კიევში „ფერარის“ სადილერო ცენტრი გაიხსნა

Kiev Sees First Ferrari Dealership Opened in Ukraine

5 ივლისი

„ფერარიმ“ უკრაინაში თავისი პირველი სადილერო ცენტრი ქალაქ კიევში გახსნა. შოურუმი ქალაქის ცენტრში, შოთა რუსთაველის ქუჩის 16A ნომერში გაიხსნა. მისი ფართობი 380 კვადრატული მეტრია და მასზე იტალიური კომპანიის სამოდელო გამის უკლებლივ ყველა ავტომობილი ეტევა. გარდა ამისა, შოურუმშივე მოთავსდა სპეციალური კუთხე, სადაც მყიდველს სასურველი ავტომობილის კონფიგურაციის შერჩევის საშუალება მიეცემა. შოურუმშივე მოტავსდა მინიმაღაზია, სადაც „ფერარის“ აქსესუარების შეძენაა შესაძლებელი.

„ასტონ მარტინი“ კონცეპტუალურ „V12 ძაგატოს“ გამოუშვებს

V12 Zagato Production Confirmed on Aston Martin Website

4 ივლისი

მაისის ბოლოს, „ლამბორგინის“ და იტალიურ სადიზაინერო ატელიე „ძაგატოს“ ერთობლივმა კონცეპტუალურმა ნამუშევარმა, სახელად „V12 ძაგატო“, იტალიის ჩრდილოეთში მდებარე ტბა კომოს მახლობლად (ვილა დ’ესტე) ჩატარებული ტრადიციული ელეგანტურობის კონკურსი მოიგო. ახლახანს კი, ამ ავტომობილის ორმა სადემონსტრაციო ასლმა, მეტსახელებით „ზიგ“ და „ზაგ“, ნურბურგრინგის 24-საათიან რბოლაში გაინავარდა.

„ლოტუსი“ რალისთვის ემზადება

Lotus Working on Exige Rally Car for 2012 Stages

4 ივლისი

ინგლისურ გამოცემა „ქარ მეგზინის“ ინფორმაციით, ფრანკფურტის ავტო შოუზე, „ლოტუსი“ მოდელ „ექსიჯის“ ბაზაზე მომზადებულ რალის ავტომობილს წარადგენს. მართალია, „ლოტუსი“ ამ მოდელს აღარ აწარმოებს, თუმცა მისი შემცვლელი შემუშავების სტადიაშია და მას უკანა წამყვანი ბორბლები ექნება.

„ლამბორგინი“ არჩევანის წინაშე - სედანი, თუ ქროსოვერი

Lamborghini evaluating either sedan or crossover... but not both

3 ივლისი

ლამბორგინი ესტოკე

თავისი არსებობის განმავლობაში, „ლამბორგინი“ მხოლოდ ორკარიან სპორტულ სუპერ ავტომობილებს აწარმოებს. ერთი გამონაკლისი უგზოობის მონსტრი LM002 იყო, თუმცა მის სერიულ წარმოებამდე საქმე არც მისულა. სამი წლის წინ კი, პარიზის ავტო შოუზე, იტალიურმა კომპანიამ ოთხკარიანი კონცეპტუალური მოდელი (სედანი, ან ოთხკარიანი კუპე - სულერთია) „ესტოკე“ გვიჩვენა...

პროექტი „დელტაუინგი“ სწრაფად ვითარდება

Dan Gurney: Progress on DeltaWing Le Mans project already being made

3 ივლისი

ავტოსპორტის ამერიკელი ლეგენდა დენ გარნი დარწმუნებულია, რომ კონცეპცია „დელტაუინგს“ დიდი პოტენციალი აქვს და რომ ის ლე მანის მომავალი წლის 24-საათიან რბოლაში, თავის კონკურენტუნარიანობას გამოავლენს. ლე მანის რბოლის ორგანიზატორებმა „დელტაუინგისთვის“ სტარტზე 56-ე ადგილი დაუშვეს, რის გამოც, პროგრამის ავტორებმა მას სახელად „პროჯექტ 56“ უწოდეს.

„პორშეს“ ჩინეთში ბუმი აქვს

არჩევანი კი შეზღუდულია

Porsche's China boom restricts choices for buyers

3 ივლისი

განსაკუთრებული მოთხოვნა უგზოობის „კაიენზეა“, რომლის შეძენის მსურველებსაც ორწლიანი რიგის დაკავება უწევთ. თუმცა, ზოგს რიგში დგომა არ სურს და „კაიენის“ ნაცვლად „911 კარერას“, ან სხვა მოდელს ყიდულობს. ნუ გაიკვირვებთ, ბევრია ისეთი, რომელსაც უბრალოდ, „პორშეს“ ავტომობილის შეძენა სურს და თუ არ იქნება უგზოობის მოდელი, იყოს სპორტული, რა მნიშვნელობა აქვს...

„ძალიან მინდოდა „კაიენის“ შეძენა, მაგრამ შოურუმში მსგავსი ვერაფერი ვნახე. უფრო მეტიც, მითხრეს, ორი წელი ლოდინი მოგიწევსო“, - ამბობს ვინმე 32 წლის ლიუ იორონი, ვისაც ბიზნესი ქიმიურ მრეწველობაში აქვს და შოურუმში „კაიენი“ რომ არ დახვდა, იქიდან „911 კარერა“ გამოიყვანა...

ავტო მოტორი. მე-3 ნომერი

„ავტო მოტორის“ მე-3 ნომერში წაიკითხავთ

„აუდი კვატრო კუპე“ მწვანე შუქს ელის

Audi Quattro Coupe May be Given the Green Light

1 ივლისი

პარიზის შარშანდელ საავტომობილო გამოფენაზე, „აუდის“ კონცეპტუალურმა „კვატრომ“ სპეციალისტთა და დამთვალიერებელთა აღფრთოვანება გამოიწვია. მაგრამ რაოდენ დიდი იყო მათი გაწბილება, როცა გამოცხადდა, რომ ეს მხოლოდ ერთჯერადი კონცეპტქარი იყო, რომლითაც ინგოლშტადტელებმა ლეგენდარული „კვატროს“ 30 წლის იუბილე აღნიშნეს. და მაინც, დარჩა იმის იმედი, რომ ამ შესანიშნავ ავტომობილს მომავალი ექნებოდა...

შვეიცარული ელექტრომობილი ლე მანისთვის ემზადება

Green GT to race hydrogen-powered LMPH2 to Le Mans 2012

1 ივლისი

ლე მანის წლევანდელი 24-საათიანი რბოლის დაწყებამდე, მაყურებელთა წინაშე ეგრეთ წოდებული მომავლის (ვერს ლე ფუტურ) ავტომობილები წარსდგნენ, რომლებმაც სარტეს ტრასაზე საჩვენებელი წრე შეასრულეს. რა თქმა უნდა, ამ აქციის მიზანი, იმ ტიპის ავტომობილების ჩვენება იყო, რომლებიც არცთუ შორეულ მომავალში, მსოფლიოს გზებს გაავსებენ.

ავტომობილი, რომელსაც 4.5 მილიონი კილომეტრი აქვს გავლილი

Volvo's iconic P1800 turns 50 as record-holding owner passes 2.9 million miles

1 ივლისი

შეიმუშავეს შვედმა ინჟინრებმა, დიზაინი იტალიური აქვს, ინგლისში კი აწარმოებდნენ. ეს ავტომობილი არის „ვოლვოს“ ლეგენდარული კუპე P1800, რომელმაც სახელი სერიალ „წმინდანით“ გაითქვა, სადაც მას როჯერ მური მართავდა, სანამ ჯეიმს ბონდი გახდებოდა. მსახიობმა ამ სერიალში გადაღებებისას, ბონდის როლის შესრულებაზე ორჯერ თქვა უარი, ავტომობილი კი იმდენად მოსწონებია, რომ ერთი თავადაც შეუძენია.

„ბენტლიმ“ გაყიდვები 20 პროცენტით გაზარდა

Bentley's Half-year Sales Up by 20%

1 ივლისი

„ბენტლიმ“ თავისი გაყიდვები პირველ ექვს თვეში (წინა წლის იმავე პერიოდთან შედარებით) 20 პროცენტით გაზარდა. ზრდა საკმაოდ მნიშვნელოვანია. თუმცა ამის მიუხედავად, მარკეტოლოგები თვლიან, რომ ის ვერ შეედრება მთლიანად ავტოინდუსტრიის ზრდის ტემპს.

ნახევარ წელიწადში „ბენტლიმ“ მყიდველებს 2987 ავტომობილი მიაწოდა. გაყიდვების ზრდა მეტწილად, ჩინეთის ბაზარზე მოთხოვნის ზრდამ გამოიწვია - ცისქვეშეთში გაყიდვების 57-პროცენტიანი მატებაა დაფიქსირებული. სულ კი მსოფლიოს ყველაზე ხალხმრავალ ქვეყანაში ექვს თვეში 680 „ბენტლი“ გაიყიდა, ეს კი ბრიტანული კომპანიისთვის რეკორდული (ჩინეთში) მაჩვენებელია.

„მაკლარენი“ „ფერარის“ და „ლამბორგინის“ შევიწროებას აპირებს

McLaren to Spend $1 billion to Challenge Ferrari and Lamborghini

30 ივნისი

„ლოტუსის“ შემდეგ, სუპერ ავტომობილების იტალიელ მწარმოებლებზე კბილების ლესვას კიდევ ერთი ბრიტანული კომპანია - „მაკლარენი“ შეუდგა, რომელმაც თავისი პირველი შოურუმუ ლონდონში ახლახანს გახსნა. „მაკლარენი“ ფორმულა 1-ში მეორე ყველაზე წარმატებული გუნდია (ფერარის შემდეგ) და სურს, რომ იქ მოპოვებული პოპულარობა, საგზაო ავტომობილების წარმოებაშიც გამოიყენოს.

„ჰიუნდაი“ წლის საუკეთესო ავტომწარმოებელია

WHICH? MAGAZINE NAMES HYUNDAI AS ‘BEST CAR MANUFACTURER’

30 ივნისი

პოპულარულმა ბრიტანულმა ჟურნალმა „ვიჩ?“, წლის საუკეთესო საავტომობილო კომპანიის წოდება „ჰიუნდაის“ მიანიჭა. კორეულმა კომპანიამ ისეთ ძლიერ მეტოქეებს აჯობა, როგორებიცაა „ბეემვე“, „მაზდა“, „შკოდა“ და „ტოიოტა“.

ჟურნალი „ვიჩ?“ ყველა ტიპის პროდუქციის მომხმარებელთა მრჩეველი გამოცემაა, რომელსაც 650 000 მუდმივი მკითხველი ჰყავს. ის აბსოლუტურად დამოუკიდებელი გამოცემაა და მომხმარებელთა ინტერესების სადარაჯოზე დგას. ამასთან, მყიდველს საჭირო რჩევებითაც ამარაგებს.

„პორშე“ ლე მანს უბრუნდება

Porsche to return to Le Mans 24 Hours with new LMP1 car in 2014

30 ივნისი

„პორშემ“ გამოაცხადა, რომ ლე მანის 24-საათიან რბოლას დაუბრუნდება. ეს 2014 წელს მოხდება, როცა შტუტგარტული კომპანია, საქარხნო მხარდაჭერით, სტარტზე LMP1 კლასის პროტოტიპებს გამოიყვანს.

„პორშე“ ლე მანის ისტორიაში ყველაზე წარმატებული გუნდია - ეს ურთულესი რბოლა 16-ჯერ აქვს მოგებული, მაგრამ სარტეს ტრასაზე 1998 წლის შემდეგ, საკუთარი გუნდით, პროტოტიპების კლასში არ უასპარეზია. შტუტგარტულმა კომპანიამ მე-16 გამარჯვება ლეგენდარული 911 GT1-ით მოიპოვა, რომლის საჭესაც მორიგეობით ბრიტანელი ალან მაკნიში, ფრანგი სტეფან ორტელი და ფრანგი ლორან აიელო მართავდნენ.

„ბეემვე i8“ ფილმში „მისია შეუსრულებელია 4 - აჩრდილის ოქმი“

BMW i8 Featured in Mission Impossible: Ghost Protocol

30 ივნისი

მომენტი ტრაილერიდან (მუმბაი)

ტომ კრუზი ისევ შეუსრულებელ მისიას ასრულებს, უკვე მეოთხედ. პრემიერამდე, რომელიც დეკემბერშია დაგეგმილი, ჩვენ ვერ გავიგებთ, რას ნიშნავს „აჩრდილის ოქმი“ (ფილმის სახელია), მაგრამ უკვე გავიგეთ ის, რაც ავტომოყვარულებს განსაკუთრებით დააინტერესებს - ფილმში ერთ-ერთ მთავარ როლს „ბეემვეს“ ახალი, ჰიბრიდული სუპერ ავტომობილი, i8 ასრულებს. და საერთოდ, ბავარიული კომპანიის მანქანებს ამ ფილმში ხშირად ნახავთ.