ყველაზე სწრაფი ოთხადგილიანი კაბრიოლეტი მსოფლიოში

Brabus Unleash 800HP Mercedes E-Klasse Cabriolet

12 ივლისი

პოპულარულმა გერმანულმა სატუნინგო კომპანია „ბრაბუსმა“ კიდევ ერთი შედევრი შექმნა, რომელსაც ავტორებმა, მსოფლიოში უმძლავრესი და უსწრაფესი ოთხადგილიანი კაბრიოლეტი უწოდეს. ავტომობილს, რომელსაც სახელად „ბრაბუს E V12 კაბრიოლეტი“ ჰქვია და რომელიც „მერსედეს ბენცის“ E-კლასის ღია ვერსიის საფუძვლიანად გადაკეთებული ვარიანტია, 478 000 ევრო ღირს, მისი პირველი ეგზემპლარი კი არაბეთის გაერთიანებულ საემიროებში გაიგზავნა.

„პეჟო 208“ ლომების ახალ ერას დაიწყებს

Peugeot 207 successor to start new design era at brand

11 ივლისი

„პეჟო“ მალე თავის პოპულარულ სუბკომპაქტ 207-ს განაახლებს. ტრადიციისამებრ, ახალ ავტომობილს 208-ს დაარქმევენ, თუმცა მთავარი ამჯერად ეს არ იქნება. ამ ავტომობილით, ფრანგულმა კომპანიამ განახლება უნდა დაიწყოს და როგორც მისი ერთ-ერთი ხელმძღვანელი ამბობს, „პეჟოს“ ისტორიაში ახალი ეპოქა უნდა დაიწყოს.

„შევროლე ვოლტის“ მფლობელებმა უკვე 2 მილიონი მილი გაიარეს

Chevy Volt Owners Pass 2 Million Miles Clocked

11 ივლისი

„შევროლე ვოლტი“ პლაგ-ინ ჰიბრიდული ავტომობილების ბაზრის ერთ-ერთი პიონერია და ბუნებრივია, საავტომობილო ბაზრის მიმომხილველთა და სტატისტიკოსთა ყურადრების ცენტრშია მოქცეული. ყველას უმთავრესად ერთი კითხვა აინტერესებს, რამდენად მოერგება ასეთი ავტომობილი თანამედროვე ავტომოყვარულის გემოვნებას და მოთხოვნილებებს.

„ჰიუნდაი“ სუპერ ავტომობილს გამოუშვებს?

Hyundai Supercar Still Possible

11 ივლისი

ინტერნეტ-გამოცემა „ინსაიდლაინთან“ საუბრისას, ამ კითხვაზე კორეული კომპანიის ამერიკული შტოს მთავარმა აღმასრულებელმა ჯონ კრაფჩიკმა მოკლედ უპასუხა - ეს მტკნარი სიცრუეაო. თუმცა, ინტერნეტით მაინც ინტენსიურად ვრცელდება ინფორმაცია იმის შესახებ, რომ „ჰიუნდაის“ სუპერ ავტომობილის წარმოების დაწყება აქვს გადაწყვეტილი.

„ბეემვე“ სამი კომპრესორით

2014 BMW M3 Will Have 3.3-liter Tri-turbo With 450 HP

10 ივლისი

გაგიგიათ რამე ისეთი ძრავის შესახებ, რომელსაც ერთბაშად სამი კომპრესორი ემსახურება? ასეთ რამეს ჯერჯერობით არცერთი საავტომობილო კომპანია არ აწარმოებს. თუმცა, მალე პიონერიც გამოჩნდება და ამ საპატიო მისიას „ბეემვე“ შეასრულებს.

„ბეემვე“ პირველი სერიის გრან ტურიზმოსაც გამოუშვებს

BMW 1-Series Gran Turismo to Arrive in 2014

10 ივლისი

ბრიტანულმა გამოცემა „აუტოქარმა“ გაავრცელა ინფორმაცია, რომლის შესაბამისადაც, „ბეემვე“ პირველი სერიის გრან ტურიზმო მოდიფიკაციას გამოუშვებს. ავტომობილი გერმანიაში საგზაო გამოცდებს კამუფლირებულ ფორმაში გამოწყობილი გადის და სავარაუდო, ის ბაზარზე 2014 წელს გამოჩნდება.

„ფორდი“ ლეგენდარულ მოდელ „კაპრის“ აღადგენს

The Legendary Ford Capri to Be Revived

9 ივლისი

ძველი ფორდ კაპრი

ამ ცნობას „ფორდის“ ავტომობილების თაყვანისმცემლები უკვე რამდენიმე წელია, ელიან. და აი, ამერიკული კომპანია აცხადებს, რომ თავისი ერთ დროს ლეგენდარული მოდელის, კომპაქტურ კუპე „კაპრის“ აღდგენა აქვს გადაწყვეტილი. „ფორდი“ ამ მოვლენას, „კაპრის“ წარმოების დაწყებიდან 40 წლის იუბილეს მიუძღვნის. ეს კი იმას ნიშნავს, რომ თუნდაც კონცეპტუალური ვერსიის სახით, ახალი „კაპრი“ წელსვე უნდა ვიხილოთ და ეს ალბათ ფრანკფურტის ავტო შოუზე მოხდება...

„ლოტუსი“ უფრო ტემპერამენტიან „ევორას“ ამზადებს

Ultimate Evora on way

9 ივლისი

ბოლო ორი წელია, სპორტული ავტომობილების მწარმოებელი ინგლისური კომპანია „ლოტუს ქარზი“ ძალიან გააქტიურდა - ჯერ ფორმულა 1-ს დაუბრუნდა, შემდეგ კი, პარიზის შარშანდელ ავტო შოუზე, ერთბაშად რამდენიმე კონცეპტუალური ავტომობილი წარადგინა და ამაყად განაცხადა, რომ ყველა მათგანის წარმოებას გეგმავს. და მართალია, ფინანსების ნაკლებობის გამო, ამ გეგმის შესრულება უჭიანურდება, მაგრამ იმას მაინც ახერხებს, რომ თავის სამოდელო გამაში არსებული ავტომობილები განაახლოს და მყიდველს, მათს ბაზაზე დამზადებული ავტომობილები შესთავაზოს.

„ჰიუნდაის“ კონცეპტუალური „მცურავი ავტომობილი“

Hyundai Floauto Project to Enter New Design Dimension

8 ივლისი

თუ ზღვის დაავადება გაქვთ, ამ მანქანაზე არც იფიქროთ. თუნდაც იმის მიუხედავად, რომ ის მხოლოდ კონცეპტუალური ნამუშევარია და რა თქმა უნდა, ცურვასაც არ აპირებს. უბრალოდ, მისმა ავტორებმა უნივერსიტეტ ჰონკ-იკ-იდან, ასეთი სახელი - „ფლოაუტო“ შეარქვეს. რაც მთავარია, მათი პროექტი, ამ „ამფიბიის“ ელექტრონული ძალური დანადგარებით აღჭურვას ითვალისწინებს.

ჯეი ლენო AMG-ს ესტუმრა

Jay Leno Visits Mercedes’ AMG HQ, Drives SLS Roadster and E-Cell

7 ივლისი

ამერიკული „ღამის შოუს“ წამყვანი ჯეი ლენო ავტომობილების ნამდვილი ტრფიალია. მას მსოფლიოში ერთ-ერთი საუკეთესო ავტო კოლექცია აქვს, რომელშიც არაერთი უიშვიათესი ავტომობილი შედის. რა თქმა უნდა, ძველი ავტომობილების გარდა, ლენოს ახლებიც აინტერესებს. განსაკუთრებით კი ისეთები, რომლებსაც სატუნინგო ატელიეები ქმნიან.

„სუბარუ“ სამ ახალ ავტომობილს და ჰიბრიდს გამოუშვებს

Subaru Will Launch Three New Cars Plus a Hybrid by 2013

7 ივლისი

იაპონურმა კორპორაცია „ფუძი ჰევი ინდასტრიზმა“ ახლახანს თავისი საავტომობილო შტროს - „სუბარუს“ განვითარების ხუთწლიანი გეგმა გამოაქვეყნა, რომელსაც „მოუშნ-V“ ეწოდა და რომელიც, მინიმუმ სამი ახალი ავტომობილის და ერთი ჰიბრიდული მოდელის გამოშვებას ითვალისწინებს. ამ გეგმის მთავარი მიზანი, „სუბარუს“, როგორც ავტომწარმოებლის ზრდაა.

მისი შესრულების შემთხვევაში, 2016 წელს „სუბარუმ“ 900 000 ავტომობილი უნდა გაჰყიდოს, რაც მის ახლანდელ გაყიდვებზე 40 პროცენტით მეტია. აქედან 180 000 ავტომობილი ჩინურმა ბაზარმა უნდა „აითვისოს“, ამერიკაში კი გაყიდვები 380 000-ს მიაღწევს (შარშან იქ 263 820 ავტომობილი გაიყიდა).

„რენოს“ მორიგი ელექტრონული კონცეპცია

Renault Frendzy Concept Official Details and Images

7 ივლისი

ორი წლის წინ, „რენომ“ ფრანკფურტის ავტო შოუზე, ერთბაშად ოთხი ელექტრომობილი - „კანგუ ZE“, „ფლუენს ZE“, „ზოი ZE“ და „ტვიზი ZE“ წარადგინა. მათგან ზოგის წარმოება უკვე დაიწყო, ზოგისას კი მალე დაიწყებს. თუმცა ამას არ სჯერდება და ეკოლოგიურად სუფთა პარკის გაფართოებაზე მუდმივად ზრუნავს. ამ ზრუნვის ერთ-ერთ ბოლო ნიმუშს კი ფრანკფურტის წლევანდელ ავტო შოუზეც ვიხილავთ.

„კია“ ფრანკფურტში სპორტულ მოდელს წარადგენს

Kia to show rear-drive V8 coupe concepts

7 ივლისი

იყო დრო, როცა „კია მოტორსი“ იაფფასიანი, საკმაოდ მდარე ხარისხის ავტომობილების მწარმოებლად იყო ცნობილი. მაგრამ ეს დრო წარსულს ჩაბარდა. დღეს კორეული კომპანია, რომელიც კორეულივე „ჰიუნდაის“ ჯგუფში შედის, დახვეწილი გარეგნობის, თანამედროვე ტექნოლოგიებით გაჯერებულ და იმავდროულად, ხელმისაწვდომ ავტომობილებს აწარმოებს. სწორედ ეს კომბინაციაა იმის მთავარი მიზეზი, რომ გლობალური კრიზისის პერიოდშიც კი, „კიას“ (ისევე როგორც ჰიუნდაი) გაყიდვები მუდმივად იზრდებოდა.

„ჰიუნდაის“ ბესტსელერები თბილისში

6 ივლისი

ველოსტერი

ისევე როგორც მთელს მსოფლიოში, „ჰიუნდაი“ ქართულ ბაზარზეც ერთ-ერთი ყველაზე აქტიური და მოწინავე ავტომწარმოებელია. კორეული კომპანია მუდმივად აუმჯობესებს თავისი პროდუქციის ხარისხსა და სერვისს. ამასთან, მყიდველს დაბალი ფასებით ძველებურად ხიბლავს. ყველაფერი ეს კი გაყიდვების ზრდაში აისახება.

მიკროავტომობილების ბაზარი ბუმის მოლოდინშია

The Microcar Market Preparing for Boom by 2013

5 ივლისი

ავტორიტეტული კვლევითი ჯგუფი „ფროსტ ენდ სალივენი“ ვარაუდობს, რომ საავტომობილო ბაზრის მიკროავტომობილების სეგმენტში, 2013 წლიდან ბუმია მოსალოდნელი. ამ პროგნოზის საფუძველი კი ის ფაქტია, რომ მსოფლიოს ათი უდიდესი ავტომწარმოებლიდან, შვიდი ამ სეგმენტში მალე დამკვიდრდება. სულ კი, ამ კლასის ავტომობილების წარმოებას, 30 ავტოკომპანია აპირებს. სულ ბაზრის ამ სეგმენტში, 60 საბაზო მოდელის გამოჩენაა მოსალოდნელი, რომელთა შორისაც, ბევრი კვადროციკლი იქნება.