაპროგნოზირებადი იქნება, როგორიც პირველი ოტხი ეტაპი იყო. შეგახსენებთ, რომ ეს ოთხი ეტაპი, ოთხი გუნდის პილოტებმა მოიგეს.

"ფერარიმ“ „ენცოს" შემცვლელის ჰიბრიდული სისტემა გაგვაცნო

Ferrari Reveals HY-KERS V12 for Enzo Replacement at Beijing Auto Show

24 აპრილი

ნებისმიერი შოუსთვის, მის ექსპოზიციათა შორის „ფერარის“ ავტომობილის ყოფნა უკვე მოვლენაა. ამ მხრივ, გამონაკლისი არც პეკინის შოუა, რომელზეც იტალიურმა კომპანიამ თავისი უახლესი „F12 ბერლინეტა“ გამოფინა. რა თქმა უნდა, „ფერარის“ ისტორიაში ყველაზე მძლავრი და სწრაფი სერიული ავტომობილი, კომპანიის სტენდის მთავარი ვარსკვლავია. მაგრამ იქვე, მარანელოელებმა დამთვალიერებელს და რაც მთავარია მედიას, არანაკლებ საინტერესო სიახლე დაახვედრეს.